احد يقدر يجاوب على هالسؤال ؟

دبلومي طموح · #1 (**permalink**) 13-09-2010, 04:57 PM

السلام عليكم ورحمة الله وبركاته ..

ياشباب هذا الموضوع فقط للأستنتاجات وحاب اعرف وجهات النظر لكل شخص منكم .. بدون حساسية او تلفظ بألفاظ غير مناسبة ،

السؤال هو : ليش الغالبية او المعظم من الذين يتنمون الى القطاع العسكري تكون اخلاقهم ليست بـ رديئه ولكن عليها ملاحظات بعض الشئ من حيث ..

( العصبيه + اللامبالة + إستغلال المناصب + الواسطات + التفرقه والإنتمائات )

والله ياشباب اني مقدم على الدفاع المدني ولكن خوفي الوحيد ان يكون مستقبلي بالعسكريه ينتهي بتلك التصرفات الفرديه واللي عنده قريب له في العسكريه بيعرف وش اقصد من تلك التصرفات المذكورة اعلاه

.

ياليت كل شخص يطرح لنا وجهه نظره بخصوص تلك التصرفات والأشياء اللي تحدث في شخصيه اي انسان يحمل صفه ( عسكري ) بدون تجريح او انقاص في حق اي شخص كان ..

وهل يستطيع الشخص الإبتعاد عنها اي بالمعنى الأصح ،
( لا يجعل بيئه العمل تؤثر عليه بالتأثير السلبي على حياته العامة ) ؟؟؟

انتـظر أجوبتكم .. آسف على الإطالة

دفتر فاضي · #2 (**permalink**) 13-09-2010, 05:01 PM

خل البشريه تزحف هههههههه

تشاو

قائد اللواء · #3 (**permalink**) 13-09-2010, 05:01 PM

اخوي انا عني اقول افصل حياتك العمليه عن حياتك العامه والله بترتاح كثير لان اغلب المشاكل الي في العمل تكون سبتها الحياه العامه او العائليه
وجهة نظري في الموضوع
شاكر لك على الموضوع الجميل
موفق بإذن الله ... لك مني أجمل تحية .

وولليد · #4 (**permalink**) 13-09-2010, 05:08 PM

والله شف انا ما اعتقد انها تعم للشعب واغلب اللي اعرفهم عساكر والله محترمين بس اغلبهم جنود << ملحط

بس اعرف ضابط في الامن الخاص ومدرب بعد ولله انه محترم ولا يجي منه الا كل خير وحبيب وكل شيء

حتى اسأله كيف تدرب الطلاب تكرفهم ؟ يقول والله إذا كانو محترمين تدريبات عادية

اما اذا بزوطو اخليهم يتحسفون عاليوم اللي دخلو العسكرية

وفي الغالب ما تتغير نفسيته ويصير متكبر الا الضباط وبالذات اللي تكون مناصبهم حساسة

وطبعاً في الأول والاخير اصابعك ماهي سوى وكلً حسب تربيتة

اللي مربيه ابوه ومصيطر عليه ويضربة الله يعين اللي يجون تحت امرته

ويارب ننقبل في العسكرية بس

احلم فيك · #5 (**permalink**) 13-09-2010, 05:12 PM

موفقين جميعا

ياحظ اشفق علينا · #6 (**permalink**) 13-09-2010, 05:51 PM

[align=center]
أنا والله أعرف عسكر بالهبل
وصراحه ماشفت منهم الا كل خير وهم زيهم زي اي موظف ثاني
بس اللي شفته في اغلب العسكر انه صراحه وبدون مجمامله
[/align]

مـــــشــــــلـــــــفـــــــتــــــــيــــــــن

النينو · #7 (**permalink**) 13-09-2010, 06:18 PM

( العصبيه + اللامبالة + إستغلال المناصب + الواسطات + التفرقه والإنتمائات )

يالييت توضح اكثر يعني العصبييه عرفناهآ لكن اللامبالة مافهمتها واستغلال المناصب كمان

والتفرقه ولإنتمائات .؟؟

ماكنت ابنسى · #8 (**permalink**) 13-09-2010, 06:30 PM

هذي بسبب عقليت بعض الناس
مالها دخل العسكريه

دبلومي طموح · #9 (**permalink**) 14-09-2010, 05:28 AM

اقتباس:

المشاركة الأصلية كتبت بواسطة النينو

( العصبيه + اللامبالة + إستغلال المناصب + الواسطات + التفرقه والإنتمائات )

يالييت توضح اكثر يعني العصبييه عرفناهآ لكن اللامبالة مافهمتها واستغلال المناصب كمان

والتفرقه ولإنتمائات .؟؟

.
استغلال المناصب = انا ضابط وترقيه الجنود بـ يدي .. وعندي اثنين جنود واحد شغال من قلبه والثاني شغله اي كلام .. بس اللي شغله اي كلام من نفس قبيلتي ولا اعرف ابوه ولا لي حاجه عند عمه .. آذن هو اللي يستحق الترقيه عن اللي يكرف ليل نهار .

التفرقه = اسأل اكثر الجنود وتعرف وش معنى التفرقه واحيان تصير في بدايه التعيين ( الدورة ) تلاقي اثنين او ثلاث معك بالدورة بس لهم معاملة خاصه لأن عمه ولا زوج اخته ..{ ضابط صف }..

الانتمائات = ما اساعد الا ولد عمي .

ياليت اني وضحتها لك ياحلو ~

احمد الم · #10 (**permalink**) 14-09-2010, 05:48 AM

اقتباس:

المشاركة الأصلية كتبت بواسطة دبلومي طموح

.
استغلال المناصب = انا ضابط وترقيه الجنود بـ يدي .. وعندي اثنين جنود واحد شغال من قلبه والثاني شغله اي كلام .. بس اللي شغله اي كلام من نفس قبيلتي ولا اعرف ابوه ولا لي حاجه عند عمه .. آذن هو اللي يستحق الترقيه عن اللي يكرف ليل نهار .

التفرقه = اسأل اكثر الجنود وتعرف وش معنى التفرقه واحيان تصير في بدايه التعيين ( الدورة ) تلاقي اثنين او ثلاث معك بالدورة بس لهم معاملة خاصه لأن عمه ولا زوج اخته ..{ ضابط صف }..

الانتمائات = ما اساعد الا ولد عمي .

ياليت اني وضحتها لك ياحلو ~

والله انك صادق هذا اللي هو صاير معنا وحنا في الدورة
ما ازيد على كلامك