ايه الاجانب والله مضايقين الشباب

وما ادري ليه بعض الناس تدافع عنهم

واحد قريبي كان في معرض كبير لسيارات ومديره فلسطيني والله يا ذله ذل ما تتوقعه اللين فصل

وراح عمل ثاني في مستشفى خاص ومديره دكتور مصري وكان هذا الدكتور كارفه كرف وتطفيش واهانه

لا واتهمه انه حرامي ويوم مسكو الحرامي الحقيقي طلع دكتور ثاني من نفس الجنسيه

عاد يوم شاف الوضع كذا فصل واتوضف وظيفه حكوميه

انا اقول خلك قوي شخصيه لاتظهر له انك محتاج الوظيفه ولو فصلت مشكله عطهم العين الحمرا حتى لو كانو مدراء عليك انا توظفت مره بشركه جلست شهر بس بصراحه فليتها غصب عنهم اخذتهم طقطقه المدير هندي وشؤون اخذته اذا مر من عندي اصايح عليه يطالع ماعطيه وجه يروح وهو ساكت مايفتح فمه وبالاخر لما جيت افصل حاولو في اقعد معهم وزودو الراتب ورفضت وزودو وقلت اقول هات راتبي ولايكثر وهذي تجربتي

ولله لو ينفخ علي اجنبي ما اتحمل الا اخلي رجوله وانتم بكرامه بدل وجهه!!

ياعالم ياناس والله القصص قهرتني وعصبتني زياده وحسبي الله على اللي كان السبب
حسبي الله على وزير العمل ومكاتب العمل اللي ماتشوف شغلها وتقبل بالرشاوى من تحت الطاوله
الاجانب ببلدنا عاثوا فساد والمشكله الكبيرة ان السعودي او السعودية هم اللي يعاونونهم على عيال
البلد ربي ينتقم من كل ظالم , انا بقولكم قصتي انا اشتغل بشركة خاصه وكان مديري الاول لبناني درزي وسخ
ولاني كنت جاده وما اعطي وجه وما اسمح له بقله الادب ولا اسمح انه يهيني وقف لي بالمرصاد واللي ساعده
مديرنا السعودي واقف معاه لدرجه انهم شوهوا صورتي عند المدير العام اللبناني باني ما اشتغل وبس اغيب والمشكله هو صدقهم لانهم قديمين ومتعاونين على الشر من زمان واللي طلع من الشركه بسببهم كثير والاجانب عندنا والله العظيم رواتبهم خياليه والسعوديين يكرفون كرف الحمير ورواتبهم على القد اللي توة متخرج جاي براتب 8 او 10 الاف من غير الاشياء الثانيه والسعودية او السعودي صارله كم سنه وراتبه زين اذا وصل 5 الاف ريال حسبي الله ونعم الوكيل ومازال مسلسل المشاكل مع الاجانب مستمر ماني عارفه وش الحل واذا جاء مكتب العمل ارشوهم وسكتوا ولا عملوا اي حاجه
هذي بلدنا وانا احق فيها وبوظايفها ورواتبها للي يقول ارض الله واسعه ومين يشيل هم الفلسطيني وغيره اقوله خلنا نشيل هم انفسنا واهلنا وعيالنا للي عنده عيال بعدين نفكر بغيرنا مو بس كذا الاجنبي لما يجي مايخاف ويمشي جنب الحيط ويتعامل بأدب واحترام مع اهل البلد علشان تقول هالكلام هم بالعكس يقولون انا احنا يالسعوديين مانستحق هالعيشه اللي احنا عايشينها وانهم هم اولى فيها منا سبحان الله حاسدين وحاقدين علينا بالرغم من ان بلدنا هي اللي معيشتهم

انا قصتي مريره توظفت بوظيفه دعم فني وتفانيت بالعمل لدرجه اني ادفع من جيبي للعمل

المهم مره تعطل النظام في فرع للشركه بمدينه اخرى وطلبو مني اروح باسرع وقت لانه النظام

مرتبط بالفواتير طلعت من العمل للمطار على طول رغم اني متزوج ولامريت البيت ولاحصلت حجز

الا على درجه اولى والشركه معطيتني قيمة سياحي ودفعت الفرق من جيبي حوالي 500 ريال

انجزت المهمه ورجعت للرياض بعد طلعت الروح بسبب الحجوزات داومت بالشركه وقدمت تقرير

متكامل عن الي عملته هناك فوجئت انه تم الخصم علي اربع ايام بسبب تاخري يوم واحد بسبب الحجز

وقدمت شكوى للمدير العام على السوري الي خصم علي وطلب مني البوردينق وورقة الانتداب وشرحتله الي

صار وكان متفهم مره طلعت منه دخل عليه السوري 5 دقائق طلع وطلبني المدير وقام يقول كلام غير مفهوم

من ضمنه انه مايوظف السعوديين الا عشان السعوده ووو انصدمت وقالي قدم اعتذار للسوري !!!!!!!!! قلت له ليش

قال لانك شكيته ولا راح يشيل الخصم الي علي الابعد ماعتذر السوري اذا ماشكيته لك اشكيه لمين

المهم قدمت استقالتي وحسبي الله ونعم الوكيل وخلوه من استقاله الى انهاء خدمات يارب يارب تفرجه يارب

الله يعوضك خير منها

توظفة في شركة كانت المسئولة علي القسم وكان في القسم اربع موظفات بعض الاحيان يكون ضغط بس ممكن نخلصة مع الضغط تروح تقرر اوفر تايم وتقول الاسبوع هذا ناخذ اوفر تايم والله في امكانية نخلص الشغل خلال اسبوع بدون الاوفر
والوفر تايم مثل مومعروف لحرية الموظف عندها الازامي نحضر وياكثر المشاكل الي كانت تصير
الان الحمد الله الادارة سعودية ومتفهمة والعمل منظم مافية لف ودوران مثل قبل

