وش رايكم بوظيفة بنك

لا جديد · #21 (**permalink**) 11-09-2010, 01:32 AM

أنا جتني وظيفة أدير الكونجرس الأمريكي ورفضت
أنا جتني وظيفة أصير بدل كونغ لي مون حق الأمم المتحده ورفضت
وجتني وظيفة أصير عاطل بالبيت وقبلت

......

ما قول إلا هزلت والله !!

الرجال هنا يبي الإستشاره وانتم هنا تطنزون

ياخي قل خيراً أو إصمت

لا حول ولا قوة إلا بالله

اخي صاحب الموضوع ... إستخير المولى عز وجل وإختر الأنسب لك

مودتي

اقتصادي · #22 (**permalink**) 11-09-2010, 07:42 AM

......... .. الراجحي ... البلاد ... الانماء .... الجزيرة

بنوك اسلامية .. حتى بعض التعاملات اللي يكون فيها اشكاليات مثل تحويل العملات وشرط التقابض اللي ممكن ما يتوفر بسبب التعامل الخارجي .. فيه لجنة شرعية تتولى عملية تطهير

اذا الوظيفة في احد هالبنوك توكل على الله .... وبعدين لا تاخذ فتوى من منتديات .. خذ الفتوى من علماء موثوقين وناس على علم بتعاملات البنكية .. مثل الشيخ عبد العزيز الفوزان والشبيلي وغيرهم .. الله يووفقك

ولدالقمر · #23 (**permalink**) 11-09-2010, 09:57 AM

طيب ويش الشهادات الي يبونها البنك
صباح الخير
اهنئكم بالعيد السعيد واقول لك
كل عام وانتم بالف خير
اخوكم احمد ولد القمر
المنطقه الشرقيـــــــــــــة

وسيمو · #24 (**permalink**) 12-09-2010, 12:04 AM

يا قلبي ابعد عن وظائف الحرام

انا انقبلت في بنك ساب وبنك الرياض ورفضتها

ياعالم مين يرضى على نفسه ياكل ويلبس ويصرف على اهله بالحرام

والله انه محتاجين وظائف بس الله يغنينا بالحلااااااااااااااال

المهم انت ياكاتب الموضوه الي يسمعك يقول الوظائف تستناك

ياخي انت قدم ولما تنقبل قبول نهائي استشيرررر

ومن العايدين تو اوول

Excellent · #25 (**permalink**) 12-09-2010, 12:35 AM

اقتباس:

المشاركة الأصلية كتبت بواسطة مجيددي

طيب ليش تحطون فلوسكم في البنوك اذا حرام

وليش وضعوا مشايخ لكل بنك

لا تحكم على كل البنوك بأنها حرام

مثل البلاد والانماء اسلامية 100%

الراجحي بدأ يخنبق ...

استخير ربك والله يكتب لك ما فيه الخير يا رب

أحسنت و اسوأ شئ في الدنيا هو التعميم

اقتباس:

المشاركة الأصلية كتبت بواسطة ظل الجزيره

جتني وظيفة وزيرة للصحه بـ 30 ألف ورفضت

جتني وظيفة سفيرة لبنجلاديش ورفضت

جتني وظيفة أأكل التيوس والبعارين تبن وقبلت !!!!!
.
.
.
.
شفيكم أنتم على وظايف البنوك وإذا جابوا طاريها قلتم الله يكفينا الشر والله يغنينا من حلاله عن حرامه !!!

وش دعوه وظيفة ببار ؟؟؟ والا مرقص ؟؟؟؟؟؟؟

اللي يسمعكم يقول البنوك ميته تبيكم !!!!!

كل بنك له هيئه شرعيه لاتجلسون تحللون وتحرمون على كيفكم .. ومسألة انه شبهه ومدري ايه ..أنا من وجهة نظري أني أشتغل بهالبنك وأكون نفسي وأخذ لي خبره بعدها أمخمخ وأدور لي على بنك إسلامي على قولتكم

يلا برب

< أعصاااااااااااااااااااااااااابس

اقتباس:

المشاركة الأصلية كتبت بواسطة اول العاطلين

اخوي الخير بين والشر بين _ شوفها بينك وبين نفسك
وبعدين اسال اي موظف بالبنك عن راتبه قله بذمتك تتهنى فيه ؟؟

أنا اجاوبك ..اعرف شخص راح يدرس باميريكا على حسابه الخاص فقط بعد شغل في البنك لمدة خمس سنين , وشوف اميريكا و الدراسة و السكن وكل شئ على حسابك الخاص كم بيكلف مع العلم انه قبل كذا ما كان يقدر حتى انه يروح سياحة ..و ارجع اقول لا تعمموا

اقتباس:

المشاركة الأصلية كتبت بواسطة وسيمو

يا قلبي ابعد عن وظائف الحرام

انا انقبلت في بنك ساب وبنك الرياض ورفضتها

ياعالم مين يرضى على نفسه ياكل ويلبس ويصرف على اهله بالحرام

انقبلت في ساب و الرياض يعني مقدم عندهم طب ليه تقدم اذا تقول انها حرام ؟؟!!!!!!!!!!

كاتب الموضوع استخير و توكل على الواحد الاحد و اذا فيها خير ليك ربي بيسهلها معاك ..موفق

وسيمو · #26 (**permalink**) 12-09-2010, 01:27 AM

انت يالي رديت تقول ليه قدمت ؟

ياعزيزي اذا تخرجت وشهاداتك طايحه في البيت

قدم في كل مكان لاتخلي وظيفه او شركة او منشأة او قطاع عام او خاص لاتقدم فيه

وبعدين بدل العطاله والجلسه في البيت والطلعات كل يوم برا

اذا فتحت النت ادخل على كل مواقع الشركات وقدم

وعلى فكره انا قدمت على كل البنوك ماكانت عندي خلفيه شرعيه عنها

ولما انقبلت في بنك ساب والرياض سالت مشايخ في هيئه كبار العلماء

والحمدلله بعد مارفضتها

جاتني وظيفة مااحلم فيها في بنك الراجحي ..والبنوك الاسلامية معروفه عندنا

بنك الراجحي ........والانماء..........والبلاد ...

