السلام عليكم ورحمة الله وبركاته
اكيد الكل اختبر
الله يوفق الجميع
اخواني بالنسبه لي انا كنت بالاول لي رغبه في الوظيفه بوزارة العدل بس يوم شفت ان في ناس كثيرين ما عندهم وظائف وانا الحمدلله ربي انعم علي قلت وش هوله مزاحمة العالم
رفضت الفكره وقلت مراح اختبر
بس جاني فضول اني اختبر وابي اشوف الاسأله وابي اتأكد اذا فعلاً المراقبين يغششوا اللي يختبروا او لا
دخلت القاعه وقعدونا بالكراسي وعطونا الاسأله
اللي للحين مو متذكر منها شئ لانها على بعضها احسها تعجيزيه واستغفر الله
قعدنا نصف ساعه الا والاخوان الكل راح يعطي ورقة الاجابه قلت في نفسي ما شاء الله شكلها سهله عندهم وانا لا
بس يوم راحوا للمراقب طبعاً مع الزحام الكل قعد يغشش الثاني خخخ قدام عيني
والمراقبين استغلوها فرصه وراحوا عند معارفهم ويعلمونهم يعني الدعوى فوضـه
قعدت اناظر واحمد الله على نعمـة العقل
جاني واحد مراقب قال لي زهراني ناقص عليك شئ << انا وقتها حقدت من جـد وكنت بقوم ابقسـه واطيح فيه بس هديت نفسي قلت ضف وجهـك يمال الفقر
وانا في نفسي قلت لو غشيت شلون الله سبحانه يرضى علي اني اخذ لي راتب حرام طول سنين عمري واكل عيالي منه هذا شئ مرفوض
( من غشنا فليس منا )
واذا الله سبحانه وتعالى كاتب لي النصيب راح القاه وذا هي غير ذلك راح يعوضني سبحانه
الصراحه وقتها تعبت نفسياً وحسيت اني ببكي وحزنت على حوال بعض اللي قعدين يختبروا يناس والله انهم لسى متخرجين وعمارهم صغيره حتى ملابسهم تحس ان الواحـد فيه حاله ولا هو لاقي حق ما يشتري له نعال (كرم السامعين)
وبعضهم والله كبار بالسن يا الله حتى بالماريه وانا طالع بسياره وهم قعدين يأشروا يعني معاناه والله معاناه
وحقين الواسطات ماخذينها بارده مبرده
المشكله اني وانا قعد اختبر واحد من المراقبين مر من عندي ويكلم واحد بالجوال ويعلمه بالاجوبه قهر قهر قهر يناس < شوفوا شلون وصلت فيهم
انا اكتفيت بالاجابات اللي عندي وحمدت الله واثنيت عليه
وعطيتهم ورقة الاجابه وفعلاً مثل ماقالوا الاخوان غش عيني عينك واللي يتأخر راح يغششوه واستغفر الله العظيم
رديت البيت وانا متحطم نفسياً من اللي شفته ومن المراقبين حسبي الله عليهم لا عاد في ذمه ولا ضمير ولا هم يحزنون
شافني اخوي قال بشر قتله اللي صار هو بعد تحطم وقال ليه مغشيت >_<
قلت حلوه اغش قال ايه هم كذا يفلحوا
قتله اسف اذا مجت من عند ربي ما ابيها وزعل علي
يناس افهموني ابيها من الله ما ابي واسطاات
ولا انتوا وش رايكم
غلطت بشئ
بعدين ليه ما عاد في ذمـه ولا ضمير بالمسئولين
ليه الواحـد يبيع ذمـته علشان فلان وعلان ويتوسط لهم
وفي منهم اجـدر بالوظيفه وانفع للوطن من بعض الحثاله اللي يوظفونهم بالاسم بس واخر الشهر يجي ياخذ راتب وقعد ببيتهم
واللي مستحق وحالته تشكى لله يقولوا مع الباب
عاد تصدقون
والله العظيم مر علي اليوم الوطني من ست سنوات معمري فرحت فيه ولا عمري راح افرح فيه
شلون تبونا نفرح واحنا لا بيت ملك ولا سياره ملك ولا شقه ملك
البقاله تطلب المغسله تطلب المطعم يطلب
القروض مكسرة ظهورنا من غير المخالفات اللي كل مره تدبل علينا
واجارات البيوت اللي من 19 الف وفوق
يعني احنا مو لاقين نعيش يوم شلون تبونا نفتح بيوت ونتزوج ونجيب عيال ونصرف عليهم
من جـد والله قهر والله قهـر والله قهـر
ليه هذا التحطيم كله
يعني مو لاقين يعيشوا الا حقين الواسطات
والاجانب بالبـلد
استغفر الله يا ربي
06-10-2010, 12:47 PM
العرض العادي
