المشاركة الأصلية كتبت بواسطة بندر الهلالي

السلام عليكم ورحمة الله وبركاته
اخي انا اقدر انفعك بشيء اهم من الامور ذي كلها !!!
بتقولي وش وهو اهم شيء انا راح ادلك على شركه ماركه عالميه وراح اخليك ان شاء الله وكيل بها يعني وش وكيل يعني يا اخي يوسف النفيعي بدال ما تشتري ادوات التجميل والتقشير والتنظيف من كريمات ومقشرات باسعار عاليه جداً راح تشتريها باسعار منااااسبه وفي متناول يدك يعني بدال ماتطلب من موزع والشركه تاخذ فايده والموزع ياخذ فايده منك لا راح اخليك تاخذها من الشركه رأساً اذا بغيت اي افاده راسلني على الخاص وتمنياااتي لك بالتوفيييق
اخوك / بندر الهلالي

المشاركة الأصلية كتبت بواسطة الدره الثمينه

اممممممم

اول شي تجيب عاملات مضمونين ويسوو كل شي

من بدكير منكير

وكل شي للشعر

حتى تنظيف الجسم بشيره كل شي كل شي

امممممم خبيرات تجميل مكيـآأج يعني يكونو من بينآأٍ سعوديات يكونووو عندهم شهادات خبره

بس التساريح عليييك بالفلبينيآأت عليهم شغل صح

يعني بربع ساعه يخلصو زبونـه وهاذ شي مطلوب عند الزبونه السرعه


واحلا شي انك بتفتح فيه مركز تصوير

لأن الكل يعاني بالمناسبات من قله المواصلات

يعني الكل يدور محل كوافير بتصوير

شنو بعد اقدر اقووولك

عليك بكل الآلآت الحديثه لشعر

اممم جيب لك حريفات تاتووو حواجب يعني لو نحسبها لك التاتو بـ 600 يعني لو تجي لك باليوم 5 زبونات يطلبون تاتو شوف كم بتطلع احسبهآأٍ

وغير كذآأ تاتو شفايف كمآأإن يعني حريفااات صح ومضمونين

والله تكسب الذهب انا قاعده اقولك الشي الي يشد البنآأت بالكوافيرات

انا افكر بهالشي والله

بس حبيت افيدك قبل افيد نفسي

لحظه قاعده اقولك شنووو بعد

عليك بالموضه يعني كل شي

جيب عاملات واهم شي قولهم يتبعو الموضه

البنات يحبو الموووضه حتى لو مو حلوه من الأصل

ونصيحه شوف اسعار باقي المراكز إذآ عندك خوات خلهم يشوفو لك الأسعار وانت سو اقل من لو بخمسه او عشره ريال رح تجذب زبآين

انا شايفه هالشي والله

وغير هالشي بالنسبه للمكآأإن يعني خل في غرف فاضيه للزباين عشآن ياخذو راحتهم غرف خاصه للعرايس واهلهآأٍ

مكآأن للأكل يعني سو مركز كبير

وعليييك بشي خاص يعني جيب عاملات خاصات للعروس رح تشوووف عليك طلبآأت لفوق


كثير حاجات

سوري طولت عليك بس جد رح تخسر بالبدايه بس رح تكسب ذهب بعدين

بعد حاجه هههههههههههههه ْ~> يالليل مطولك

عليك بالعروووض الخاصه بالمناسباااات مثلا الأعياد رمضآأن مواسم الزوآجآأت بالعطل يعني عروض خفيفه

بالتوفيق يارب

المشاركة الأصلية كتبت بواسطة رفحاوووي

وجهة نظري المتواضعه
انا شايف النادي النسائي هوالافضل بلامنافس
ولاكن الصعب الموقع
لازم صاله مفتوحه وهذا من المواقع النادره
تجهيز الموقع
اجهزة التدريب
كوفي شوب
ولو لاسمح الله مامشى الحال
تستطيع بيع الاجهزه
او التقبيل ولاخسائر
وبالتوفيق ان شاء الله
دعواتكم
رفحاوووي.

المشاركة الأصلية كتبت بواسطة مشاريعي

ماشاء الله تبارك الله مشروووع ممتاز وإنشاء الله ربنا يباركلك فيه أخوي نصيحة أهم شي عند الزباين المواعيد حاول بقدر الإمكان تحط كم موظفة للحجوزات والترتيب لانو الناس ماصارت تحب الإنتظار لو خمسة ثواني وعندي لك نصيحة ثانية أعمل عروض للزباين الدائمين نصيحه أخرى أفتح في المركز هذا كوفي صغير زي البقالة مثلا فيها كل شي وكمان للأطفال غرفة زي الحضانة فيها العاب ومتخصصات في الاطفال الساعه بمبلغ رمزي للسيدات التي يحضرن للكوافير ولاكن لاتفعل هذه العملية إلا لمن تتأكد انو في عدد كبير من الاطفال يحضرو مع امهاتهم اوك عشان لاتتوهق بعدين .

المشاركة الأصلية كتبت بواسطة ر السلاطين ر

الاخوان ماقصرو

اتمنى لك التوفيق
كل عام وانت بخير