السلام عليكم ورحمة الله وبركاته (اسال الله العلي العظيم ان يوفق جميع من بالاحتياط) اولا: الحمد لله انا انقبلت وثانيا: حبيت اقول لاخواني اللي بالاحتياط لا تستعجلوا لان فيه ناس ما حظروا بسبب انهم ينتضروا التثبيت وبعضهم قد توظف من فترة بسبب (فقدان الامل لطول فترة المسابقة التي قاربت السنتين) والامل بالله قوي لان الوزارة تحتاج ل13000موظف. ولكن يااخوان حبيت اقول لكم اني كنت بالرياض قبل 3 ايام ومريت الوزارة لاجل اسال عن قرارات التعين متى بتصدر فسمعت احد الاشخاص يسال الموظف عن اللي بالاحتياط وش مصيرهم فرد عليه الموظف وقال((حنا طلبنا تمديد المسابقة من الخدمة المدنية لان في نقص وهناك احتياج وانشاء الله يصير خير))) فلا تستعجلوا لان الدفعة الاخيرة الى هاللحين ما بعد صدرت قرارات التعيين . واتوقع بل اجزم بانه لايمكن ان تلغى المسابقة الوظيفية وهناك احتياط والوزارة محتاجة موظفين . ويعلم الله انني اتمنى ان ينقبل جميع من بالاحتياط ولكن لا نملك لكم الا الدعاء . والسلام خير ختام...

يعني باقي في امل

ياشباب قبل فتره يوم اسال عن اسمي
كلمة موظف المشكله اني مسحت رقمه عقب ما قبلوني


قلت متى الاسماء تنزل هل بيحطون مسابقه جديده و يلغون الاسماء

قال كيف يحطون مسابقه جديده وباقي اسماء؟
قلت انا ادري بس سنوات راحت يقولون ان فيه اسماء في الاحتياط الغوها و حطو مسابقه جديده
قال غير صحيح ((مادام باقي اسماء ان شالله لو سنين تمر راح تنزل اذا احتاجة الوزاره وظايف))

وانا الحمدلله نزل اسمي بس انتظر المباشره

و لكن اذا فيه لسما بتنزل من الاحتياط شكلها بتطول من 5 شهور او اكثر و الله اعلم لان فيه كتابات عدل توهم بادين في بنايتها يبيلها وقت طويل

اما يلغون الاسماء ما ظني والله

مازانا بانتظار المباشره

بالنسبة لقرارات التعيين على حسب كلام الموظف يقول: ((بانها صارت اخطاء في الاوراق من فروع الوزارة في بعض المناطق عشان كذا تاخرت شوي لاكن احتمال تصدر قرارات التعيين بعد اسبوعين على الاقل واذا طولت بشهر 3 تقريبا))......(هذا كلام الموظف والله اعلم) بس لاتعتمدوا عليهم يمكن تنزل قبل ويمكن تنزل بعد..... ولكم تحياتي