انا ادرس بكالوريوس لغه انجليزيه جامعه المجمعه مستوى ثاني يعني تو الناس باقي لي كثير ونفس الوقت انا قدمت على وزاره العدل وظيفه كاتب بالمرتبه الرابعه ووصلتني رساله بدخول الاختبار التحريري .... انا ابي ادخل الاختبار ونفس الوقت بكمل دراستي بس اذا قبلت قبول نهائي بالمرتبه الرابعه اترك الجامعه او اترك وظيفه وزاره العدل........ وانا حلمي التدريس بصراحه ونفس الوقت خايف اني اترك وزاره العدل وما اتوفق بوظيفه التدريس ....... محتاااار والله وودي اعتمد على نفسي والله احس وجهي مافيه حياء من طلب الفلوس من ابوي ماحب اطلب والله .....اتمنى التفاعل معي

[align=center]أولا:استخير فالاستخاره فيها الكثير من الفضائل فإذا استخرت وتم هذا الأمر بعد الاستخارة فأيقن أن الله قد اختار لك الخير وإن لم يتم فأيقن أن الله صرف عنك شراً..
ثانيا: أنا من رأيي تكمل دراسستك وتشد حيلك فيها ع الأقل لو تاخذ البكالوريوس وبإذن الله ربي بيرزقك الوظيفه..

والله يوفقك دنيآ وآخره ..[/align]

الله يعطيك الف عافيه ويوفقك دنيا واخره فعلا الاستخاره ضروريه بس كان ودي اشوف النصايح ومشكوور وربي يسعدك ويوفقك

السلام عليكم ورحمة الله وبركاته

شوف اذا عمرك من 20 لي 22 وحالتك المادية زينة ،، انا اقول تكمل
وهالنقطة توضحها للوالد ،، انت فاهم عاد (شغلة المصاريف) العلم طيب وانا اخوك

اما ان كان عمرك كبير وبغض النظر عن اي شي اخر انا اقول الوظيفة لها اولوية
وبعدين انت تقول على الرابعة يعني راتب 4000 وبيوصل خمسة عقب ثلاث سنين

وتقريبا ما يبعد عن راتب المدرس اللي تبيه بعد ما تخلص دراسة


اما الشي الحلو انك لو تجمعهم اثنينهم _ يعني تحول انتساب ولا موازي
الانجليزي له انتساب ( وهذ احسن وافضل حل )

موفق انشاء الله

يعطيك الف عاافيه وربي يوفقك دنيا واخره انا عمري 21

والله اخوي نصيحة كمممممممممممممممممممممممممممل كممممممممممممممممممممممممممممممل دراسة

اقولك كمل دراسه احسلك تتخرج بكالويوس ازين من اي شي ثاني
بعدها قدم على احدي شركات البترول عندك سامرف فى ينبع يعطونك اكثر من 8000 ريال وعيش حياتك
بعدين كل ريال تطلبه من ابوك هذا الوقت اعطيه بداله الف لا توظفت لا تسمع كلام احد وكمل وانا اخوك
وكل عام انتي بألف خير

الشهادة اهم شئ بس اذا نفسك بالوظيفة توظف وكمل انتساب

انت اللحين ضامن الوظيفه !

السلام عليكم

اخوي الله يبارك فيك ويسعدك

الدراسه افضل مهما كانت الظروف لانها تمر على خير

واكيد والدك متفهم وضعك كطالب جامعي وتحتاج مصروف
الشي الاخر كلها سناوت وتتخرج الايام تمر بسرعه

وفي والوقت الحالي بكالوريوس وعساهم يكلمونك ادجل لو تجيهم بالثانوي

تتوظف بالرابعه ويمكن تتاخر الترقيات سنوات لان مافيه بكالوريوس عندك

واذا الامور الماديه متأزمه ممكن تشتشغل شغل مسائي

وربي يوفقك ويرزقك الرزق الطيب الحلال المبارك فيه


دعواتك لي بان الله يوفقني بالوظيفه الطيبه وييسر الله زواجي