السلام عليكم ورحمة الله وبركاته

اخواني ممكن يكون عنوان الموضع مغري للبعض

وقد يعتقد البعض بان هذا من باب الاستعراض او حتى ربما يكذب البعض

ولكن ارجو ان تتفهموا وضعي

اخوكم ورث من شيايبه بعد وفاته رحمة الله عليه مبلغ 13 مليون ريال

دخلت في عدة مشاريع زراعيه ولكن بكل اسف كان من يشرف على اعمالي احد الاقارب بحكم صغر سني وقلة خبرتي في مجال الاستثمار

وبعد 3 سنوات من العمل كان يرفع لي تقارير شهريه تتحدث عن ارباح جعلتني اخطط لانشاء اكبر مزرعة في العالم

ولكن بعد ان طلبت منه اجرى الجدوى الاقتصاديه والدراسه الكامله للمشروع لغرض الحصول على قرض زراعي حكومي كانت الصدمة الكبرى

لم يكن هناك سوى مزارع شبه ميته بوادي الدواسر وما كانت تقارير وكشوفات الحساب اللتي كان يقدمها سوى اوراق مزيفه بالتعاون مع احد ضعاف النفوس من موظفي بنك محلي تم التعرف عليه

بمعنى 5 ملايين طارت في الهواء بسبب الثقه الزائده ولكن عندما تطعن من اقرب الناس اليك فهذه هي الخساره الحقيقيه والا المال يتعوض

بقية الموضوع لاتهم ما اريده :

بقي معي او بالاصح اللي قدرت استرجع عن طريق القاضي مع مبلغ كنت قد احتفظت به لنفسي 8 ملايين ريال وارغب في استثمارها في المجال الصناعي ولكن اجهل خطوات الحصول على التراخيص وهل يلزم اشتراك في الغرفه التجاريه وهل يستلزم سجل تجاري والا الترخيص الصناعي كافي مع العلم بان عمري 17 عاما ولكن ابشركم عقلي اكبر مني وخصوصا بعد ما اكلت مقلب المشروع الزراعي
ولكن احببت ان استشير اهل الخبره في هذا المجال او من يدلني على مكتب استشارات استثماريه موثوق ومعروف بالشرقيه

ارجو ممن لا يملك الفكره الجيده او الخبره عدم التعليق على الموضوع وتكفون اخوكم

تسلفني نصها

امزح معك روح ربي يوفقك

[align=center]وعليكم السلام ورحمة الله وبركاته


اخوي اللي حصل حصل والدنيا تجارب والله يعوض عليك .

في كل زمن تلقى توجّه تجاري معيّن والاكيد ان الصناعه الان في عزها ...

المكاتب ماانصحك تروح يمها ابد . هم ينظرون لك كغنيمه لازم بنهبون منها اللي يقدرون عليه ..

اخوي..ماتقدر تعطي صياد السمك سنارتك وتقول له صيد لي !!

انت معك الاساس وهو المال .

انت توك صغير قبل تكمل 25 سنه لايمكن تدرك ادارك واعي ( لاتزعل مني وانا اخوك لكن هذا الصدق).

عموما اذا حاب افتّح ذهنك على مشاريع صناعيه ذهب وجديده في السوق ومستقبلها واعد واذا حاب بعد اسوي لك دراسة جدوى وخطة عمل متكامله (انا اللي اسويها لك ) ابشر ارسل بياناتك ويشرفني اتواصل معك.

محمد

[/align]

أخي الكريم
أعتقد أنسب شيء لك هو الإستثمار الآمن بعد توفيق الله والدائم

هو العـــقار ..رأس مالك جيد وقد يدخل عليك سنوياً مليون ريال

والعقار لا يحتاج إلى معرفة كبيرة ولا إلى دراسات جدوى ولا غيرهـا

فقط ابحث عن أراضي جيدة استخرج فسوحات شقق ومحلات وابنها ثم أجـرهـا


موفق

انصحك وانا اخوك بشراء الاراضي خاصة اللي سعرها صغير يعني 50 او 30 وتكون بصك رسمي وليس صك شامل

لان وانا اخوك الاراضي بالاسعار هذي ارتفاعها مع السنين حلو ويمكن بسنة تدبل عكس الاراضي الغالية لان الاراضي الغالية مو دايما ترتفع الارتفاع اللي يطلع الفايدة الكبيرة وخاصة ان عمرك صغير فلما تشتري اراضي بهالاسعار القليلة وتصبر كم سنة راح تطلع خير باذن الله تعالى وكذلك انصحك نصيحة لاتحط فلوسك كلها في مشروع او فالاراضي مثل ماقلت لك خل لك نص الفلوس بالبنك ولايغريك الربح المادي خاصة فالمشاريع الصناعية يعني معك 8 مليون لو تبي تتهور حط نصهن بمشروع او العقار مثل ماقلت لك ونصهن بالبنك واشتغل وكان اللي معك كله 4 مليون لاتخسر بعدين وتتحسف ترى المشاريع الصناعية تحتاج تعب والسوق كبير والتجار واجد وانا اخوك ولاهم عيال اليوم

اتمنى لك التوفيق

في البدايه
اسال الله ان يبارك لك فيما اعطالك
واسال الله جل وعلا ان يهلك الظلمه
وابشرك ماراح شي
والدنيا لاتغني عن الاخره
سوف اسدي لك نصيحه بماء الذهب
عليك
بالنقل الثقيل
لانه على اسمه والشغل في زود
اذا توفقت فيه فانه الطريق الى الثراء باذن الله
واذا حصل خلاف ذالك لاسمح الله
تستطيع بيعها ولاخسائر
ولك مني ازكى التحايا واصدق الود
اخوك
رفحاوووي.

اخوي حقل تجارب عليك بالعقار ثم العقار ثم العقار واذا تبي مساعده انا تحت امرك
وباذن الله مافيه خساره بالعقار وبالذات في مكه
موفق بإذن الله ... لك مني أجمل تحية .

صراحة ما شاء الله عليه والدك اذا كل واحد من عياله ورث عنه مثل هالمبلغ استغرب ليش ما دربك و علمك على الشغلة اللي كان فيها و قوى عظمك !

انت علمتك الحياة الحين و ماشاء الله عليك باين عقلك اكبر من سنك

نصيحتي ان ما تغامر بكل فلوسك بأي حال من الاحوال
غيرك بدا من تحت الصفر انت ابدأ بمليون و اعتبر نفسم ما عندك غيره
و اترك 7 مليون وديعة بالبنك بحيث اذا اصبح عمرك 21 ان شاء الله ابدأ شغلها
و عسى ربي يوفقك و يحفظك
مرة ثانية احتفظ بفلوسك و اعتبر ما عندك غير مليون واحد
و اشتغل فيه .

بالتوفيق .

نصيحتي لك لاتقول عقلي كبير وتعلمت من التجربة كذا وكذا

صحيح انك تعلمت اشياء لكن للحين اشياء اكبر ماتعلمتها وراح تصدم فيها مع المستقبل وهذه هي الحياة كل سنة عن سنة ترى اشياء جديدة عليك ... والتخطيط الدقيق كثير اللي يفتقده حتى الحكومات والخبراء والسياسيين تتغير خططهم كل سنة وتتبدل اشياء وتطلع اشياء جديدة لم تكن في الحسبان .


الاخوان ماقصروا وانت برضوه لك نظرتك واطلاعك هذا بس حبيت اللي اضيفه .

بالتوفيق لك