انا قصتي باختصار مع مدير احدى جمعيات البركانت وظيفتي دراسة لاحوال الناس الاجتماعية واشوف هل هم يستحقون الضمان والا لا والمجرم بعد فترة جايب ورقة اوقع عليها ان اخو زوجته يستحق الضمان وهو راتبه عشر الاف رفضت التوقيع بعدها اجتمع مع الاعضاء وقال ان الوظيفة اللي انا فيه يقدرون يسغنون عنها وفصلني وشهر بالتمام ويعين ولد اخوه في نفس الوظيفة وماأقول الا (حسبي الله ونعم الوكيل)

أنا شاب سعودي طموح أعمل في القطاع الخاص أحمل شهادة الكلية التقنية ولله الحمد
مقر عملي في مكة في مكان من أبرز الأماكن فيها......... المهم
شركتنا تقدم لها موظف مصري_طبعا الادارة مصرية_كان معاه شهادة تعادل الشهادة المتوسطة، اللي حصل وظفوه مراقب،وأخوكم اللي هو أنا (فني) ليس هذا محور حديثي
الاخ المصري بعد أقل من شهرين أصبح مساعد مهندس وأخوكم اللي
هو انا (لازلت فني) وبعد ثلاثة أشهر بالضبط أصبح رئيس قسم ويستلم قرابة (8000)
وأخزكم اللي هو أنا(لازلت فني)براتب (3000)ولي معهم مايقارب الثلاثة سنوات

شكرا على الفكرة منذ متى وانا ابحث عن اناس يتشاركون الهموم

حسبي الله ونعم الوكيل
صراحة لاانكر ان الاجانب بنسبة 50 بالميه او 60 لهم فعاليه اكثر ويتقبلوا النقد وتفش حرتها بالبيت على اولادها ماتشوفون الاجانب هاتك تلطيش على الاولاد مافي الا كفوف لكن احنا يالسعوديات و(((استكلم عن النساء بحكم تصنيفي كاانثى )))) والله مانتقبل ونادرا تكون هناك سعوديه تفضل وظيفه براتب قليل على ترك المنزل لا اذا كانت غير متزوجه او ليس عندها اولاد او تكون قريبه من المنزل
وعاده السعوديات حتى ولو كانت متمكنه من العمل وناحجه فيها البرود والسكون وهذا لايملئ عين المديره المكاره لكن الاجنبيه تروح وتجي قدام مكتب المديره وقللك شغل لحد الراس وبكذا تنحط بالبال انها ماشاء الله ماتقعد ...
المهم الموضوع والله نوعا مايستفز لكن هذ ابتلاء والمومن مبتلى واسال الله ان يرزقنا الثبات
وبهالمناسبه راح اتكلم عن تجربه اخويه بعمله بمجال الازياء ههههه كان يشتغل ببيع محل ملابس رجاليه ((اشوا انها رجاليه ))) سيليو وصراحه رتبهم كان نوعا ما حلو لخريج ثانوي تقريبا 3400 ريال كان يعاني من مضايقات المدير كان مصري يقول على طول الخط معصب لكن من حظ اخوي الحلو انه بارد الاعصاب وكان يحكيني عن معامله المدير وكنت اقلبها ضحك عشان مااكبرها بنفسه وتصدقون ان اخويه كان يحسبه زعلان لان زوجته مو موجوده معاه لكن القلوب الطيبه ربي يعوضها وجلس بالمحل لين ماجته وظيفه حكوميه والله حتى ماسعى فيه لكن ربي كافئه على نواياه الطيبه ....
طولت عليكم بموضوع بعيد لكن استنتجت من قسته انه لو تكنا الاجانب في حالهم لعل الله يرزقنا لانجلس نقول اجنبي اخذ ومااخذ لانهم مالهم دخل هذه حكومه جابتهم بالله لو قالوللك في عمل ببريطانيا براتب عالي جدا مو راح تروح وتوقف بوجههم وتقول الله هذا رزقي ..
وشكرا

انا سبق وسويت موضوع خاص فيني لاكن هذا لا يحرك ساكنآ

محد من المدراء يهمه الموضوع اهم شي يعيش حياته

حسبي الله عليهم من اجانب ياكلون خير بلدنا ويسبونا ويكيلون الحقد والكراهيه لنا مع انهم في بلدهم مايسوون ولاقرش

قسم بالله احترق دمي وانا أقرأ مواقفكم كنهم يكدون علينا؟

بس دواهم اي اجنبي يسوي شي يقوم السعودي ويمسح بخشته البلاط على الاقل كرامة الواحد هي راس ماله

بصراحه مالهم حشيمه اذا قلوا ادبهم

معاناتي كالتالي/

رحت لمدارس نجد اللي عند الشيراتون طالبيني اسوي مقابله

يوم دخلت لقيت كلللللللهم لبنانيات قسم بالله احسبني مضيعه الدرب وواصله لبنان

قلت عسى ماشر واكتشفت أن المدرسه للحريري مناصفه مع احد امراءنا

ومافيها غير المساعده سعوديه بناءً على توجيهات عليا بان المساعده لابدتكون سعوديه

وحطوها شكلياً والفك والربط بايدي اللبنانيات

وطلعت بدون ماكمل المقابله لاني شفت نظرات وهمسات بالكلام كرهت القعده

فيها ثواني ... شلون بتوظف سنه كامله !!


