المشاركة الأصلية كتبت بواسطة يوسف العنزٍي

ابدا ولا سالني ولا قال.. أي حاجه
بس قال أسمك الثلآثي + موفق

وقسم بالله أوم التحطيم.. يحسسك أنك مو شي !! وغيرَك طق حنك وين درست وين رحت وش أسمك وش مؤهلاتك وش تحب.. والله شوي ويخطب له ! وغيره حرفين والله معك

لو انه ماخذ ومعطي.. اعرف انا وش لي وش علي ! واطلع راضي او ماني راضي ع نفسي..
حتى اذا مانقبلت..أقل شي تقول حاولت

بس انك تكتب حرفين !! هذي تسميها اتاحة فرصه ؟؟؟؟؟

حسبي الله لا اله الا الله عليه توكلت وهو رب العرش العظيم

المشاركة الأصلية كتبت بواسطة محمد العايد

ياخوي يايوسف بالعكس ترى اللي مايكثرون الأسئلة معه يعتبر مجتاز للمقابله .. لكن اللي يشكون في وضعه يطولون المقابله معه يعني ( فحص دقيق ) وبعضهم من أول نظره تقول له ( أوكيه )

على فكره كنت مشرف قسم في إدارة حكومية وكنت أسوي المقابلات الشخصية في قسمي .. ترى الموضوع كله زي ماتقول ( وش هو من لحيه ) والباقي يبين بالأوراق والشهادات .. واذا الموظف محتاج له إختبار على أجهزة معينة نختبره عليها ( مثلاً الحاسب ) وصلى الله وبارك على نبينا محمد وعلى آله وصحبه أجمعين


الموضوع بسيط وانا اخوك

المشاركة الأصلية كتبت بواسطة وسيع العرف

محمد العابد يعني بما ان عندك خبره سؤال على الطاير
هل نسبة الثانويه لها دور بالمفاضله او بس درجات المقابله؟

المشاركة الأصلية كتبت بواسطة محمد العايد

ابوضح لك أكثر وانا اخوك أنا كان عملي في مستشفى عسكري تابع للقوات المسلحة يعني ( بند تشغيل وصيانة ) أوضح لك أكثر مايخضع التوظيف فيه لنظام الخدمة المدنية .. مع أن الوظيفة حكومية لكن غير رسمية . فما كانت تهمنا النسبة .. لكن إذا أبسوي فيها معقد أدقق في كل شي .

لأن طالب التوظيف يرسل بأوراقه من قسم القوى العاملة إلى إدارة قسمي ، إدارة قسمي تحوله علي أسوي معه المقابلة و أسجل الدرجات في كشف معاه ( من ضمنها على سبيل المثال المظهر - الثقة بالنفس ) وبعدها أبدي مرئياتي ( اجتاز المقابلة الشخصية - لم يجتاز المقابلة الشخصية ) بعدها أقول له خلاص روح الله يستر عليك إنتظر منا إتصال وأرسل الورقة للإدارة وبدورها للقوى العاملة . هذي العملية بالتفصيل.

المشاركة الأصلية كتبت بواسطة وسيع العرف

يااخوي الناس عملت مقابله قبل شهر ونص وتنتظر القبول النهائي وانت تسأل
عن الاختبار الله يصلح حالك الله يعوضك باحسن منها