شـكرا لك وبارك الله فيك... لك مني أجمل تحية .

يابويه انا رح اعطيكم تفاصيل ال45 بالتفصيل

- يصحونك قبل الفجر بساعه تتوضون وعلى المسجد .
- كل يوم على كل فصيل يطلع 5 عليهم نظافة السكن يغسلون الاسياب والحظيره بمويه ويكنسونها فقط >> كلام فاضي

- بعد الصلاة يصلبونكم في الميدان يمكن نصف ساعه حتى يجون المدربين وبعد مايجون يرفعون التكميل وتبداء الحصة الصباحية
( سير عادي 5 دقائق يمكن وبعده هروله لمدة ربع او عشرين دقيقه
وبعدها تمارين فك عضلات )

- بعدها الميز فطور لمدة نصف ساعه
- بعد الفطور يعطونكم حصتين كل حصة 45 دقيقه بينها راحه 10 دقائق
تمارين عسكريه
( الاستعداد والاستراحه والثبوت والتراصف والسير ودق التحيه ) > هذي كل الحركات اللي بتاخذونها في 45 فقط

- بعدها يعطونكم راحة للبوفيه نصف ساعه وبعد البوفيه يعطونكم حصة 45 دقيقه مراجعه للحركه اللي اخذتوها في نفس اليوم .

- بعدها يصرفونكم لسكن تريحون وتغسلون واللي يبي يتروش لمدة نصف ساعه وبعدها على المسجد تتوضون وتصلون الظهر .

- بعد الظهر تكميل وطوالي يصرفونكم للميز تتغدون وبعد الغداء اذا فيه جزاء ينزلونكم للميدان تصليبه نصف او ساعه وبعدها يصرفونكم لسكن او للمسجد تنتظرون الصلاة .

- بعد صلاة العصر تكميل وحصتين كل حصة 30 دقيقه يفصل بينها راحة 10 دقائق يعطونكم هروله بسيطه ومراجعه للحركه اللي اخذتوها في الصباح .

- بعدها يصرفونكم للبوفيه حتى المغرب وبعد المغرب تكميل ويصرفونكم على الميز تتعشون وبعد العشاء تصلون صلاة العشاء

- بعد الصلاة يسون لكم تكميل ويصرفونكم لنوم .
^^^^^
هذا هو وضعكم طوال ال 45

(((((((((((((((((((((((((((((((((((((((((((((((((( ((((((((

معلومات مهمه :
- الجزوات ( اجلس وانهض ) ( اجلس امتد انهض ) ( تمتد وتسحب على كيعانك) ( دردبه وهي انك تمتد وتتقلب ) ( تصليبه )
فققققققققققققققققط واللي يقول غير هذي كذاااااب

- في ال45 بيغثونكم بالتكميل 24 ساعه عشان اللي يهربون .

- في ال 45 حاول تخلي مدربك ياخذ فكره طيبه عنك لانك بكذا رح ترتاح طول الدوره معه .

- لاتفكر برا كثير وخصوصاً اهلك لاتفكر فيه ولاتخاف مرح يحصل لهم شي لان اكثر شي كان متعبانا كنا نخاف يكون فيهم شي بس لاتخاااف هم بخير ان شاء الله .

- خذ ملابس تكفيك ولاتفكر في الطلبات اللي يطلبونها لانهم مرح يفتشون عليها ولا رح يدرون عنك انت خذ اللي ينقصك بس

- انتبه من الحراميه وفي ال45 السرقات بالهبل . خذ معاك اقفال وكل شي

- اول يوم حاول تتعشر مع اللي عندك واول اسبوع تعرف على كل الفصيل
بكذا رح تروح عليك ال45 زي سلام عليكم

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ




هذا كل اللي جاء في بالي اللحين
واللي عنده اي سوال يقدر يسالني على الخاص
يعطيكم 1000 عافية واعذروني على الاطاله

الموضوع هذا قديمم ولا جديد