معاليش اخوي حدد وش اللي تبي ولك مني جواب مفصل اسال عن اي شي اي شي مهما كان
1- انواع القهوة
2- انواع الهيل
3- احتياجك من مكائن
4- اضافت للقهوة والهيل
وممكن تقول لي وين منطقتك اذ ما فيها احراج

اسد العلا كفو يالذيب


جاتني الفكرة في لحظة واعجبتني فقلت استشير وافيد الاعضاء في نفس الوقت



وبخصوص اسألتك

الى الان ماعندي تصور كامل

لكن اللي فكرت فيه
استأجر محل يكون موقعه جيد

واحط فيه طاحونة ومكينة حمس وإذا أمكن احط انواع من الفصفص

وش رايك؟؟؟

تسلم اخوي انت الذيب من ناحيه طاحونه وحده ما تكفي لانه لازم وحده للهيل ووحده للقهوة وبخصوص الفصفص هذا على حسب البلديه عندكم ممكن تسمح وممكن لا يعني مثلا فيه محلات مطاحن بتبوك حاطه مكسرات وعطاره زكل شي لاكن لما جيت اسوي مثلها بديرتنا ابلشتنا البلديه قالو بس قهوة وهيل ومنعو المكسرات

لاكن فيه اضافه احسن من المكسرات وهو بعض انواع العطاره مثل كمون وكسبرا وقرفه انواع كثيره مره

اخوي لو صملت على الموضوع ابشر بالمعلومه اللي تبي حتا لو اسعار الجمله و اماكن بيعها بالجمله من المستورد على طول امر بس انت
وممكن اعرف منطقتك ااذا ماعليك امر؟

اخواني لكثره الرسائل وسؤالي عن المحامص والمطاحن حبيت اشرحه لكم بالتفصيل وانشالله ما اقصر

اول شي
المكــــــــــــــــــــــــــــأئن
تحتاج للمحل
1- محمصه واحده 2- تحتاج مكائن طحن واحده لطحن جميع انواع القهوة فيها والثانيه لطحن جميع انواع الهيل
انــــــــــــــــــــــــــــــــواع القهوه
1- هرري ( ومنها حبشيه افضل نوع وكينيه وبرازيليه وهي رديئه نوعا ما ) وفيه شركات تبيعها واساميها (بن محفوض / اللهيبي / باجبير /باهادي وانواع اخرى )
2- اللقمتي ( نفس اللهرري ونفس الشركات لاكنها ارخص نوعا ما )
انـــــــــــــــــــــــــــــــواع الهيل
1- امريكي (ومنها جامبو / امبريال / كاردكس / وانواع بالعشرات كثيرة جدا )
2- هندي ( ريحانه وانواع اخرى وما احب اتعامل فيها لانها غاليه وممكن تجيب امريكي ومثل جزدتها لاكن ارخص بالثمن
الاسعــــــــــــــــــــــــار
1- الهرري كيس 5ك (جمله 80 ريال)
2- لقمتي كيس 5 ك ( جمله 60 ريال ) الشركات اسعارها متقاربه تفرق ريال او ريالين عن بعض
والموضوع طويل ووده وقت والشرح يطول لاكن هذا المختصر المفيد
واعذروني قرب لمغرب وما قدرت اكمل لاكن لو محتاجين تفاصيل اكثر انا حاضر وتامرون امر

السلام عليكم ورحمة الله وبركاته
اذا بفتح محمصه كم تكلف علي
اتمنى الجديه بارك الله فيكم جميع

يعطيك العافيه ... وان شاء الاخوان مايقصرون معك ...وبالتوفيق

ما شاء الله عليك يا اسد العلا
فعلاً أسد ماقصرت والله
الله يرزقك ويوفقك