ثم شاء ربي وقدر اشتغل في مدرسه اهليه ب1300 ريال

كلهم اجنبيات بس المديره سعوديه من وزارة التعليم

كان عددنا 2 سعوديات مقابل 20 اجنبيه مصريات كلهم لان المساعده كانت مصريه

وبدأت بكرفنا وانتقادنا اللاذع علما اننا جدد وتبدا في التذمر والشكوى على اشياء تافهه


توصلها للمديره السعوديه اللي تدربي راسها ماتدري وين ربي حاطها


ثم ماندري الا مناديتنا المديره ومعطيتنا دش كلام على روسنا وتهزيء قسم بالله تعبي

راسها علينا هالمصريه باشياء ماسويناها

المهم خويتي تركت عقب سنه

وانا قعدت على كبودهم 7 سنوات واخذت فيها شهادات شكر وتميز من


مكتب الاشراف التربوي على جهودي + احباط نفسي وعصبي من المصريه <<< حطمت الرقم القياسي

المهم يجي يوم وتفتح المساعده صوتها قدام الموجهه الاداريه تسب على شي تافه


قسم بالله ماينحكى عاد اختكم اللي هي انا حامت كبدي من كثر ماتسوي فينا


وتفتح صوتها بغرفتها والموجهه بغرفة المديره تسمعها


واوقف بوجهها لاول مره وافتح صوتي عليها وتركض المديره تهجد الوضع واطلع من


الغرفه عقب ماعطيتها هالمصريه كم كلمه في جنبها خلتها ماتسوى قرش

ومن عقبها بيوم اتصلت انا على المشرفه الاداريه اقولها برفع فيها وانتي الشاهده في المحضر وسمعتيها بنفسك

الا تقولي ماله داعي يابنت الحلال كلام وراح ... طبعا هي خافت انها تستدعى في محضر او غيره هالموجهه الاداريه

قفلت على الموضوع واخر السنه طلبت اخلاء طرف والمديره تقنعني اقعد وانا رفضت


اخر شي عطتني تقييم جيد جدا مع ان تقييمي مع المشرفه امتياز شوفوا النذاله بس


والمصريه جاها يومها سبحان الله ربي يمهل ولايهمل

وطردت نهائي من المدرسه وقعدت في بيتها على كلام الاخوات صارت لها مصيبه مع


معلمه سعوديه شكتها وسوو محضر ومن عقبها طردت تستاهل والله الظلم شين

وانا حلفت يمين مااشتغل مدرسه اهليه لو اموت من عقب ضغط الاعصاب اللي جاني

والله لولا الحاجه ماصبرت 7 سنوات اجاهد


الله لايحللها ولايبيحها في سواياها معنا


ويارب يجي اليوم اللي مانشوف رقعة وجه اجنبي في ديرتنا


هذا غيض من فيض مما نواجه

اخوي العزيز :

الظاهر ان الكل يعاني من هذه المشكلة تروح الشركات الكبرى وتلقاها مليانة بالاجانب من المدير وحتى البواب

انا احد الذين عانوا من هذا السرطان الله يجيرنا
1- كتب لي وظيف في شركة خاصة بالاستشارات مديرها سعودي ما حد يشوفه والمدير التنفيذي ارتيري ليه ماداري والمشرف علي سوري المهم بسهوله تم التطفيش وتأخير الراتب عشان اخوه قرب يتخرج من الجامعة ويبي يفظي المكان جاتني اخبار من موظف محترم اجنبي بالغلط قالها ترى اخو فلان جاي خلص جامعة ....... وطلعت .....

2- اجريت مقابلة شخصية في شركة مالية معروفه ولم اكن اصدق انهم استدعوني لها فتصوروا مدير الموارد البشرية بدون تحديد جنسية اجني والمدير المالي كذلك اللي قابل معي وقال انت مبدع في مجال تخصصك ولكن ينقصك بعض اللغة الانجليزية مهمه لكن يوجد مفاضلة وبنتصل عليك الامر اني اعرف واحد توه جاي اجنبي ونفس تخصصي ومتخرج بنفس سنة تخرجي الصدفه عرفتني عليه في معهد ادرس فيه الان انجليزي ...
الصدمة اني سألته وين شغال ..... الطامة الكبرى نفس المسمى الوظيفي الذي عرض علي ونفس الشركة .... والسبب ماادري الظاهر انه عشان الجنسية نفس جنسية مدير الموارد البشرية للاسف ..... مازلت قابعا في عزبتي ابحث عن وظيفتي ....

3- بنك سعودي بدون ذكر اسم اجريت معاهم مقابله الحمدلله اغلب اللي تقابلوا معي سعوديين وواحد اجنبي غربي والحمدلله تمكنت من التحدث معه بالانجليزي بالعافية وقال قود لك بس لليوم ماحد اتصل سألت وين بأتوظف قال سعودي انسي الادارة المالية؟؟؟؟؟ قلت ليه قال كلها خبرات ( اجانب) بس بنوظفك في ...... كل البعد عن التخصص الذي تعبت وعانت للحصول عليه ............... وما اقول إلا اقل شيء يتصلوا ويقول توظفت ما مهم التخصص ملحقين عليه انشاء الله

الله المستعان

التوظيف والعمل حسب الكفاءة ...
واحنا مسلمين غلط نفكر بطريقة سعودي وأجنبي ، روحو شوفو الغرب كيف عندهم ما يفرقون بين المواطن والغريب كلهم عندهم محترمين....
مع احترامي

مفصوووووووووول مرتين والسبب الاجانب اولا واخيرا

لدرجه فكرت في الاجرام حسبي الله ونعم الوكيل والمصيبه ان السعودي معه

علي

مشكلتنا منا وفينا