كل عام وانتم بخير , ماريكم بمشروع بقاله انا الفكره عندي ولكن لا اعرف كم تكلفني , وارغب باستقدام اثنين عمال واحد محاسب وواحد توصيل طلبات ......اتمنى التفاعل مع بقاله المستقبل...اعلم ان هي ليست على مستوى طموحكم ولكن فيها خير ان شاء الله

الله يوفقك اخوي وبالنسبه لمكتب العمل ما يعطونك اثنين يعطونك واحد على ما اعتقد لكن اسأل
وحاب افيدك في شي اخوي .. البقاله مشروع ناجح 100% لكن وين الي بيخلص لك من العماله البقاله مالك الا حل واحد انك تأجرها على عامل بـ 3000 ريال شهري ولا عليك من اي شي لا رواتب ولا بضاعه ولا غيره ... فـ هالحاله راح تشوف بقالتك ماشيه وراح يسعى هـ العامل انه يوصلها لاعلى المستويات وراح يوفر كل شي ويحط توصيل ويجونك الموزعين لحد بقالتك .. فـ مبدئياا اقولك .. أجرها على عامل فتره وبعدها اذا حاب ترجع تشتغل فيها صرف هـ العامل وتوكل على الله .. لانهم مايخوضون هـ التجربه الا عارفين كل شي فيهاا عموماا .. اتمنى لك التوفيق
تقبل مروري

البقالة فيها خير كثير ومخاطرها قليل جدا

اولا اتفق مع تاجر جملة مواد غذائية وخذ كل اغراضك من عنده وحسب ما قالي احد العمال اي شئ مايمشي عندك تقدر ترجعه للتاجر ... والثلاجات تاخذها من شركات البيبسي والكولا والمراعي والصافي وشركات المياه الصحية هنا وغيرها وحتى شركات العصاير الطازجه واي شئ مايمشي او ينكسر عندك بالمحل ترجعه لهم

الديكور كله رفوف بس ,, امس شفت اعلان على موقع مستعمل واحد بيبيع الرفوف بمبلغ بسيط اضنه 4 الاف

بالبداية خلك 24 ساعه بالبقاله واي شئ تابعه بعدها اذا حبيت تأجرها على العامل اجرها بس اجلده بالسعر لايغشك ترى بعض البقايل تطلع صافي 10 الاف

العامل يفضل هندي او يمني والهندي اقل سرقة من اليمني

مووووفق

فكره ممتازه الله يوفقك

[align=right]
كل عام وأنتم بخير بمناسبة عيد الفطر

من سلبياتنا كعاطلين سعوديين وحتى كأصحاب رأس مال سعودي حبنا للإستثمار المريح كأن نترك الوطن بأكملة بيد الأجنبي ونأكذ الفتات نهاية كل شهر منه فيكون هو المتفضل علينا بما يجود به علينا.

ما مشروعية تأجير البقالة على العامل الأجبني ؟!
( الحكم الشرعي و الحكم حسب أنظمة العمل والعمال ؟ )

منتدى حلول البطالة يجب أن لا يُساهم بنشر مثل هذه الأفكار التي من شأنها زيادة معدلات البطالة في الوطن , كل عاقل ضد تأجير البقالة , تأجير الوطن للوافد الأجنبي.

اللهم ارزقنا رزقا حلال طيبا من كدنا ومن عرق جبيننا لا من كد وعرق العامل الوافد
[/align]

موفق بإذن الله ... لك مني أجمل تحية .

الاجابة السرية : تأجير المحل على العامل مافيه شي طال عمرك

الحين الحكومة تسلم شركات ( سعودي اوجية ) اسف اقصد لبناني اوجية مشاريع بالمليارات

وقفة علينا يا المساكين !!!

[align=center]^^^^
في الصميم يا تمور القصيم .
اي مجال يوفر لك دخل مادي فهو جيد والافضل منه إذا كان مجال مريح ، ولا فيه إشكال تأجير المشاريع للعمالة مافيه سبب مبرر لتحسس بعض اعضاء المنتدى منه .[/align]

الاجابة السرية غلطان يالحبيب

انا معاك في حالة وحده اذا كان دخل المشروع عشرة الاف واروح اجرها على العامل بالفين ريال مثلا هذا صح يكون ضرره كبير


اجر على العامل بس بشرط خذ حقك وزيادة .. البوفيه مثلا مستحيل سعودي يشتغل فيها ومستحيل تعطيهم رواتب وتأخذ الصافي نهاية الشهر وانت عارف كم بيطلع الصافي اقل من الزيرووووو

يعطيك الغافية