الشركة السعوديه لصناعة المكيفات

اسم له مكانه في تصنيع المكيفات الشباك و المركزيه و لها سطوتها على الدوله ان صح التعبير قبل 3 سنوات اتفقت انا و زملائي العمال وليس المواطنين على اعتبار ان الشركه لا تؤمن بكلمة مواطن او سعودي لان العماله الفلبينيه مقدسه عندهم بشكل لا يوصف على تحديد يوم للاضراب عن العمل حتى نتمكن من الظغط على الشركه عسى ان تعدل عن تذليل و استحقار الموظف السعودي . ذهبنا اولا الى جريدة عكاظ و انا اسميها (جريده ظراط) لماذا اقول لكم لماذا عندما دخلنا على المسؤولين و شرحنا لهم معاناتنا في الشركه استقبلونا بصدر رحب -ممكن كانوا خايفين ننقل لهم نبغى و ظيفه-و اجرينا مقابلات و تصوير للمجموعه . لحد الان لم نرى اي شي من تلك المقابلات خايفين من الجفالي ,
ذهبنا للاماره كان وقتها الامير / عبد المجيد رحمة الله عليه بس للاسف لم نطلع بفائده تذكر . المهم ما خلينا مكان الا ورحناه . تعرفوا ايش صار بس اسبوعين و اعلن الشركه عن فصل اول دفعه من المجموعه 5 اشخاص الله يستر عليهم الشباب يوم عرفوا تجمعوا عند مكتب ***** اللبناني للاحتجاج و ليس للهوووشه الرجال خاف عارفين بعد اللي صار ايش سوى ***** فصل ما يقارب 80% من الشباب اللي كانوا وقتها بالمكتب ( لحسن حظي اني كنت وقتها بشهر العسل) وين الرقابه على هذه الاعمال القذر وين الامانه من المسؤولين .

صارت الشركه زباله كل بعد شهر ولا شهرين واحد من الشباب يقدم استقاله . ترقيه للسعودي لو يفحط في الشركه 30 سنه يحححححححلم فيها . الواحد يتمنى انه يكون عاطل بمرتبة الكرامه ولا موظف بمرتبة الاهانة و الذل .

و سلامتكم

القطاع الخاص إذا قدمت عليهم يوعدونك بمميزات وكل سنه تعدل الراتب وفيه أوفر تايم وترقيه من محاسب الى مسؤال عن المحاسبين وغير تحقيق التارقت في المبيعات ( التارقت ) يعني إن الشركة محدده لشهر هذا مبلغ من المبيعات وإذا جبتها وجبت فوقها أرباح رايح يعطونك مبلغ مميز على الراتب .....

وكل هذا الكلام هواء ماتشوف منه شي ... غير إن أخر الشهر مخصوم من راتبك وماكل تبن أنا أشتغلت في اربع شركات ما أخس من ذي غير ذي ((( ومن هالشركات سويت مثل صاحب حيوااان ولا تصاحب أجنبي )))

تدرون وش مشكلتكم انكم تلقون اسباب بطالتكم على الاجانب الي في ديرتكم وتذكرون ظلمهم عليكم وتنسون ظلم بعض السعوديين وتسلطهم عليكم يعني مافي متسلط وظالم الا الاجنبي ويا كثرهم عند السعودييين وانا ما تسلط علي وطردني من الشغل الا واحد سعودي ولو راجعتم حساباتكم ان السعوديين مايخلون من الظلم بس الله على كل ظالم سعودي او اجنبي .
اما انا من وجهت نظري ان اسباب البطالة الي حنا فيها اولا اعتمادنا في الارزاق وكثرة الشكوى للناس الضعفاء الذين لايملكون نفعا ولاضرا امثال غازي القصيبي وغيره وترك شكوى الهموم الى الله الرزاق يعني اذا د/غازي القصيبي وظف100 الف او مليون سعودي بس من رح يوظف الباقي
قال تعالى (وابتغوا عند الله الرزق ) مو عند غازي القصيبي اواي قطاع وقال تعالى ( رزقكم في السماء وماتوعدون ) وقال تعالى ( اهم يقسمون رحمة ربك نحن قسمنا بينهم معيشتهم في الحياة الدنيا ) بلا سعودي بلا اجنبي جبتولنا الغثا ولوعتو سبودنا
ثانيا والله الذي رفع السموات بلا عمد ما خلق البطالة للسعودي والاجنبي الا الانانية وحب الذات كل واحد ماسك وظيفتين مثلا انا اعرف مديرة مدرسة حكومية تشتغل مسائي مديرة معهد وغيره كثير ليش وش لها بالوظيفة الثانية غيرها محتاج الوظيفة والله عالم فقارة جوعانين سعودين واجانب ودهم يا كلوا بس وحنا بسبب الانانية منعنا الناس تشتغل مافيها شي احتسبوا الاجر وخلو ا عندكم ايثار مثل الانصار رضوان الله عليهم .وحتى اصحاب الدوام الفترتين مثلا موظفات الاستقبال في المستشفيات كم رواتبهم 4000 خلاص وحدة تشتغل صباحي وجيبوا موظفة ثانية في المسا ويقسموا الراتب النص بالنص وقضي الامر وشيء افضل من لاشي نداء لاصحاب الشركات الخاصة ساعدوا الناس ووفروا الوظائف حتى بالرواتب اليسيرة . ونصيحة اكثروا من الاستغفار يا اخوتي لانها ايسر طريقة لتيسير الرزق اذا غازي يوفر وظائف فالله سبحانه بالاستغفار يعطي الكثير كما قال سبحانه ( وقل استغفروا ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهار ) ( ومن يتقي الله يجعل له مخرجا ويرزقه من حيث لا يحتسب )

