06-10-2010, 06:32 PM
|
 |
عضو مهم
|
|
تاريخ التسجيل: Jul 2010
المشاركات: 307
معدل تقييم المستوى: 909
|
|
بسم الله الرحمن الرحيم
السلام عليكم ورحمة الله وبركاته
الحمدلله قبل الرضى ولك الحمد عند الرضى ولك الحمد بعد الرضى
امس كان اختباري بجامعة ام القرى والله يا شباب شغلت السيارة وتوكلت ع الله وانا طالع لمكه من جده والحمدلله
وصلت مكه وبعد ماوصلت ضييييييييييييييعت الطررريق كلها مداخل ومخارج وماني عارف وين ربي حاطني مع اني اخذت الوصف كااامل بس وش نسوي ضيعنا وبغى الاختبار يضيع لكن الحمدلله مشيت الين منطقه خاااااليه جدا
حصلت اربع انفار اسالهم كلهم بنقاله وعماله واافده ماتفهم وش يقوووول وانا خلااااص شوي بصرخ من القهر الساعه 3 ونص وانا لسه مضيع والله الين لقيت ابن الحلال وقفته عند الاشارة وقلت له تكفى طلبتك ووووين الجامعه والحمدلله دلني ع طريق بالضبط الله يجازاه بالخييير يارب الحمدلله وصلت الساعه 4 وعشر دقايق
والا احصل امة محمد هناااااك زحممممه ماتوقعت تكون زحمه زي كذا المهم صليت العصر معاهم واختبرت وفي سؤال رقم 2 اجوبته كلها خطاء فنبهوا المراقبين قالوا حطوا اقرب اجابه وبعدها قالوا خلوها فاضيه وبعد ما طلعوا اغلب المختبرين قالوا حطوا اجابه ج طيب وش ذنب الي خرج بدري المهم الاختبار مررررة سهل بس يبغاله تركيز وحتى جانا سؤالين من اسالت محضرين الخصوم الاسبوع الي رااح والحمدلله اموري تيسرت وخلصت من الاختبار وقلت خليني اطلع في الاخير وتعالوا وشوفوا وش صار في الاخير وربي سووااااالف بين المتقدمين سوالف ونقاشااات وربي هذا يقول كذا وهذا يقول لا فللله ههههههه المهم في واحد جنبي جاء المراقب مر من عندي وطالع فيني باستحقاااار مدري وش فيه عليه وراح للي جنبي وجالس يغششه وانا جالس اشوووف الاسئله الي يغششه فيها والله يسامحني لقطها من الي جنبي لقط ورجع المراقب مرة ثانيه ونفس النظرة والله وجالس يعلمه والولد ماخليته يخرج الين يعلمني وش الي غششه فيه الولد شكله خااايف مني لاني كنت مقهووور وش معنى يجي المراقب مرتين وينقله ويناظر فيني بنظرة مهي زينه وربي انقهرت المهم خليته يعطيني الاجوووبه والله يسامحيني بس والله من القهر ليييه يغشششه عيني عينك ولا مرتين المهم ياشباب هذي قصتي ههههههههه
الحمدلله ع كل حال ونسال الله التوفيق والمكتوب ع الجبين بتشوفه العين
|
الشمس ماتقدر تعصر منه ولا معلومه 
العرض العادي
