سعودي وافتخر بارضي ولا ني بالفخر مغرور
الى من قيل لي وش ديرتك قلت السعوديه

رفيع الراس بافعال حقيقه ما تعرف الزور

تسطرها تواريخ الفخر صفحات ورديه

كتبنا المجد بعد المجد سنين ماضيه ودهور

على صدر الزمن مكتوبة بحروف ماسيه

لنا الماضي لنا الحاضر لنا مستقبل من نور

لنا التأثير في الدنيا ببصمات حضاريه

من الإسلام منبعها فمنهاجه لنا دستور

على درب الموحد صادق الأفعال والنيه

ابو تركي سليل المجد نور الكون في الديجور

ومن بعده رجال ارواحهم للدار مرهيه

توحدنا بعد كنا ضحية جهلنا والجور

وصرنا كلنا اخوه نعيش بكل حبيه

من الآمر إلى المأمور منهجنا الإخاء والشور

على درب التساوي والعدل باوضاع مرضيه

وقدوتنا رجال لاجلنا لو داسوا المخطور

يبون الدار مثل الشمس في الأكوان مرئيه

والى من بانوا الحساد واللي بفعلته ماجور

يبان الجد وقت الجد بافعال النداويه

لتبقى ديرتي رمز الرخاء تحيا امن وحبور

بفضل الله وفضل اللي رعاها بكل حنيه

ابو متعب ابو كل الشعب في برها وبحور

اذا ناموا بقى ساهر لتبقى الدار محميه

عزيز النفس متواضع ولا يرضى بحني ظهور

ولا تقبيل يدينه من اللي جاه لتحيه

حماك الله يابلادي لتبقي حصننا المعمور

تعيشي لو فنينا كلنا نفدي السعوديه

م. ن.ق . و. ل

لا حياة لمن تنادي

ولايزال الوضع على ماهو عليه البيت بيت ابونا ........

السلام عليكم
انا شخصيا ماحصلي لاكن الوالد
مديره اجنبي وكل اللي شغالين معاه وكلهم حاقدين على الوالد
وقت اضافي مايعطونه
ترقيات مايرقونه
حتى الشغل اللي هو شغال فيه مايعدي عليه يدوه الباكستانية
كلهم حتقدين عليه ويضايقونه لانه السعودي الوحيد في مستودع مواد كهربائية
وهم يخافون لاياخذ منصبهم الين ما الوالد تعقد وهو شايب وعنده سكر الله يحفظه
المهم بعدين فصل من ظيفته عشان يضايقونه
لاكن الحمد لله لقى شغل ثاني والحال مستور
الشركة مجموعة بن لادن للجاليات
وليس للسعوديين

والله في برج الساعة حق مكة
ثلاثة ارباع حراس الامن اجااااااانب
ومهم مسجلين في مكتب العمل
تدري ليه لان راتب حارس الامن السعودي 3000 وهم مابيعطون

لهذا كل مايصدر قرار من الملك يخص السعوديين كل ماتتعقد الامور اكثر

مرحبا

مشكلتي صار لها مده كبيره ترهق جيل باكمله

من عمري 18 سنه وانا من وظيفه لوظيفه كوني يتيم ومالي من يصرف علي للعمر هذا 35 سنه وانا لم
ارى يوم راحه .. الولاء للوطن انتهى فيني وتلاشى والولاء للحكومه لا اعرفه ولم اتذوق طعمه

مشكلتي مع الاجانب هي .. ليست في شخصهم ولا في طريقة تعاملهم فهم بشر مساكين في دولهم ياكلون تراب ويتعشون طين والقميص يقعد على ظهروهم عشر سنين ولا نشوف اعتراض منهم على عيشتهم في بلدهم

