السلام عليكم

انا مشروعي اللي ابذكره تقريبا مضمون نسبة المخاطره به قليله وربحه كبير لكن الربح يبدى من بعد 5 سنين تقريبا الى 7
المشروع هو انك تشري ارض زراعيه بالقصيم لو شماله افضل
طبعا فيه اراضي متره بريال انت لو تاخذ شي 100 الف متره بريالين تساوي 200 الف
ثم تحفر به غطاس طبعا اسعاره مختلفه خل نفرض كلف 50000 وممكن بعدين اذا كثرت النخل يحفر ثاني وتوع بركة اوو يزود او مضخة اكبر
ثم تشري فسايل نخل الواحده ب 150 فرضا ولو تشري 1000 وافرض 200 جاهن مرض او ماتن هذي 150000
تسوير المزرعه لو شبك وتمديده والكهرب ولو تبي بركه او غرفه وسكن العامل والتسويه قل ب 100 الف
التكلفه الان 500 الف ال500 خذ 150 مصروفات على المزرعه قبل تنتج راتب عمال او لو تبي تحفر بير ثاني وغيره
الان 650 الف كتكلفة
نجي للارباح لو النخل طبعا ابفرض النخل سكري كله وممكن تحط خلاص
طبعا مثل ما قلت الارباح بعد 5 الى 7 سنوات ممكن تزيد التكلفه وبدال الفسايل تشري جثايث كبار بعد سنه تنتج او سنتين
طيب اذا فرضنا ان النخله تنتج 30 كرتون (وهي تنتج اكثر)وبعت الكرتون جمله ب 30 ريال (وممكن باكثر ) وعندك 800 نخله
30*30*800 = 720000
30*30*800= 720000

اخصم منه مصاريف العمال وقل لو تحصل سعودي يتابعه براتب شهري مثلا 6000 او لو نجيب مهندس زراعي بعد الخير واجد
لو تحصل 500000 سنويا نعمه

ممكن تطلع راس المال سنويا وطبعا تقدر تزرع فسائل جدد من فروخ النخل يعني الدعوه كل ماله تكبر

وهنا قلنا نخل فقط كيف لو تدمج معه اغنام بنفس المزرعة او مشروع حمام او بيوت محميه او رشاش محوري 100 الف كبيره واذا مليت تقدر تاجر المزرعة بالكامل بعيد المدى مثلا 80000 او تبيعه باكثر من تكلفته
انا حسبت التكاليف بحد اعلى تقريبا وحسبت الارباح بحد ادنى والفكره للجميع واتمنى لكم التوفيق


ممكن في حساباتي بعض الاخطاء ممكن نتناقش

أخي المتشطر لا أخفيك أن مشروعك في قمت الروعه ومتاعبه بسيطه جدا حتى لو مومتفرغ بأستطاعتك
تديره ووزارة الزراعه تعطيك قرض وتساعدك وبالنسبه للعماله ممكن في الأول لازم كم عامل وبعد ماتركز
ويسلك معك الوضع بإمكانك الأستغناء عن العماله المتبقين وتخليهم واحد أو إثنين يكفون لهاالشغله وبالراحه
ومو لازم تزرع سكري أو خلاص اي نوع ينفع وبالنسبه لتمور فيه المصانع اللي بالأحساء تبع وزارة الزراعه
تأخذ منك بسعر ممتاز وأسعارهم مختلفه نوعين وهي كالتالي:
1- الكيلو =5 ريالات.بشرط أن تكون مطبق نظام الري الحديث.
2- الكيلو=3 ريالات. بدون نظام الري الحديث .
والسوق بعد فيه خير وبركه من غير النفيع اللي يطلع من خلاصة التمر تبيعه على أهل الحلال والجريد كذالك
يباع في الوقت الحالي بس ياليت أحد من الأخوان يسويلنا دراسة جدوى للمشروع بسعر السوق حاليا من غير
قاصر في معلومات أخونا المتشطر الله يعطيه العافيه وياليت هذا الموضوع يقيم ويثبت كذالك لتعم الفائده إذا ماكان مكرر وتقبل مروري أخي المتشطر ولاتحرمنا جديدك يالغالي ..... فتى البطين.

مشروع حلو بس عندي تعليق في نقطتين

1- وين مكان الاراضي اللي مترها بـ ريالين بالاحساء


2- المشروع جيد بس يحتاج حق دورة رأس مال طويلة


ووزارة الزراعة تسوي دعم للي يتبع نظام الري الحديث كني سمعت يعطونهم مبلغ من المال سنوياً (مو متأكد)

و أتمنى أشوف أسعار أراضي مثل ما كتبت بالأحساء و أن ماتكون بعيدة جداً

الاخوان الاراضي المذكورة تلقونه بالقصيم ما قلت بالحساء حتى انه فيه مناطق متره اقل من ريال لكن تكون بعيده ولا وصله الكهرب وهالشي نسيت اضيفه بالحساب الا وهو مولد الكهربائي يمكن ب 30 الف مع ملحقاته
الاخ هشام صحيح المشروع يبي صبر كم سنة لكن ان شاء الله تحصل راس مالك كل سنة بعدين
وبالنسبة لاعانة وزارة الزراعة والله ما ادري عنه

موفق بإذن الله ... لك مني أجمل تحية .

افى وين فطاحلة النخل وعباقرة التمر
عطونا رايكم بالمشروع ما نستغني
احد عنده نقد ..اقتراح ..سؤال..تهجم ...استفسار...نقاش ...رائي...ملاحظة.. يطرحه هنا نحن في عصر الديمقراطية والرائ والرائ الاخر والحوار الوطني وعدم تكميم الافواه كل واحد يفتح خشته ويخليه تعبر على الكيبور ما يمليه له ضميره

المتشطر تسلم اخوي ما قصرت وفعلا النخل اصول لك ولزمن

لاكن تسال وتقول وين فطاحلة النخل الحين تجاوزت النص مليون تكلفه
والغالبيه في المنتدى بطاله اي واحد يشوف الرقم يروح ينام بدون مقدمات
بس تبي الجد مشروعك ماشاء الله تبارك الله رايق