12-05-2011, 01:18 AM
|
 |
عضو جديد
|
|
تاريخ التسجيل: Jan 2011
الدولة: مُدنٌ بلافجرٍ تنام .. ناديتُ بإسمك في شوارعها فجاوبني الظلام .. : أهكذا يمضي الشباب ؟
المشاركات: 36
معدل تقييم المستوى: 49308
|
|
السلام عليكم ورحمة الله وبركاته
أسأل الله أن يوفّق الجميع
أنا انقبلت مبدئي , وكان موعدي يوم الأحد , ماكنت أدري كم طولي ولاعمري قست الطول لأنّي كنت أحسّ إنه ظلم اكرف 16 سنه دراسه وآخرتها فرد في الجوازات !! , لكن حدّتنا الظروف العائليّه
المهمّ مالكم بالطويله , رحت يوم الجمعه وقست طولي بصيدليّة الدواء وانصدمت طولي 166سم , ماتتخيّلون الإرهاب النفسي اللي عشته , وسألت اللي راحوا يوم السبت قالوا والله قضّبونا الباب في نصّ سنتميتر !! , زاد الضغط النفسي , كلمّت أُمّي وقلت دعواتك وبروح لهم لأني بالدمام وعلى الله
وصلت المعهد ودخّلونا ع الساعه 6 صباحاً , أبرز البطاقه وأنظر لمجموعتك وبعدها دخّلونا الميز اللي فيه تصير العلوم , أعطوني اربع اوراق فيها إقرارين وورقتين في information عن المتقدّم يقوم بتعبئته
إنتهينا من تعبئة الأوراق , وبدأنا الدخول للطول والوزن , دخلت عليهم وكنت من العشره تقريباً الأخيرين اللي يدخلون للطول والوزن , جيت عند الملازم العسيري اللي يقيس الطول وابتسم وقال الله يرزقك فتحطّمت أكثر قلت أكيد شايف طولي مو مناسب ويبي يعطيني دفعه معنويّه قبل الصدمه , طلعت ع الميزان وكل شويّ يقول ضمّ رجولك  <<< قويّه , وشويّ يقول خذ نفَس , المهمّ إنتهيت وقال تفضّل للجنه اللي جنبك , جيت عندهم وجاء الملفّ حقي إلا وزني 169 كيف جات مدري ؟؟؟ , وربّي بغيت أسجد لله اللي ماخيّب دعاء أمي ودعائي واستغفاري , المهمّ كل اللي كنت معهم كانت مقابلاتهم بعد الوزن والطول مع الضبّاط اللي بالصاله بالخارج إلا أنا وحوالي 8 معي قالوا لنا بعد الطول والوزن إنتظروا هنا عند الباب ولوسمعت إسمك لاتروح للضبّاط اللي بالخارج خلّك هنا لين يرجع لنا ملفّك أنت مقابلتك داخل وأعطوني 9 اوراق قالوا لي إكتب فيها إسمك ورقم الهويّه ورقم الطلب فقط
كل الشعب راح إلا أنا والــ8 اللي معي ونادونا واحد ورى الثاني , جاء دوري ودخلت ع اللجنه ووزّعت عليهم الأوراق ووقفت في المُنتصف , وبدأت الأسئله
تعرف نيوتن ؟
ليه درست بجامعة القصيم وأنت من الجنوب ؟
وش اللي عجبك بالقصمان ؟
وش اللي درسته بتخصّصك ؟
وش نوع جوّاك وليه جوّالك بلاك بيري ؟
كانت إجاباتي معهم ساخره جداً وماحسبت لهم حساب لأنهم يبون كذا
المهمّ قالوا أنت بتكون واجهه للملكه أول مايدخل الزائر يقابلك وماراح تقدر تستخدم البلاك بيري هل عندك إستطاعه ؟
إنتهت المقابله وانا طالع سمعت كبيرهم الذي علّمهم يقول لهم : مشّوه !!
وطلعت وطلع واحد منهم بعدي وأنا قاعد البس شماغي وعقالي مسكني بيدّي وقال : وش جابك ليه ماتقدّم ع الأمنيّه ؟ , قلت على يديك قدّمت بس ماطلع إسمي , قال تعال ومشى معي لين الإعلان اللي مكتوب عليه : النتائج يوم 22/6 والكشف الطبي يوم 25/6 وقال لي : تشوف هذي ؟ , قلت : نعم أشوفها , قال إحفظها مثل إسمك وتوكّل على الله
أنا بسّ بقول للشباب اللي يقولون الجامعي ليه مايدخل الكلّيه الأمنيّه والا أي كلّيه ثانيه ويتركون المجال للمقبول أو لحملة الدبلوم : أنتم تتكلمون من فراغ وربي , ماعانيتم اللي نعانيه , تفكّرون إنّا مانقدّم مثلاً ؟ , نقدّم وماتطلع أسمائنا وأنتم تقولون إنتظروا لين تاخذون نجمه !! , هذا كلام غير منطقي أبداً
عندي بعض الأسئله :
1 - هل في الدوره سجن 45 يوم وزحف وخرابيط ؟
2 - كيف بيكون الدوام ؟ , شفتات والا دوام عادي ؟
3 - الراتب بالضبط كم بيكون ؟
4 - كيف الترقيات يعني يمدينا ع النجمه قبل التقاعد ؟
|
عاد والله اني كنت متفاءل خير فيها 
العرض العادي