ولكن هنا في دولتنا أو عفوا مملكتهم كونهم دائما يقولون اذا حسوا نفسهم ضعفاء المملكه للمسلمين
واذا كانوا اقوياء يقولون لنا روح خل مكتب العمل ينفعك .. نعود لنقطه التوقف .. ولكن هنا في دولتنا
نجد حكومتنا يمثلها وزراء والوزراء كل واحد فيهم متزوج من جنسيه عربية وبكذا يتعاطفون مع الجنسيات الاخرى ويحرقون عيال البلد ولو تركزون في حديث اي وزير في الشاشات وتدققون على لهجته تصيدون فيها
يا كلمات مغربية أو طريقة كلام مغربي أو كلمات شامية او طريقة كلام شامي أو مصري وهكذا
الاشكال هذي هي مشلكتي وهي مشكلتنا كلنا خلونا نركض للشركات نشحذ السوريين والفلسطينيين
والمصريين الوظائف واذا توظفنا ما يعجبهم العجب لو نمسح نعالهم واحذيتهم يوميا
انا عن نفسي وارضى وافتخر واتفاخر اني امسح احذيه الاجانب واقولهم انا سعودي على شان بس
تعرف حكومتنا اننا شعب يهان في وطنه وعلى شان تعرف الدول الثانيه ان الاموال الموجوده في وطننا هي
اموال زوجات الوزراء وجماعتهم واننا اغنياء بس في الصوره والاسم
والله لم اسمع او ارى حتى لو كذب على اي شخص خليجي توجد به حسره على اموال بلده كل دول الخليجي اذا اذاع في الاخبار ان دولتهم تبرعت لدوله فقيره ينبسط ويفرح ان دولته تفعل الخير
لانه بكل بساطه شايف الخير في بلده وشاف ان الخير يعم دول اخرى
ولا حنا للاسف لما نسمع ان بلدنا تبرع لدول ثانيه يمكن اغلب الشعب مثلي (يتفل ) على التلفزيون
ويا كثر ما امسح هالتلفزيون ولا ينفع .. ولما نسمع ان بلدنا تبرع تجينا حسره على اموالنا اللي تروح برا

مشلكتي يا ناس اني سعودي لو انا هندي أو مصري او سوري او لبناني كان رضيت بالاهانه اليومية
والضغوط اليومية .. الشعر شاب وانا عمري 20 .. وش باقي يا وطني ما سويته فيني وانا عمري الحين 35


للاسف يا وطني والله لا ارضى ولن ارضى عليك وانا بالحال هذا ولن يرضى شباب وطنا عليك وحنا بالحال هذا
حرام والله حرام اللي يصير فينا .. اقسم بالله حرام اللي يصير فينا
يا حكومه حرام تكفين ارحمينا حسوا فينا حسسونا انا مواطنين

العمر 35 والراتب كاني اشحذه شحذه ولا بيت ولا زوجه ولا استقرار ولا امان افكر اشتغل بالخليج والله تفكير مصري صار تفكيري وكل ما اقدم على وظيفه في الخليج يقولون جيب جواز سفرك عارف ليش يا وطني
على شان ياخذون صورة منه ويتمصخرون علينا ويقولون سعودي جاي يقدم على وظيفه

الكويت لما فتح باب التوظيف للجيش وقفتوا التسجيل ولا انتم وظفتونا الامارات لما فتح التسجيل للجيش
وقفتوا التوظيف ولا وظفتونا

.وش تبون ..؟ كل هذا على شان تشوفونا نشحذ ..؟ وهذا حنا نشحذ ..؟ ولا حتى رضيتوا تناظرون لنا


