[align=center]ياشباب :
اللي اختبر في ابها يقول لنا رقم اللجنه وطريقة المقابله ؟
[/align]

[align=center]
بسم الله الرحمن الرحيم


السلام عليكم ورحمـة الله وبركاته


أنا تونــي طالع من المقابـله محضـر خصوووم< يعني طازج هههههه


أول مادخلت على الشيووخ بديت بالسلام عليكم ورحمة الله وبركاته

وردو السلام علـي بعدها طلب مني الشيخ الإثبات


وعطيتـه وقال لي إستريح وقلت بسم الله وقعدت


قال عرفنا عن نفسك قلت له فلان بن فلان الفلاني

قال وش شهاداتك قلت معاي دبلوم حاسب الي

قال خريج عام كم قلت 1420 < مغبـر


وين اشتغلت قلت له بعدة شركات موظف استقبال وراتبي 1500

وسئلني عن طبيعة العمـل بكل شركـه وجاوبته

قال عليك قضايا قلت الحمد لله لا

قال وش يعني تخصصك بالحاسب تقنية مكاتب


قلت العمـل على برامج الأكسل والأكسس والوورد وغيرها

وشاف الرخصه وقال للي جنبه تبي تسئله

قال من امام مسجدكم وجاوبتـه

قال اقرا الفاتحـه وقريتها

قال تعال سجل اسمك هنا وحط السجل المدني


وقبل امشي قال كيفك مع الحاسب قلت الحاسب تخصصي وانا الآن أعمل بالشركه على الحاسب


قال بالتوفيق ياولدي


قلت امين وطلعت


اهم شي الثقه بالله اولآ وأن الرزق بيده وثانيآ ثقتك بنفسك

ولاتتفلسف عطهم الجواب على قد السؤال


ولاتناظر للي حول الشيخ اللي يسئلك بل ركز نظرك فقط على من يسئلك


وضع الجلسه اسند ظهرك على الكرسي وضع يديك على فخذيك

وانت تسولف لا تحرك ايدينك كثيرآ لانه يدل على ارتباكك

والله الموفق لي ولكم يارب




[/align]

انا اللي مستغرب منه ليش سجل اسمي واللي قبلي أعرفه سجل أسمه مع ان قبلنا تقريبآ 6 قابلووو


ما ادري هو ترشيح أو استبعاد

للعلم اللي قبلـي يقول أعجبتهم حيـل وهو رجال ماشاء الله عليه


احترت بصراحه


والحمد لله على كل حااااال

بمدينة عرعر


اللجنه رقم 1

آميـن يارب


ويوفقكم

محضر خصوم - الرياض

السلام عليكم .....
وآسف على التأخير لأني ماطلعت الا آخر واحد (آخر من أختبر )
أول مادخلت المبنى لقيت ورقة مكتوب عليهاااا اللجنة من 1إلى 4 يذهب إلى الدور الثالث
وعلى طول ركض مع الدرج (يخاف من اللفت - الأسنسير)
وبعدها لقيت الشباب سابقيني والموظف معة ورقة وينادي بالأسامي وأنتظرت إالى ما بقى ألا أسمي مانادو علية ألتفت يمين يسار مافيه ألا أنا - كويس أنهم ما طفو اللمبات
وبعد برهة قليلة نادو على أسمي .. بغيت أروح لهم حافي من الفرحة
ودخلت الغرفة حقتهم ولقيت طاولة طويلة كنها طاولت طعام وفيها شيخ يشع النور من وجهه ومن أبتسامته , وبجوارة واحد
وقالي الشيخ ماشاء الله آخر وااحد قلت له نعم وقال ختااامهاااا مسك أنشاااء الله
وكان رقمي 24 وهذا يدل أن محضري الخصوم لهذا اليوم عددهم 24 شخص,

المهم أول سعال سعلنياااه

س/ هل أنت متزوووج
ج / لا والله ما بعد تحقق الحلم

س/ لو جاك واحد (وأنت محضر خصووم ) وتهجم عليك وأخذ يصفقك ماذا تفعل في هذه الحاالة ؟
ج / أحاول تهدئته وأعرف السبب من وراء ذلك ؟
\
س/ ألحين الرجاال يصطرك ويبقسك وأنت تبي تسولف معه تبي تعرف وش السااالفة !!! ؟
ج / الشكوى لله أجر أنشاء الله يا ما أنجلدناااا وتكفخنااا وصبرنااااا

وضحك الشيخ وقال أكتب أسمك على ورقة الأسااامي (بيشووف الخط )
وبعدها قال : خلاص توكل على الله أذهب . (هذا اللي صاار معي اليوم وبالتوفيق للجميع)

وبالنسبة لك يا خوي مشعل عوض ياللي تسأل عن موق فرع الرياض :

بشارع صلاح الدين الأيوبي قبل مستشفى قوى الأمن وأنت جاي من طريق خريص

وبالتوفيق للجميع .........

مشكورين