السلام عليكم ورحمة الله وبركاته
يا جماعه العماله معاد خلو لشباب السعودي مجال لشغل
بينط واحد وبيقول الشباب كسول بصفقه بالتلفزيون![مشعاب](images/smilies/mish.gif)
تعبنا منهم السعودي صاير مسكين عندهم يدخل اليوم بكره وهو شايل عفشه ومنحاش
يتوهق ما يدري شلون يشتغل ما يخلون له مجال يا يشاركهم يا يخسر
وصار العامل مستحيل يشتغل بالراتب يا بالنص يا معصي اعطيه 2400 ريال ويتدلع
وزار ودهن خايس ويتدلع لا جوازات هامته الله يخلف علينا يالجوازات ارسل لهم شكوى عن العماله والايميل موجود عندي يقولون الموضوع الحين مالنا دخل فيه روح لمكتب العمل . نعم ؟
مكتب مين ؟
والله العظيم الي قاعد يصير لشباب السعودي من سكوت صاااااااارخ من الجهات الرسميه اكبر ظلم
عيب عليكم والله الشباب يبون يشتغلون بس ما قدرو ما يقدر يشتغل مهوب عجز منه لا
بس ما خلو له مجال عصابات كل دوله مشكله عصابه ومستوليه على مجال معين وتحت عيون الجهات الرسميه وعارفين وساكتين
الشباب يقول اسفين يا عالم حقكم علينا ما اشتغلنا من قبل بس الحين نبي شغل
توبه بنشتغل افتحو لنا الباب السعودي مسكين يجي لوحده بالحاله واحد نفر وينطرد من الشغله زي المرض المعدي اسف على الوصف بس هذا الي صاير لنا العماله يجون 100 اربعين 30 بالكيلو تكاتف غريب وتنظيم عصابات رهيب وكل مجموعه لهم قائد لا والي يخليك توقف مذهول لو يخسر واحد فيهم بمبلغ وقدره حط الرقم الي تبي وقدامه ثلاث او اربع خانات يدفعون له خسارته مع العلم انهم احتمال كبير ما يطيقونه بس علشان ما يطلع
ولاء غريب
الحين اي شغله تلاقي مستلمها جنسيه معينه من العماله احتكار
فيه سالفه صارت لي قبل فتره دخلت في معركه مع جنسيه معينه مشكله عصابه في السوق وقلت استخدم وجودي النظامي ووجودهم الغير نظامي واشتكي واحاربهم
واشتكيت وللاسف بغو يطلعوني من السوق لولا ستر الله السعودي اشوفه اليوم في السوق بكره ما الاقيه
يا جهات يا رسميه حاربو الرشوه فعلو دوركم يا مكافحة الرشوه ما نشوف لكم طاري
الشباب ضاع
قبل امس كان يكلمني هندي يقول باشتغل معاك قلت طيب بس فيه فلان بيشتغل معي قال مستحيل
ما يشتغل معك يكذب عليك
قلت ليه قال هذا يطلع في الشهر 15000 ريال
رحت نمت بعدها
بصراحه شي يقهر لا تلوموني هندي تعطيه 2400 غير النسبه ويقول لا ؟ الله يرحم ايام 400 ريال والبخشيش كفوف الين يدوخ
الحين احتمال الي يتصفق السعودي اذا تشتكيه على الجوازات يقول روح لمكتب العمل ؟