رساله لكل موظف اجنبي ..,

تكفا .. ارحمنا .. الحكومه ما عاد ترحم

مااصعب ان يعيش الانسان كالغريب في وطنه
وتهضم حقوقه كمواطن
حيث اصبح للاجنبي امتيازات لايحلم بها حتى في وطنه !
8 مليون عامل اجنبي في السعوديه
عدد ضخم ومخيف
في بلد تزيد نسبة الشباب فيه عن 70%
شباب من الجنسين يطمح لان يعمل في وطنه ويساعد في بناء هذا الوطن
لكن يصدم بجدار البطاله واللوبي الاجنبي
حيث اصبح للاجانب شوكة وقوة
في بلد يفترض ان تكون الاولويه لابناء الوطن
للسعوديين فقط
اصبحت عباره تكتب لذر الرماد في العيون
والواقع يقول ان الاولويه للاجانب
وان تم تعيين السعودي
فتلك الوظائف المناسبه له
موظف استقبال/معقب/ كاشير/موظف اداري بسيط
حيث اصبحت الشركات السعوديه والمراكز مليئه
بتلك الجنسيات
(اللبنانيه- السوريه – الفلسطنيه – الهنديه)
وتبقى الوظائف الكبرى للاجانب
كما قال احد الاخوه
منصب مدير اقليمي - مدير عام – مدير فرع
اصبحت من نصيب البقرات الثلاث
حيث تفصل تلك الوظائف للجنسيه اللبنانيه
مع امتيازات لايحلم بها ابن الوطن من راتب عالي وفيلا وسياره اخر موديل وتذاكر سفر
-من يصدق ان هندي لايملك الا بكالوريس ادارة اعمال يعمل بقطاع حكومي وبراتب 82 الف !!!
-صديقتي ذات التخصص النادر يتم تعيينها ب3 وظائف براتب 2000 ريال!!
ومن يقوم بمقابلتها السكرتيرة المصريه التي ربما راتبها اضعاف راتب صديقتي!
-مديرة قسم التمريض(مصريه) بمستشفى حكومي بشهادة دكتوراه مزوره
تعمل منذ 15 سنه وبراتب 30 الف ريال !! وتحارب تعيين السعوديين
- حرمان سعودي من العمل كفراش رغم حاجته وتعيين سوداني مكانه وبراتب 3000 ريال!!
-دكتورة اردنيه تصفع طالبه سعوديه وتنهال عليها بضرب امام الجميع في جامعة الجوف
حينما فكرت الطالبه بالشكوى ضد تلك الدكتوره
والعميده من الجنسيه المصريه!!!
سعوديات يحملن الماستر والدكتوراه عاطلات!!
بينما يتم توظيف وتجديد عقود اردنيات ومصريات !!!
وبمناصب كبرى!!
حينما يحمل السعودي ملفه للبحث عن وظيفه يصدم بشروط تعجيزيه
وتختفي تلك الشروط حالما يظهر الاجنبي وربما كانت شهادته مزوره!
الحرب ضد السعوديين اصبحت علنيه وقذره
في ظل عدم حماية مكتب العمل والجهات المسؤله لابن الوطن
وتركهم تحت رحمة هولاء الاجانب
ان كانت الحملات الشعبيه نجحت ضد التجار
فمن باب اولى ان تنضم حملات ضد تلك الشركات
والمراكز وكل مكان يتم فيه طرد السعوديين او محاربتهم
وان يتم التشهير بتلك الجهات بالمواقع والنت ويتم مقاطعتها وعدم التعامل معها
حتى يتم تعديل ظروف العمل للسعودين ورفع نسبة تواجد السعوديين بتلك الاماكن
واحلال السعوديين مكان هولاء الاجانب
شباب البلد يملك مؤهلات بكافة التخصصات ولايقل عنهم ذكاء او طموح
لابد من وقفة حازمة مع تلك الجهات
ومع تلك الجنسيات التي تنسى
مقولة ياغريب كن اديب
والتي تعض اليد التي امتدت لها بالخير
فهم لايدفعون اي ضرائب
ويتم تحويل معظم اموالهم الى بلدانهم الاصليه
وبعضهم يستمر بالعمل سنوات طويله
بينما يظل ابناء الشعب عاطلين!
او القبول بعقد ظالم لايحفظ حق المواطن السعودي !
نحن بحاجة الى ايجاد حل لمشكلة 8 مليون اجنبي
وان ترجع معظم تلك الجنسيات الى بلدانها الاصليه
لان البديل متوفر
فلما لايتم رفع قضيه ضد كل مكان يوظف اجانب وهناك بديل من ابناء الوطن
لما السكوت والاكتفاء بالشكوى فقط
الم يحن وقت العمل وتنظيم حملات للسعوده الاجباريه؟!
والقضاء على اللوبي الاجنبي من جذوره
لانريد شعارات القصيبي
سعودة محلات الخضروات
سعودة الشغالات
سعودة الطباخين
سعودة محلات الذهب
سعودة حراس الامن
نريد الوصول للقمه
نريد حق المواطن بالعمل واعمار وطنه
سعودة المناصب القياديه بتلك الاماكن
واحلال المواطنين من الجنسين في الوظائف التي يشغلها هولاء الاجانب
انتشارالسرقات والعصابات كانت النتجة الحتميه لانعدام الوظائف


ارجو من الإدارة التثبيت .
الأجانب اكلو الاخضر واليابس وكم من عاطل يتمنى
وظيفه بأقل مرتب عشان يساعد اهله
من اب مريض او ام تعاني من
ارجو من الاخو في المنتدى التفاعل
لنجعل صوتنا يصل الى المسؤلين
لنجعل الحمله اكبر حمله يعملها العاطلين عن العمل
العطاله في تزايد ومتطلبات العيش في الحياة صعبه
حتى وظائف التي براتب 2500 لم نحصلها
نرجو التحرك بنشر هذا الموضوع بالمنتديات الاخرى وعلى المجموعات البريده

الى متى والسعودي يطرد ويأتي الاجنبي مكانه .؟؟

مدير مدرسة حكومي يطلب من ابو طالب طفل اجنبي
2000 ريال تسجيل للطالب تم قبوله بالنت من موقع الوزارو يوم مافتحو قبول الاجانب بالموقع
من متى المدرسه الحكومية الها رسوم تسجيل


