يرفع للفائدة

يبدو لي انها من الرافضه تأليف من عقولهم وبدعهم الزايده

مثل حمله حملة الاستغفار وغيرها وللأسف انتشرت بين بناتنا السنه...

تحياتي لكم


اتمنى من اللي يرسلون هالرسايل يتجنبون إرسال مثل هالرسايل

أولاً

الحبيب السري

قسم بالله هالرساله طلعت من خشمي


وش هالإختراع او المنطق العجيب اللي يبين حبيبك السري

والمشكلة ان فيه من يصدق ويعير للموضوع اهتمام .!


الرساله الثانيه

برب كلمه تغضب الله

لا اله الا الله

كلنا عارفين ان برب = بي رايت باك

( be right back )

واختصارها = BRB

وش دخلها في " قل اعوذ برب الفلق " .؟

المعنى يختلف إختلاف تاااااام ،


والا حاطين بإعتقادكم بس نشوف هالآية بنقول ايييييه والله شكله صدق .!

مافيه اي فتوى صحيحة تثبت هالكلام الفاضي


الرساله الثالثه

لا تدعها تقف بجهازك أنشر تؤجر

استغفرك ربي بس ..هالرساله اذا ماشفتها في اليوم خمس مرات مااعرف ايميلي

ياجماعه كلنا نبي الأجر .. والدال على الخير كفاعله

لكن للأسف كثييييييير من الأحاديث تكون ضعيفه وبعضها موضوعه أصلا

هذا غيرالاقوال والأدعيه اللي تطلع بدعه مالها اي اساس من الصحه

وحنا ننشرها عن حسن نيه

والله العالم بنية اللي يسويها

وعلى سيرة الادعيه ..اذا تبون تنشرون دعاء هاتوا دعاء ورد في القران او السنه او الاثر هذي تؤجرون عليها واحييكم على نشرها

اما ان كل واحد سمع له دعاء من ابوه والا جده قال بنشره .. خير ؟؟

اخواني ترا المؤمن مابينه وبين الله حجاب ..واذا تبون تدعون كل واحد يدعي باللي بنفسه ربي مجيب سميع الدعاء ..

دعاء صادق من قلبك وبااسلوبك انت ..مو دعاء قاله غيرك !!

،، بس بيني وبينكم هذآ أرحم من الرساله الأخيره


الرساله الرابعه

تنشيط المسن

(Activations)

ارسلها لعشرين ثم تحقق امنياتك مدري مايقفل المسن

رجااااااااء هالرساله لاعاد أشوفها

خلاص بكيفي انا ابي ايميلي يقفل ..بتفاهم مع الهوتميل بعدين

لا عاد حد يرسلها ..سامعين

جابتلي مغص الملاريا <<


الرساله الأخيره

[ اسألك بالله ترسلها لكل اللي عندك ]

[ امآنة برقبتك ترسلها لـ20 شخص ] سلامااااااااااات

[ وصلت هذه الرساله لطيار بحري وأهملها ومدري ايش صار في قرعته .. وصلت هذه الرساله لطالب وأهملها فرسب >> والله جاتني ]

[ حلم شخص بالنبي صلى الله عليه وسلم يحثه على النشر ]

[ ان لم تنشرها سيحدث لك الليلة حدث سيحزنك ، وان نشرتها لـ15 شخص ستسمع غداً بخبر يسعدك ]

ومن هذا الكلام اللي ما يودي ولا يجيب وكله إستخفاف بعقل القارئ

وأحلى شي اللي يقولك : (والله العظيم سوف أرسل هذه الرساله لكل من عندي ******** خلاص عاد إنت حلفت لازم ترسلها ..؟؟؟

خيييييير ..لعب بزران هو .!!

بليز ياجماعه ..خلونا نكون ناس مثقفين فاهمين واعيين

ننشر علم وثقافه وونااااااااسه وترفيه وهبال ودين صح

اهم شي الدين واضح ياعيوني مو متأكد منه لا تنشره اوكيه .


يله نلتقي في إيميلات غثيثة أُخرى وإنشاء الله مايكون هــالإيميل مكرر ومن ثمن يرتفع ضغطـــــكم

تقبلو مروري لكم خالص التحيه