يوم الــــــردي عيـت تشيلـه عظامــه
حطه على يمناك قــــــرم المعاطيـب

ترتاح حتى مـن طريقـة كــــــــلامـه
ماهو من اللي يخطئ الهرج ويصيب

عـــريب ساسه من خـوال وعمامـه
منـا ومنـا مــــــا تـــجيـه العـــذاريـب

للــطـــــيـب بوجيـه النشامـا علامـه
أمرٍ لحظته والا انا ما اعلـــم الغيـب

ويا كثر من غيـره يحـط العمامــــــه
لكـن فعلـن يفعلـه والله صـــعــــيـب

لا يزعلون أهل الوفـاء والشهامـه
بهل الوفـــــاء مافيـه شـك ٍ ولاريـب


الله الله


صح لسانك ولسان شاعرها

صح لسان الشاعر وتسلم اخوي عبداللطيف على النقل .... بس عندي ملاحظة على شطر
إن قلت تكفى فز لك مثـل الــــــذيــب
احس انه ما يمشي مع القصيدة يافيه كسر او ثقل اوخطأ بالنقل واذا تبغى تتأكد لحنها
ولاحظ هالشطر بس ما يمشي معك
وشكرا