السلام عليكم ورحمة الله وبركاته

انا سجلت بالتقنيه والحمدلله قبلوني قسم محركات ومركبات لاكن صراحه افكر اني اسحب

من كثر ما اشوف مو اضيع كلها شتم بالكلية فا انتم وش تنصحوني ادرس ولا ادخل جامعه انتساب

وحبيت اسال اذا بسحب الشهادة اسحبها بنفس اليوم ولا تطول وشكرأ

انسحب والله افضل لك رح للجامعة

اخي العزيز اذا والله بتسمع منني انصحك ماتنسحب من التقنيه وتجلس فيها بس
بشرط انك تجيب فيها معدل ممتاز <<< ممتاز ايوة ممتاز وشفيك مستغرب
يعني صعبة صدقني التقنية تافهة ودراستهم كلام فاضي انا باقول لك وش المميزات اذا
جبت معدل ممتاز :
تقدر تسجل في منح البكالوريوس
تقدر تكمل دراستك في الخارج
يمكن تصير معيد وتستلم راتبين
لا وغير هذا اكله اضمن لك وظيفة في القطاع الخاص بسرعه ..
شف انا ما اقول لك هذا الكلام من راسي والله انا اقوله لك من واقع تجربه خمس سنوات درسة فيها بالجامعه وانا الحين بغلق سنة وانا عاطل ومع ان تخصصي مطلوب رحت للشركات رفضوا يوظفوني حتى الا براتب 3000 وش اسوي فيه بينما اثنين ركز معي اثنين مو واحد من اخوياي مخلصين تقنيه والله شف انا احلف لك وماني مستفيد شي ان الاول موظف في موبايلي والثاني بيروح بعثة يكمل بكالوريوس ويجي معيد بالتقنية لا ويستلم راتبين بعد ماشاء الله ..
قلت ياولد ليش ما تروح وتقدم على التقنية بدال منت جالس عاطل ويوم قدمت عليهم رفضوني وقالوا خلاص مر عليك خمس سنوات عجزت . وفي الاخير القرار لك واتمنى انك ماتسمع كلام الفاشلين لان والله مابفيدونك بشي وشكرا

اذا سحبت جلست ببيتكم


لا مكآفأه ولا دراسه


واذا قلت انها فاشله

وش يتسمي جلوسك بالبيت ؟

يا اخي الجامعه انتساااب شهادتها ماهي معترفه من 90% من الوظائف اصلاً كل ماتلقى تقديم وظائف تلاقي من الشروط الحصول على الباكالوريس عن طريق الانتظام ماهو الانتساب لان الانتسااااااااااااب ماهو معترف فيييه والانتساااب بفلووووس يعني خساااره وظيفه ماهي مضمونه خلك بالتقنيه وشد حيلك احسن من اللي يحاولون يوهقونك بالجامعه انتسااااب الله يوفقك ويسهل امورك .

ان ضمنت لك كرسي بالجامعة .. او كليه الاتصالات

روح واترك التقنيه .. وان تبي التقنيه شد حيلك ولا ينزل معدلك عن 4.5 < جيد جدا
علشان يكون لك فرصه تكمل بكالوريوس ... و اترك شروطهم يقولك يقبلو من 3.75 لكن ما يطالعو الا من معدل 4.5 وفوق

وبالتوفيق .

ينقل للقسم المخصص.

اذا تبغى الجامعة ادخل تخصص قوي وحلو والاهم انك بعدين تحوَل انتظام , شهادة الانتساب غير معترف بها في أغلب الاماكن

أبعد عن التقنيه نصيحــه انا متخرح بمعدل 4.32 وعآطلّ
واذا مالك الا التقنيه أنصحك تدخل حآآآآسب ّ مستقبلها كبير خآصه اذا دعمتها بشهادات زي سيسكو
والله اعرف واحد من خريجين التقنيه قسم حاسب بس شد حيله وخذا شهادات من سيسكو ومن ماني عارف ايش
والحين يشتغل في مدينه الملك عبد العزيز للتقنيه حقت الانترنت براتب فوق الثلاثين الف شد حيلك

جتنا فرص وضيعناها لا تضيع وقتك

انا خريج تقنية وانصحك بالجامعة..

بس لو بتكمل التقنية وتفتح لك بزنس خاص فيك يكون احسن..

وفي النهاية استخير الان الله اعلم مني ومنك..

وبالتوفيق..