11-09-2010, 03:01 AM
|
|
Guest
|
|
تاريخ التسجيل: May 2010
المشاركات: 5,486
معدل تقييم المستوى: 0
|
|
|
أكـــــتــــــم الــحـب عــــــنـــــــــــــك !!!!
الدمعة اللي تستبيح المعاليق
لها حوالي عام تشكيك.. منك
والضيقة اللي فتحت سيرة الضيق
ما بين همّ الإنس.. وجنون جنك
يا بنت انا ماعادني قادر آطيق
تعبت ارد القلب.. واصون ظنّك
كن من على قلبي جبالي شواهيق
القلب ميت شوق.. والصدر تنّك
والموت كل الموت يااغلا المخاليق
إني أحبك.. واكتم الحب عنّك
اخاف لا من قلت «أنا أحبك».. تضيق
وتغيب عني.. وانت غيبتك.. فنّك
كنّي.. فقير المال.. يرجي التوافيق
عند اغنياء المال.. والمال.. كنّك
مدري متى مدري؟ من العشق بآفيق
مدري متى بانساك.. وأنسى بأنّك..
اول غلا يفتح قفول المغاليق
ويسكن بوسط الروح.. من صغر سنّك
يا أرقى قصيدة.. يا بديع الطواريق
يا أطهر جريمة.. يا الجمّال المحنّك
يااعنف من الصدمة.. على فكة الريق
ويا ارق.. من منظر تبّسام سنّك
اسمع كلامي.. يازعيم الغرانيق
بيتي كتبته بعد ما الصدر.. تنّك
تدري وش اصعب شي يا أغلا المخاليق
إني أحبك.. وأكتم الحب عنّك..
صلاح العرجاني ...
التعديل الأخير تم بواسطة عاشق الشمس ; 11-09-2010 الساعة 03:27 AM
|
العرض الشجري