موضوع حلو ومميز
ومايحس بحراره الموضوع الا الي جرب الوضع
انا كنت اسمع من اول عن مضايقه الاجنبي للسعودي بالعمل
وماكنت متصوره الوضع الا لمن جربت
من جد الوضع مزررري .. وياليت كل اجنبي يفهم عالجمله يا غريب كن اديب
بس الظاهر فاهمينها بالعكس ..
انا توظفت بمدرسه اهليه والمشرفه كانت فلسطينيه وهي تقريبا مو مشرفه
هي الكل بالكل هي كانها المديره .. والي يفقع المراره انو فيه بعض السعوديات الموظفات بالاداره
معاونينها وهذا الي يزيد الطين بله .. اسلوبها مو سئ مرره مع المدرسات لكن الا ماتطلع كلمه ولا دقه
ولانظره كذا تفقع القلب .. انا قدمت استقالتي في اليوم الثالث من كتابه العقد
والسبب الاوامر الكثييييييييره والطلبات والضغط .. هي جالسه بمكتب كبير عريض
وكلل المدرسات مدحوشات ياليت بغرفه بمكان شبه غرفه والمكاتب تشكي الحال انا ماسميه مكتب
طاوله وكرسي تقريبا زي لمن كنا طالبات .. والامر من كذا انها لمن جات تحضر لي حصه
جالسه تتأمر وتطلع عيوب واخطاء مدري من وين عينك عين قدام الطالبات
انا استنكرت هالشي ولمن سألت المدرسات قالوا يووه دايم كذا ياما هزئتنا قدام طالبتنا
من جد الوضع مؤسف ومزرري
حسبي الله ونعم الوكيل

انا عندي مشكله هيه شركة لونا للحليب جايبه مدير نيوزلندي مخلينه مدير مصنع وجايب اوامر مستحيل احد يرضاااها تكفون على مين اشتكي ممنوع جواال ممنوع اكل ممنوع استئذان من العمل مهما كانت الظروف ممنوع الاجازات المرضيه ممنوع الاجازات الاضطراريه وش باقي في الحياه ننتحر ولا فيه زيادات في الراتب ليه ست سنوات ولا ريال خدمتي تسع سنوات وانا ابو عيال ولا اقدر افصل ادعو معايه الله يفرج هم المهموومين

المشكلة ما هو من الاجنبي المشلكة من ربعنا هناء المدارء السعودين او غيرهم يحط الاجنبي مدير عليك وانت بس تعقب له او حارس امن بس تدرس على الفاضي اخر تتوظف يجي من يطفشك طبعا الاجانب كلهم ما خذين فكرة ان السعودي حق نوم واكل وبس لا والله السعودي عملي ويحب وطنة اكثر الاجني ويبي الخير لكل الوطن لكن من اللي يساعد الشباب في التوظيف من اللي يكون سند لهم وين ما فيه احد كل واحد من هذا التجار يقول الاجنبيي افضل اعطيه راتب اقل وعملي اكثر لا والله ما هو صحيح الاجنبي مطيع في الكلام لكن في العمل ما فيه قدرة انه يعمل لكن يحاول يسلك للك يا هذا التجار وانت ترتاح له لكن لو جبت سعودين وقمت ودربتهم وخليتهم يحبون الشركة واعطيتهم الامان بحيث ما فيه فصل والله ان تشوف السعودي كفو مرةةةةةةة لكن الكلا م اللي كتبته انا مجربة في جمعية كانت كلها اجانب وانا متخرج من التقنية ومعي شهادات حاسب ودوارة في السكرتارية وانجليز واخر شي يحطو ن الاجنبي ولا يمني علي مدير وياليت لي كلمة لا والله والمشكلة ان معه ثانوي لكن يختلف عن مطيعي يعني في هذا المدار ما يبونك تناقشهم يبونك تشتغل وبس حاسبين كلب وانتو بكرامة والله يا جماعة الخير ذقت المر وانفصلت على يد سعودي مدير كلها عشان تحويل دوامي الى فترة واحدة مسائة لان الدوام فترتين صباحي ومسائي طبعا انا غيرت الدوام مسائي جلست عندهم سته اشهر ما سجلوني في التامينات ولا شي كل يوم تهديد بتفصل بتفصل يبونك تشتغل وبس يا ناس الواحد اذا حب طريق الخير وحب يعمل في طلعوه برة واذا راح طريق الشر ضيقو عليه ابي افهم ليه ما فيه احد نرجع له ويحل مشاكلك الشباب ليه ليه كل سعودي اذا قدم حس بصعوبة في قبولة في الوظيفة يا ناس في ثلاثة اشهر تجربة جربوة وبعدين التقييم عندكم اذا حصل زين واذا ما صلح عادي اهم ما تحسسو انك قاعد يمشي في ارخالية ما يدري وين الطريق فيه وفي الاخير ياليتني تاجر وعندي من المال والله اول ما اقوم بحله هي العطالة وساعد كل مسكين يدور عن الريال وفي الاخير انا اناشد التجار اللي يعطون ها الاجانب رواتب ما هي بسيطة اقول لو كل شركة طرق عليه انها تدرب 5 سعودين وتوظفهم ما كان فيه عطالة في هذا البلاد وفي الاخير سامحوني على كل كلمة يمكن زليت بها من اخواني الاجانب وغيرهم

كل ما طقيت في ارض وتد من رداة الحظ تطلعلي حصاة