المشاركة الأصلية كتبت بواسطة الصمحة

والله يا الناس تتكلم في شي وهيا ماهي عاااارفه شي يا الغاااااااليه اللي يقووووولك كلية الإتصالات مالها مستقبل هدا انا أقولو روح( موت أحسلك ) والله الناااااس سارت بس تتكلم اي شي ماله مستقبل طيب ليييييييييش ما لها مستقبل أنا اقوووولكم لييش؟؟؟
لانه الواحد اول شي يدخل قسم ليس مرغوب أو بمعنى أصح مجاله محدود جدا .. ثاني شي يكون متخرج بنسبه مقبول 2 أو 2.50 ولا حاجه زي كدا ويروح يقدم عالشركات وما ينقبل ويقوووولك ما لها اي مستقبل طيب انتا ما جبت معدل زي الناس كيف تبغى تنقبل...
أنا ما بطول عليكي بس أنا من واقع تجربتي واللي شوفتو ( أنا خريج كلية إتصالات قسم إلكترونيات والحمد لله قسمي طيب ومعدلي طيب بس انا الحين عاطل يعني جالس ليييش ؟؟؟؟ ( الإنجليزي) ما اخدت دورات إنجليزي هدا السبب لو عندي إنجليزي كنت الحين بعد الله في أراااامكو ولا الكهربا مع العلم إني أختبرت فيهم كلهم بس ما عديت ) والحمد لله الحين بدخل معهد إنجليزي المهم لو ودك تدخليه في كلية الإتصالات عندك التخصصات على خبرتي الافضل في الافضل ..
1- إلكترونيات
2 شبكات
3-إتصالات
دعم فني وهدا شوي مو مرغوب في سوق العمل ..لانه اغلب الشركات يبغو فنييين ( ايدي عاملة )
ولو تخرج بإدن الله ومعدله فوق 3.50 يمديه يقدم على برامج التدرج اللي هيا (أرامكو .. الخطوط ..الكهرباء..بترو رابغ.. أرامكو توتال.. شركة السلام .وغيرها كثير من الشركات ) برامج التدرج يعني تدريب منتهي بالتوظيف لمدة سنه.
ولو تخرج ومعدله طيب يعني 4 فما فوق ويبغى يكمل دراسته يمديه يكمل بكالوريوس في الرياض او يدخل في البعثة كمان وهدا أفضل شي لو وصلله بس نصيحه لاي واحد في كلية تقنية ولا إتصالات يريد يتوظف في شركة من هده الشركات الكبار بعد تخرجه لا يتخرج إلا وهو ماااااخد دورة ثلاثة أشهر في قواعد اللغة الإنجليزية ...
وبالنسبة لمؤيد بقووولك في ناس كتير متخرجه من الاتصالات والحين في كتير من هدي الشركات اللي قلتها لك ومن ظمنهم شلمندي ... وانا كنت راح اكون منهم واختبرت في السلام بس ( الانجليزي )..
يعني الاخير .. شهادة الكلية = بدون خبرة انجليزي .. ماراح تستفيد من شهادتك إلا للعسكرية او مدنية .
بالتوفيق إن شا الله وخلي اخوك يدخل الاتصالات لا يتردد بس لو لقي شي افضل زي الجامعه او معهد الادارة مايمنع ... وتحيااتي لك ..