[motr]حسبي الله ونعم الوكيل على كل ظالم[/motr]

انا كنت في شركة علي زيد القريشي


وكانت وظيفتي بائع معرض



وكان مديري اجنبي "لبناني "


وكان يطفشني داااايم في اول ثلاث شهور الي هي التجربه وانا اسوي الي يبغاه


لو يقولي اطلع لسطح المول وارمي نفسك اقوله ماطلبت الا عزك


وبعدها كملت 4 شهور وترسمت في الشركه على ايام السيول في جده


المهم وقتها سيارتي ودعت مع السيل وجلست 5 ايام ماداومت


واول يوم دوام لي كان السبت ويوم رحت لقيت السوق مافي كهرباء و المعرض حقنا بالدور الارضي " شوق المحمل "

ومالقيت احد من الشباب الي معاي بالمعرض غير شايب له 32 سنه بالمعرض وحالته حاله


ومادريت الا مديري اللبناني يتصل عليه ويقولي ابغاك تدخل المستودع تبع المعرض وتطلع كل البضاعه عند الباب وتفرزها المعدوم ع جنب والتمام ع جنب


قلت له طيب دقايق بتصل ع الشباب لانه مافي غيري


قالي لا ماراح ااخر شغلي عشانهم روح سويها لحالك


قلت المستودع مليان والكراتين كلها مويه وطين وفيه ناموس ومافي نور يعني الدنيا حوسه لو دخلت بجلس شهرين مريض من العفن الي جوه


وهو مصر اني ادخل


اخر شي قلت له ما اقدر اسويها لحالي



طبعا انا جسمي نحييييييييف وعندي السكر


يعني يبغالي مين يشيلني



والله اخر شي يقولي ادخل طلع الي في المستودع قلت ما اقدر قالي لا خفيفه قلت دامها خفيفه تعال شيلها انت الله لايهينك

طبعا انفجع لاني من دخلت الشركه وانا محترم وفصلت عليه وقتها


قالي انا مديرك


قلت مدير على نفسسسسسسسسسسك



قالي انت مفصول قلت فصلتي بفصلت راسك عن جسمك



قالي انت موقف عن العمل اطلع الاداره الحين


قلت ماني فاضي لهم الحين بروح لهم العصر


وقفلت بوجهه الخط وطلعت العصر الاداره ومالقيت مدير شؤون الموظفين وسحبت عليهم من السبت الين الثلاثاء ورحت العصر للاداره



ويوم دخلت على مدير شؤون الموظفين وقبل ما اتكلم الا والموظفه جابت ملفي وقبل مايفتحه سالني انت كملك معانا؟؟


طبعا هو متحمس يبغى يفصلني يحسبني باقي بالتجربه



قلت هذا الشهر الخامس


بلم ولا قال شي



شوي قال خلاص ارجع دوامك وخليك مؤدب قلت اوك


وماداومت هذاك اليوم


والاربعاء سحبت ودق علي اللبناني ويقولي وينك قلت ع البحر قالي والدوام قلت اليوم الاف حقي


قالي انت لك اسبوع ما داومت قلت هذاك من عندك وهذا حقي وقفلت بوجهه



وبعدها صار محترم معايه






هذا كل الموضوع





وسووووووووووووووري ع الاطاله

السلام عليكم ورحمة الله
مساء الخير للجميع
اول شي حسبي الله على كل اجنبي سواء عربي او غير عربي همه الاول والاخير مضايقة ابن البلد في عمله .
ثانيا / قصتي :
انا من خريجي الكلية التقنية بالرياض تخصص (((مساحة ))) بعد ماتخرجت من الكلية اخذت ثلاثة اشهر في شركة للمقاولات وكانو اللي اشتغل معهم من الجنسية المصرية بس والله اخلاق وذوق ماشفت زيه من اي مصري كد قابلته قبل كذا الله يذكرهم بالخير, اخذنا بعدهم فترة نقاهة عن العمل بعدها سجلنا في شركة رائدة في مجال المقاولات ولها مشاريع كبيرة بعد مانقبلت فيها قالو ترى اللي بتكون معاهم من الجنسية الفلبينية المحترمة جدا ايه هين
المهم كل فترة التجربة ماكنت استفيد منهم ابدا ماعدا شخص واحد منهم وطيب مرة وهذا اللي مهون المصيبة ,كانوا كل هالفترة يناظرون لي بطرف عين واستهزاء واحتقار مالله به عليم لدرجة احيان اطلب منهم اني اشتغل على بعض الاجهزة كاني طالبهم من حلالهم معني والله العظيم اني اعاملهم باحترام وماصدر مني شي يزعلهم بس حسبي الله ونعم الوكيل على بعض الادرات اللي يكون فيها موضفين سعوديين ماهمهم الا انفسهم اما الباقين في حريقة .
طيب ابسالكم سوال وش دور مدير الموارد البشرية في الشركة ؟
أليس متابعة الموضفين اول باول ؟
الله يعين ويوفقنا جميع لما يحب ويرضى
وسامحونا على الاطالة

