السلام عليكم ورحمة الله وبركاته
الحين التقديم على المعهد العالي للمياه والكهراباء جاي يوم 16\10
انا محتار اقدم فيه ولا ما اقدم لانهم يوضفونك عندهم 5 سنوات بعقد ماتقدر تلغي العقد ولا شي تشتغل اجباري براتب لايقل عن ستة الاف على مايقولون فالموقع حقهم بس انا خايف من شي واحد
اللي هو انو بعد خمس سنوات يظفروني مع الباب وبعدين اقعد عاطل بدون وظيفه لاتقول قدم عسكريه ولا قدم شركة الكهراباء الكلام هذا بعد سبع سنين من الدراسه عندهم والوضيفه لانو تدرس سنتين وبعدين تتوظف عندهم خمس وفي سنه وحده تتغير الانضمه وما بالك في سبع سنوات يجي ذاك اليوم يقولون اللي يبغا يقدم عسكريه جندي لازم عنده ماجستير وانا فرحان بالدبلوم حقي ولا شركة الكهرباء تقول اللي يبغا يقدم لازم عندو دكتوراه وما القا وضايف بالدبلوم الازبااال

عالعمو تكفون افيدوني فيه واللي دخله وتخرج منه الله لا يهينه يعلمني كيف الدراسه هناك وكيف الشركه اللي وضفوه فيها وبعد اسمها الله لا يهينكم

يا الغالي . المعهد توهم مفتتحينه يعني توه جديد . اول دفعه راح تدخل المعهد السنه هذي راح تكون اول دفعه في المعهد


بالنسبة انهم 5 سنوات اجباري . هذا شئ اكيد . لانه اعتقد انه الشهادة قوية . يمكن تتتخرج من عندهم وبعدها تسحب عليهم . وتروح تقدم على ارامكو ولا سابك ولا الشركات الكبرى ويقبلونك . وبعدها هم ما يستفيدون شئ . يعني يصرفون عليك ويردسونك ويتعبون عليك واخر شئ تأخذ الشهادة وتروح مكان ثاني . صعبه شوي . هم حاسبين حسابهم

اما بالنسبة انه يشوتونك بعد 5 سنوات . لا يالغالي هم فاتحين المعهد عشان يتعبون عليك واخر شئ يشوتونك

انت ابعد عنك الوسواس وتوكل على الله وسجل

مشكلتك جداا بسيطة حتى لو بعد 5 سنوات طردوك منت خسران تدري ليه لأنك بتكسب عدة اشياء
خبرة 5 سنوات وهذي مطلوب في اكبر الشركات الي هي ارامكوا + شهادة دبلوم عالي يعني مطلوب بكل مكان وهم ماراح يستغنوا عنك إذا كنت تمام بعملك بالعكس هم خسرانين يد عاملة ومؤهلة من وإلى والشهادة سلاح

أهم شي مايكون التدريب عن طريق صندوق الموارد البشرية لأن في عيوب مايعرفها إلى من جربها وانا منهم

الله يوفقك

وش قصدك عن طريق الموارد البشريه
يا مظلي

اي و الله يا شباب نبي اللي يفيدنا تكفوون بعدين هم يقولون تتوظف باحدى محطات التحلية ؟ شلون يعني هل

يقصدون ان محطات التحلية المنتشرة بالمملكة تعتبر شركات لكن (( حكومية )) يعني زي الاتصالات و الكهرب

وغيره ...


بس و الله فيها مميزات حلوووووه و من ضمنها السكن و هذا اهم شي و هذا هو اللي يكدر اي طالب ...



متابع ..

انا متخرج السنة هذي وكرشوني كل الجامعات لذالك معهد المياة والكهرباء
هو املي الوحيد مع اني ساكن في الرياض والكاش ماني تعبان

أتوقع الشركه حلوة ولا تطوفكم ياشباب .. راتبها حلو يعني .. والله يوفقكم جميعـاا ..