مشكلتنا مافيه وظائف وبما انه يوجد اجانب معناته ان فيه وظائف مشفوطه ولا حنى بحاسدين احد ولاهو تقليل فيهم
لكن الاولويه لنا الى متى ؟
اللحين لمى يكون فيه اعلان عن وظيفه بالقطاع الخاص اقسم بالله اني اشكك اني بالسعوديه المتقدمين اجانب ***
والمقابله مع اجنبي تحس انهم يقولون وش عنده ذا
استغفر الله واتوب اليه

صراحه موضوع حلو ويمسنا كلنا ويحز في قلوبنا لما نروح وندور وظايف ونشوف هل الاجانب مكوشين على كل شئ !!! من فتره وحده قالت لي روحي مدرسه اهليه مكلمتلي وحده يعني انها متوسطتلي رحت الا المساعده مصريه واللي تحتها نفس الشئ مصرية وغيرهم من هل الطخه تدرون يحبون بعض ويعزون ربعهم مو مثل حلاتنا كننا بحرب وكلن نفسي نفسي وقلت لها السالفه اني جايه من فلانه قالت اييي يصير ان شاء الله خير والحين ماعندنا وظائف بس ان شاء الله يصير عندنا احتياج وتعالي بكرا حضري درس ورحت اليوم الثاني وتخيلوا جلست انتظرها علشان القي الدرس من الساعه 9 ونص الى 12 الا ربع وكل ما اسال عنها يقولولي انتظري حتى بنات الابتدائي طلعوا وخلصوا ومديرة المدرسة اللي هي صاحبتها بنفس الوقت السعودية بمكتبها ومسكره الباب ولا تدري عن هوى دارها وتاركة الخيط والمخيط بيد بعض الناس !!!!!!! والواحد مايقول الا حسبي الله ونعم الوكيل .. واكلم اللي جايبه لي الوظيفة تقولي اييه لازم يختبرونك ويشوفون صبرك خير احنا بحرب يذلون الواحد على 1200 لا بعد يقولون ياخذون مدري كم للتامين ههههههههههه ساعات الواحد يضحك على اشياء تحزن الخدامات صاروا احسن مننا اجار الخدامه بشهر رمضان تقول لنا صاحبتها ب 2500 وباقي الشهور من 1800 الى 2000 !!!!!!!!!!!!!! وينك بس ياملك عبدالله تشوف وضعنا وين وصل

أنا اشتغلت في وظيفة راتبي 3500 وراتب الأمريكية معاي 19200 مع البدلات ..
ماقهرني الراتب قد ماقهرني أن غيابها أكثر من حضورها وماتبذل قد ماأنا أبذل
وفوق كل هذا تسب وتشتم في بلادنـا واللي يقهرك زود أنها في وظيفة تعليمية
وحتى الطالبات يشتكون منها ومن سوء تعاملها وعدم تقبلها لثقافتنا العربية : (

وما أشكو بثي وحزني إلا لله على حال سوق العمل عندنـــا

والله كنت ابغى انام وشدني العنوان وتلقفت ودخلت وانفقعت عندي المرارة حسبنا الله ونعم الوكيل.... الشغله والله ماهي حسد لكن الظلم نشوف امثلته بكثرة, ولا حسيب ولارقيب
انا شغال بقطاع خاص يعلم الله اني اعامل الناس سواء اجنبي او سعودي بإحترام ,
لان الكبر لله تعالي بس اتقي شر الحليم اذا غضب!
وهذا مبدأي عامل الناس مثل ماتحب ان يعاملوك
نسأل الله ان يرد كيد الظالمين في نحورهم ,,,,, وان يصلح حالنا ,وحسبنا الله ونعم الوكيل<<قفلت اخلاقه

الشركات مليانة اجانب ويتحدون عشان يطلع السعودي باي طريقة