أتمنى من الشباب اللي اختبروا مقابله شخصيه مساء اليوم يخبرونا كيف طريقه الإختبار منذ دخولكم المبنى حتى الخروج ؟؟
وكم أعداد أعضاء اللجنه ؟؟ وكيف الإسئله اللي مره عليكم ؟؟
وجميع الإشياء اللي صارت لكم ومتعلقه في المقابله الشخصيه سواء الوضائف الكتابيه أو محضرين الخصوم أتمنى تفيدونا وتردونا علينا بأسرع وقت لكي تعم الفائده ،
والله يوفق الجميع لما يحبه ويرضى ،،
ولا تنسون الإستغفار .

بنتظار الي أختبروا وظائف كتابية وش نوعية الأسئلة

بإنتظار اللي اختبروا بمنطقة القصيم اي تخصص

شباب انا وصية واحد من العيال وجابلي نماذج من فرع وزارة حائل هو اختبارة هناك وانا اختبار ي بفرع القصيم

المهم عبيت النماذج وجهزت في اشكال فيه اختلاف بالنماذج ولا شكلها وحده

ياناس لعبوا فينا : (

ياخي معقدين المساحين قسماً اهب عليهم

من اربعه ونص لين بعد المغرب بالقوه خلصونا والمحضرين وناسخ اله خلصوا قبل المغرب الا حنا كل واحد عشر دقائق يختبرونه : (

ندخل بالاسأله مباشره ..

اول سؤال .. عن ماذا يختص علم المساحه ؟؟

الجواب { هذا جوابي طبعاً } .. يختص بفروع كثيره ويتركز في وزاره العدل بالغالب في الرفع والتوقيع < مسوي على راسه الولد الذي فاهم

السؤال الثاني .. ماهي المساحه التصويريه ؟؟

آآآآ آمممم شسمه هذا خرائط تؤخذ من الجو لمعرفه تغيرات الطبيعه وتستخدم غالباً بالمساحه العسكريه !!

حولني للشيخ الثاني وهذي اسألته .

كم اركان الايمان .. سته طال عمرك

كم اركان الاسلام .. خمسه ياشيخ

كم اركان الاحسان .. ثلاثه ياشيخ << من راسي وطلعت واحد بس وتوصيت لهم بإثنين

ماهي اعظم ايه في القران .. آيه الكرسي ياشيخ

كم تحفظ من القران الكريم .. ماتيسر ياشيخ

رجعني للشيخ الي قبل .. ماهي الشفعه ؟؟

الله العالم طال عمرك

ماهي ترجمه الخرائط المساحيه ؟؟

توقيع الخريطه على الطبيعه ..

ماهو الرفع ..؟

رفع المعالم من الطبيعه على الخريطه

..........

فيه واحد جالس معهم بس يناظر فيني مايبي يشيل عيونه اهب على وجهه ؟؟

قال اكتب اسمك بخط زين .. كتبته وقال موفق قلت الجميع ان شاء الله

ونشوفكم على خير بروح انام ..

السلام عليكم

انا قبل اشوي سويت مقابله شخصيه محضر خصوم
واللي صارلي بالتفصيل
دخلت عليهم وسلمت وقالي تفضل وقال اسمك وذكرته وقال وش تبغى بالوظيفه اسئله عاديه وفاجئني بسوال ماكنت متوقعه وقال اذكر التشهد الاول وذكرته وتلخبطت وعدته
واعطاني ورقه بيضاء وقال اكتب اي شي واكتب بعدها اسمك وبعده سئلني ماعندك شهادة كمبيوتر قلت لا قال تعرف تشتغل عليه قلت نعم وقال افتح الورد واكتب يشوف سرعتك بالكتابه
وقال تفضل
هذه اللي صار

وبالتوفيق لكم

ودعواتك لي

الله يوفق اللى اختبر معقدينها شوي بس اكثر الاسئله استفزاز
كل واحد يخلي اعصابه بمويه بارده وما عليكم كل واحدياخذ نصيبه

هههههههههههههه

ايه محضر خصوم

بالنسبه للمقابله الشخصيه لمحضر خصوم كانت على حسب اللجنه وكل لجنه لها نظرتها وسياستها اتفقو باول سؤال تدخن ؟ انا الي صار معي الموضوع معقد خخخخ اجل تبي تتزوج <<<< وش دخلك ياخي بعدين هذا سؤال اكيد ياخي بنتزوج هذي سنة الحياة وش تفضل المدير المتشدد ولا الي يمشي بالنظام <<<< اذا كنت بمشي بالنظام وبيشد مشكله !! عموما الموضوع لخطبه والله يسهل امورنا جميعا ً