السلام عليكم ورحمة الله وبركاته
بدون مبالغة أنا توظفت في شركة حماية للحراسات
و أكلوني مطب منعول أبو جده بتقولون كيف :(
جيتهم أبي وظيفة وقالو بكرة تشتغل طبعا أنا ما صدقت خبر وقلت حاضر ورحت أفصل عند واحد متعاملين معه و خلصها في الليل وداومت اليوم الثاني وقال المشرف أنا بجيك بالعقد توقعه أنت اشتغل الحين وقام يماطل لين غلق الشهر الأول واخذو نص الراتب بحجة اني جديد و الشهر الثاني أخذو ربع الراتب بحجة اني جديد و المشرف أكلمه يوميا مشغول ويقول بجي بكرة قررت أروح عندهم المقر وقلت للمشرف قال بجيك و جاني وقال ليه ماداومت أمس قلت مداوم قال كذاب مباشرة خليته يشوف دفترالحضور و الأنصراف و برضة قال خويك اللي كاتبها قلت كلم خويي قال مالي دخل فيك لا عاد تداوم لين تراجعنا في المقر وراجعتهم اليوم الثاني وفصلوني:cry:


و بعدها رحت لشركة عبدالله هاشم وتوظفت فيها وثلاثة شهور ما قالو لي شي وبعدها طلعو على حقيقتهم طبعا الرؤساء باكستان و مصاريه و هنود و المشرفين حزب بحرف الشين:(
وكل يوم وهم فاتحين لي سالفة عملي مخلص فواتير و هم يبوني أشتغل تحميل و تنزيل طبعا رفضت وطلعو علي سوالف عند المدراء اني أنام و أطلع من العمل على كيفي ولا أسمع كلامهم وفي الأخير قالو إني أعتديت على واحد مصري رحت للمصري و أول ما دخلت عليه دق على الأمن وقال دا عاوز يطربني وطلعوني و فصلوني

صدقوني أنقهرت من المصري قهر ورجعت عليه بعد أسبوع :mish: وفقعت وجهه تفقيع ماينساه أبد الآبدين و راحت معاملة وجت معاملة ودخلت واسطات من عندي و قلبو عليه القضية و حكم عليه غرامه 5000 ريال وسجن اسبوع وش رايكم فيني ;)

طبعا ما فيه نسج من الخيال كلش حقيقه بس مررررره

شـكرا لك وبارك الله فيك... لك مني أجمل تحية .

موفق بإذن الله ... لك مني أجمل تحية .

ايش هالمأساة اللي نعيشها وكل يوم ضحية جديدة من ضحايا القطاع الخاص
ياعالم المشكلة ليست مقصورة على الأجنبي فقط بل المشلكة نابعة من بلدنا ايضا
إذا كان الأجنبي شايف إن كل مسؤل وصاحب عمل سعودي يحتقر ابناء بلده ويقلل من شأنهم وكفاءاتهم
كيف يكون رد الأجنبي؟؟
أكيد ان هالشي في صالحة الغلط في أصحاب الشركات الغلط في مسؤلينا حتى شهادتنا وهي نفس شهادة الأجنبي بلدي للأسف يقدس شهادة الأجنبي ويقدمونه علي بالوظيفه ليه جامعاتنا غير مؤهله؟ مناهجنا غير صالحه؟
والعتب على حكومتنا وينها عن معاناتنا مايشوفون وضعنا أعتقد العالم كله درى بوضع السعوديين
ايش بيوصلون له ؟؟ بيجبرونا على الهجرة الى بلد اخر نجد فيه عمل يحفظ لنا كرامتنا ودخل يحمي مستقبلنا
او نتنازل على الجنسية السعودية لأنها صارت ذنب نعاقب عليه في كل مكان
حسبي الله ونعم الوكيل في كل مسؤل سعودي خان الامانه
لكن انتم خصمنا أمام الله....

موفق بإذن الله ... لك مني أجمل تحية .

والله تعبنه الي متى هذا الحاااال والحكوووومه ماتهتم الا بموضفيها والا القطاااع الخالص عندهم في الهوى سوى