او السؤال الثاني
ياترى المدير حابب يصيف وين ويزبط وضعه
والله على ما اقول شهيد

يمكن لان الاجانب رواتبهم اقل الاجنبي مايهمه الراتب لانه بيطلع اضعافه بطريقته 00شوفي صارت لكثير اي منشاءة فيها اجانب مايقبلون بلسعودي بينهم ويطيرونه بااحقر طرق الاستفزاز والغدر صار لي موقف قدمت على شغلة بقصر زواجات قهوجية دوري اسوي ثلاجات القهوة والشاهي طول الليل قرابة ستين ثلاجة كل شوي اللي تفضى اعبيها والله شي مرهق جدا بس مظطرة اقبل ابي اي مصدر دخلالقصر كله اجانب جاويات مباشرات وغيره بلمطبخ والباقي يمانيات بباقي القصر يوم دخلت كل وحدة قلبت ووجهها يقولوا بااستهزاء غريبة سعودية ويتريقوا على السعوديين وانا ساكته اصلا عقلي مع عيالي صغار بلبيت ماهمني بكلامهم 00 وعارفة انهم يستفزوني عشان اترك العملوالله يوم وصلوا اهل الفرح جايبين اغراضهم للضيافة بن هيل حلويات عصيرات بسكوتات للمعازيم بكراتين واوصوهم عليها الا والعاملات يتناتشوها كل وحدة تعبي كيس وتدسه قالوا عبي لنفسك قلت شكرا ماابي 000 قاموا يطالعوا ببعض بنص الفرح خلصت المقاضي جات ام العريس تهاوش وين المقاضي صرخت فيها المسؤؤلة الجاوية انا مايعرف انتي مافي جيب كويس ارسل رجال يجيب وحوست اهل الفرح والله حزنوني بس ماني قادرة اتكلم 00انتهى الفرح وانا منهارة بس متحملة انتظر الستين ريال يوميتي الا وهي تقلي غسلي الثلاجات كلها والفناجين والتباسي ووو اتخيلوا تتكلم بااهانة واحتقار قلت طيب فيه بنات لغسل الاغرض مو شغلي اصرت وافقت وغسلتها انا اشتغل وهم قاعدين يطلعوا اللي دسوه ياكلوا ويضحكوا ويتقاسموا بااكياس يعبوها خلصت 00 الاوهم ياشروا لبعض قالت البلاعة مسدودة سلكيها استغربت قالت بسرعة لا المويه تعدمناولاهي مسدودة ولاشي واستلمتني الين الشمس تبي تطلع 000 وحنا خارجين سالتها وين يوميتي اعطيتي الكل الا انا قالت بعدين بكرة ومشت وسابتني تخيلوا صابرة طول الليل انتظر الستين واحلم وانا اشتغل ايش اشري فيهم مقاضي لعيالي وماتعطينيثاني يوم اتصلت بصاحب القصر وقلت ماابي الشغل قال كنت متاكد ماراح تستمري مافي سعودية تستمر قلت لا يااخي انا قد الشغل بس العاملات قاطعني وقال ادري طيروك زي غيرك طيب ايش اسوي الاجانب مايبون احد معاهم مري خذي فلوسك والله يعطيك العافية هذه القصة تفهمون بها الاجنبي وعمله عندنا لكن الله لايسامح اصحاب العمل اللي ساكتين على وجود الاجني ويبدوه بلوظايف واوصلونا لهذا المستوى
وللامانة والله قابلت وحدة متزوجة سعودي اتسعودت واتوظفت وماتبغى زوجها سالتها ليش ماتبغيه قالت خلاص اتجنست واتوظفت ايش ابغابه رغم عندها عيال سبحان الله طبعا هاذا الكلام قديم قبل القرار بسحب الجنسية لاهما عشرة ولا عيال

[align=center]عندي مشرف صيني يطلب مني فلوس حتى يوقع لي بس وربي لو يبنط ماياخذ ريال

وكم مره يقولي هالكلام بس يحلم


مره قابلته مع واحد مسلم جديد ويعرف انقلش وقلت ترجم له هالكلام ان هذا حرام في ديننا ويعتبر رشوه علمه المسلم عن هذا العلم بعدين قالي كم كلمة بذيئة بس ماعرفتها يقولي المسلم هي سيد نو كدا يعني يقول كلام مو حلو ومن حظ اهله ماعرفتها لو عرفتها كان عرفت اطلع حقي من مين
[/align]