ومن ترك شيئا لوجه الله اغناه ..دعواااااااااااتكم بالتوفيق

ظل الجزيره · #27 (**permalink**) 13-09-2010, 11:21 AM

كل عام والجميع بخير ..

اقتباس:

والحمدلله بعد مارفضتها

جاتني وظيفة مااحلم فيها في بنك الراجحي ..والبنوك الاسلامية معروفه عندنا

بنك الراجحي ........والانماء..........والبلاد ...

ومن ترك شيئا لوجه الله اغناه ..دعواااااااااااتكم بالتوفيق

ألف مبروك الوظيفه أخوي

بس حبيت أعلق على حاجه وأنا ماأقصدك شخصياً
.
.
.

تخرجت بالترم اللي راح وبدت رحلتي مع البنوك وإلى ألحين مستمره ..

سويت مقابله مع بنك الرياض ووعدوني إذا كان فيه احتياج راح يدقون علي نهاية السنة الميلاديه

<--- وللأسف جاني تجريح وكلام يدخل بالنيه

يقولون : إن كانك بتتركين هالوظيفه لوجه الله لأنها شبهه ( لاحظوا شبهه يعني مو متأكدين من الفتوى ) فــ ربي بيعوضك ببنك حلال !!!!

بأخر رمضان نزلوا احتياج ببنك الراجحي ومديرة الفرع وعدتني خير بعد العيد

يعني إذا تخليت عن بنك فيه شبهه وبعدها توظفت ببنك إسلامي < معناها نيتك زينه !!!!

ياعالم والله أني أعرف الحلال والحرام صحيح يهمني الراتب لكن أمنيتي أشتغل بمكان راقي ويناسب طموحي ..

أنا أقول :

مسألة العمل بالبنوك موضع خلاف بين العلماء وهذا أمر مسلم به ومقبول
أما
مجتمعنا الكريم مابين مؤيد ومعارض يرجع هذا الأمر دائما إلى الأصل الشرعي

الدين يسر ياجماااعه
ومو معناه أني بأخالف الفتاوى الشرعيه

ملاحظه : بنك الرياض تحولت فروعه إلى مصرفيات إسلامية بنسبة 70 % وقريبااا راح تتحول جميع فروعه
نقلا عن كلام الشيخ المنيع < أحد أعضاء الهيئه الشرعيه بالبنك !!!

ظل الجزيره · #28 (**permalink**) 13-09-2010, 11:27 AM

اقتباس:

المشاركة الأصلية كتبت بواسطة لا جديد

أنا جتني وظيفة أدير الكونجرس الأمريكي ورفضت
أنا جتني وظيفة أصير بدل كونغ لي مون حق الأمم المتحده ورفضت
وجتني وظيفة أصير عاطل بالبيت وقبلت

......

ما قول إلا هزلت والله !!

الرجال هنا يبي الإستشاره وانتم هنا تطنزون

ياخي قل خيراً أو إصمت

لا حول ولا قوة إلا بالله

علاء سنيور · #29 (**permalink**) 14-09-2010, 03:04 AM

يا اخوي توكل على الله وتوظف .. انا موظف البنك

رواتب البنوك ممتازه ولله الحمد .. لكن بيئة العمل بتكون ضغط شوي

وهذا غير المكافأت نهاية كل عام .. وبالنسبه للحلال والحرام

هناك فتوى من كبار العلماء بهذا الموضوع وهذه هي البنوك الاسلامية

البنك الاهلي - البنك الراجحي - بنك البلاد

ومع العلم توجد بنوك (( شبه اسلاميه )) كيف ؟؟

انا اقولك كيف هناك فروع يطلق عليها فروع اسلاميه تختلف عن بقية فروع بتعاملاتها

ولا تنسى ان موضوع البنوك افتوى فيه .. وانت ماعليك غبار لان اللي افتى بذمته مو بذمتك

وبالتوفيق ؛؛؛؛؛

الكرزما · #30 (**permalink**) 02-02-2015, 11:22 PM

لقيت وظيفه مدير بنك براتب لابقل عن 30 الف ورفضت
وحصلت وظيفه برتبه وزير في السفاره الامريكيه ورفضت

قلت لان رواتبها مافيها امان

وجتني وظيفه حارس امن براتب 1500 وقبلت ..
اهم شي الحلال

ي حبيبي توكل على الله وروح والله يوفقك

وش رايكم بوظيفة بنك

إستفسارات ونتائج وظائف القطاع الخاص

السلام عليكم قررت اتوظق بالبنك بس ابيه مده يعني سنتين كذا يمكن امدد ويمكن اسحب بس بعد سنتين ونصف . بسأل عن الراتب وعن الدوام كيف ؟؟؟

وش رايكم بوظيفة بنك

تسجيل الدخول

وش رايكم بوظيفة بنك

إستفسارات ونتائج وظائف القطاع الخاص

السلام عليكم قررت اتوظق بالبنك بس ابيه مده يعني سنتين كذا يمكن امدد ويمكن اسحب بس بعد سنتين ونصف . بسأل عن الراتب وعن الدوام كيف ؟؟؟

وش رايكم بوظيفة بنك