موضوع للنقاش مهم جدأأ

قايدالريم · #1 (**permalink**) 11-09-2010, 07:35 AM

السلام عليكم ورحمة الله وبركاته

كل عام وانتم بخير وصحه وسلامة يارب

حبيب نتناقش معكم في موضوع الطووول

بس احب اوضح ان طولي مناسب ولله الحمد عشان مايجي احد يقول مسوي الموضوع عشانه قصير!!! لا والله

بس احس ان الموضوع يستاهل النقااش

وفي اسئله ابي كل واحد يجاوب عليها من وجهة نظرهـ ::

س1- لماذا الطول المطلوب في العسكرية 168؟؟

س2- اذا كان الطوول 165 هل هناك فرق ؟؟

س3- اذا كان الشخص هو اللي مسوؤل عن اهله وعندهـ ثانويه لاكن قصير وش بيكون مصيرهـ؟؟

يا شباب اتمنى انه ناخذ الموضوع بجد

بأنتظار تشريفكم ......

سبت العلايه · #2 (**permalink**) 11-09-2010, 07:44 AM

اللة يبيض وجهك
انا اشهد ابك حكيم
انا طولي 165
ويش تبيني اسوي
كل ما رحت اسجل قالوا :
يا رجال ريح راسك ما معك التقنيه
واللة جاني نفسيه
طرى علي اسرق
بالعقل تمشي مع الرجاجيل ما معك ولا ريال
والله لكان هلامه
واصبر نفسي واقول توني متخرج ان شاء الله بتكثر الوظايف
والله اني العب على نفسي
يا دنيا من انت له
اللهم لا اعتراض
انا لله وانا اليه راجعون

الطواله · #3 (**permalink**) 11-09-2010, 07:48 AM

اتوقع طال عمرك لانه نظام عسكري بكل الدول وبالعكس انا اشوف حنا متساهلين
في امريكا وباوربا بالاصح كلهم عمالقه وبصحتهم الله يهدهم
س3- اذا كان الشخص هو اللي مسوؤل عن اهله وعندهـ ثانويه لاكن قصير وش بيكون مصيرهـ؟؟
اهم سؤال ذا الي يبغى الدح مايقول اح
الله لايهينه يشد حيله ويدخل الجامعه ويجيب معدل زين وبتخصص زين وباذن الله يمسك منصب ويشوت الفقر وايام الفقر

قشمون · #4 (**permalink**) 11-09-2010, 07:51 AM

الموووضوع في محله

والخالق الله

وش ذنب اللي طول اقل 168وش يبونه يسوي بخلقة الله سبحانه وتعالى

وانت يا سبت العلايه الله يوفقك

ولكن كمل في شركه لحين الله يفرجه وتحصل وظيفه هنا ولاهنا

والله يفرج همك وهم كل مسلم....

قشمون · #5 (**permalink**) 11-09-2010, 07:53 AM

وانت يالطواله

شكلك عملاق فوق 175

اجل انت المشجع لزيادة الطول

قايدالريم · #6 (**permalink**) 11-09-2010, 07:55 AM

اقتباس:

المشاركة الأصلية كتبت بواسطة الطواله

س3- اذا كان الشخص هو اللي مسوؤل عن اهله وعندهـ ثانويه لاكن قصير وش بيكون مصيرهـ؟؟
اهم سؤال ذا الي يبغى الدح مايقول اح
الله لايهينه يشد حيله ويدخل الجامعه ويجيب معدل زين وبتخصص زين وباذن الله يمسك منصب ويشوت الفقر وايام الفقر

طيب مين بيصرف على اهله في فترة دراسته ؟؟؟؟

واذا كمل الجامعة كم يبيله عشان يتوظف ؟؟

قشمون · #7 (**permalink**) 11-09-2010, 07:58 AM

اقتباس:

المشاركة الأصلية كتبت بواسطة قايدالريم

طيب مين بيصرف على اهله في فترة دراسته ؟؟؟؟

واذا كمل الجماعة كم يبله عشان يتوظف ؟؟

شكراً قايد الريم

هذا الكلام المهم كفيت ووفيت بالمشاركه

الطواله ياليت تحس بالناس الناس مو مثل بعض

سبت العلايه · #8 (**permalink**) 11-09-2010, 07:59 AM

ومن يقول يا قشمون
وانت يا طواله ما في عقل
ماني هاوي دراسه
حاولت ودخلت المجتمع هاذي كليه
درست نص سنه تقنية مختبرات قلت بفلح
جبت العيد كله معدل2،1
والنصف الثاني دخلت التقنيه ومعدلي 3،5
لا تخليني ادعي عليك تلقى ربي رازقك وتكلم

قايدالريم · #9 (**permalink**) 11-09-2010, 08:00 AM

اقتباس:

المشاركة الأصلية كتبت بواسطة قشمون

وش ذنب اللي طول اقل 168وش يبونه يسوي بخلقة الله سبحانه وتعالى

اي والله

المسألة من خلق الله عز وجل وش ذنب الناس هاذولي ؟؟

يا جماعه الشباب ضاعوا والله العظيم والسبب كم سانتي يالله الطف بعبادك

كشكول هكر · #10 (**permalink**) 11-09-2010, 08:03 AM

ياخوي موضوع حلوو

لاكن الشروط هذي عشان الصحه البدنيه يعني يا بعدي هم يوم حطو الطول عشان يكون الطول والوزن مناسب للخدمه يعني جسمك عسكري

اوما تجيب لي واحد صغير بالطول وتبيه يشيل رشاش

لانهم يا طويل العمر عندهم وزن معين وهم يحسبونه بالطول المهم انها سالفه مافي حيل اشرح المهم كبر راسك وكل واحد رزقه عند رب العالمين

والي يبي يصرف على اهله يشد حيله ويكمل دراسه

وبالاول والاخير العسكريه ماتنفع اذا ماهي ضابط

ولكن وش اسوي منقبل جندي ومعاي جامعه << موسوس خلاص وكلامه مو مفهوم

الله يعين بس

موضوع للنقاش مهم جدأأ

إستفسارات ونتائج الوظائف العسكرية

السلام عليكم ورحمة الله وبركاته كل عام وانتم بخير وصحه وسلامة يارب حبيب نتناقش معكم في موضوع الطووول بس احب اوضح ان طولي مناسب ولله الحمد عشان مايجي...

موضوع للنقاش مهم جدأأ

تسجيل الدخول

موضوع للنقاش مهم جدأأ

إستفسارات ونتائج الوظائف العسكرية

السلام عليكم ورحمة الله وبركاته كل عام وانتم بخير وصحه وسلامة يارب حبيب نتناقش معكم في موضوع الطووول بس احب اوضح ان طولي مناسب ولله الحمد عشان مايجي...

موضوع للنقاش مهم جدأأ