06-10-2010, 10:42 AM
|
عضو متواصل
|
|
تاريخ التسجيل: Sep 2010
المشاركات: 57
معدل تقييم المستوى: 29
|
|
اقتباس:
المشاركة الأصلية كتبت بواسطة مطفر جداً
إذا صح كلامك إللي باللون الأحمر فهذي كارثة ..
يا عمي الشباب فيهم أنواع الأمراض النفسية وأقربها القلق و الربكة و الخوف ..
وشلون نصير واثقين من أنفسنا و إحنا نعاني من أنواع ( الرهاب الاجتماعي ) يا شيخ يوم رحت أختبر أحس إني دخلت على ملوك ما دخلت على موظفين لجنة راتب الواحد منهم 3500 ..
والسبب في هذا كله هي السنين إللي قضيناها نتصور جنب شهايدنا لين المخ أرسل إشارات للعقل الباطن تقول ( أنت أقل من الشيبان الموظفين إللي يطق الواحد منهم 10 ألآف وهو ما معه إلا ابتدائي ،، و أنت أقل من أخوياك إللي مثلك و توظفوا بسبب واسطاتهم ،، و أنت سطر زائد في دفتر الوجود ،، و أنت عاطل باطل فاشل ،، و أنت محّد يستفيد منك لا أبوك و لا أمك و لا مجتمعك و إلا حتى وطنك .... الخ ) ..
لا و يقولون محبّة الوطن ..
يا شيخ أنا لو أبوي غني و يشتري لأخوي سيارة و يبني له بيت و يزوجه ،، و أجي عنده و أقول أبيك تعطيني مثل ما أعطيت أخوي ،، و يقول لي : ( لا ) كذا بدون سبب ..
ما أتوقع إني راح أحب أبوي .. و هو أبوي ..
فما بالك بوطني ؟
يا وطني أبغى وظيفة <<< بكرة أنت أرقد ألحين و بكرة يصير خير
ههههههههههههههههههههههه
الله يرزقنا من فضله ..
يا شباب توكلوا على الله حق توكله ،، و هو بيرزقنا من فضله و خيره ..
|
على طاري الإرتباك والخوف تقدرون تسيطرون عليه وتحلونه من اليوم ؟ كيف ؟
طبعاً الأكثرية فينا [ عاطلين ] أول شيء تكشخ وترسم وتبدأ تفرفر بالدوائر الحكومية أو تروح للمستشفيات أو للمصانع أو لأي جهة وحاول تخاطب أي شخص مسؤل لو كان ( فراش ) المهم حاول تتخاطب معه وقبل ما تتخاطب معاه حاول أنك تحط النقاط اللي لازم تأخذها بعين الإعتبار :
1 - البدء بتحية الإسلام وهي : السلام عليكم ورحمة الله وبركاته .
2- إلقاء بعض العبارات الترحيبية ( صباح الخير يالغالي ، صباح الخير يابو عبدالله >> أدري أن ولد محمد بس كلنا عبيد لله  <<< فيها شوي من الذكاء .
3- تستأذنه أنك راح تأخذ من وقته القليل إذا لم يكن لديه مانع ، ربما يكون مشغول أو المزاج لك عليه شوي ( تعرف موظفي الحكومة أنفسهم بخشومهم )
4- تسأله عن قسم شئون الموظفين ( هالقسم يا كثر فلسفتهم على غير سنع ) يعني راح تلقى هرج بالكوم يعني تفلها هناك .
5- تكلم بكل أريحيه ، تسألهم عن الوظايف اللي موجودة عندهم ، هل فيه مجال للأشخاص اللي يحملون المؤهل ( مؤهلك أنت ) ؟ وتبدأ تهرج معه لمدة نصف ساعة ولمدة 5 أيام تكون أخذت دورة في فن المخاطبة 
صدقون يا شباب أنا كنت مثلكم أول ، اخاف أدخل على مسؤل كبير في أي دائرة أحس أنه يبي يغمى علي من الخوف ورجليني تبدأ تتصافق من الخوف بس بالطريقة اللي قلت لكم عليها الحمد لله الحين لو يقولون تبي تدخل على الملك عبدالله دخلت عليه وسلمت عليه وشكيت له حال العاطلين
//////////////////////////////////////////////////////////////////////////////////////////////////////
أما على طاري اليوم الوطني ،،، وش تبين أحتفل فيه ؟ علشان أني عاطل أروح أحتفل !! فلوس البنزين ما معي علشان أروح لمقر الإحتفالات تبين أروح أحتفل !!!
بعدين سمعت الكثير من المواطنين يقولون [ ليه ما رحت يوم العيد الوطني ] وأستغربتها من أشخاص [ دكاتره ] في جامعة الملك سعود بالرياض !!!
أحب أقولهم المسلمين لهم ثلاثة أعياد :
عيد الفطر
عيد الأضحى
ويوم الجمعة ( عيد الأسبوع )
وما زاد عليها فهي بدعه !!!
^^^^
تراي مانيب بملتزم أو مطوع ، شخص عادي بس أني محافظ على الصلاة تقعدون تقولون جالس يفتي لنا 
بعدين وش لنا حنا باليوم الوطني ؟؟؟؟؟
الحمد لله المملكة لم تكن محتله من قبل أي دولة أخـرى حتى تحتفل بإستقلالته كما تفعله بعض الدول الأخــرى ؟!
وأنتم لاحظتوا كيف حالات الشغب اللي صارت باليوم الوطني ! العام الماضي الفوضى وحالة الشعب اللي تعرضت لها مدينة [ الخُبر ] بالمنطقة الشرقية والخسائر اللي تقدر بملايين الريالات ! وهالسنة اللي صار بالمجمعات التجارية الرياض وبالمجمعات التجارية للمناطق القريبة منها !!!
يوم وطني بلا مواطني مخلص !!!
نحتفل بماذا ؟
هل نحتفل بممارسة الفساد الإداري !
هل نحتفل للواسطات والمحسوبات !
هل نحتفل للأخطاء الطبية التي تعرض لها أكثر المواطنون !
هل نحتفل لأن أغلب الشعب السعودي يعيش بلا سكن مُلك وبلا وظيفة والأكثر منا يعيش تحت خط الفقر !
هل نحتفل للقضايا الإخلاقية !
هل نحتفل للعنصرية !
هل نحتفل لأن التبرعات تذهب للبنان وباكستان وغيرها ونحن بأمس الحاجه ، حتى تظهر النتائج والمملكة هي الأولى بالتبرعات !!
هل نحتفل للغش التجاري !
بماذا نحتفل يا وطني ؟؟؟؟؟
(( وطن بلا مواطن [ يعيش بكرامه ] لا يستحق أن يكون وطن )) 
تقبلوا تحياتي ،،،
|
olleyes :
العرض العادي
