مديرنا مصري حرامي يفول لي قبل اخر الشهر انه شوف انا راح اخلي الشركة يصرفوا لك عموله مثلا يقول الفين ريال ويققول لي بس شوف اللي يزيد عن الافين تعطيني اياه
وطبعا لو رفضت معناها ان عمولتي الشهر القادم ماراح تزيد عن 1000 او اقل

الله يكون بعونا الى متى نلاحق ورى حقوقنا !!!

انا مديري الاجنبي ما يطيقني ولكنه لا يستطيع الاستغناء عني لأنه لا يعرف لهذا العمل سوى انا
ولكن لا يعطيني حقوقي بالوظيفة من علاوات وسيارة ومطنشني بالاجتماعات المهمة للشركة
واذا قصرت بأقل شئ وهو قليل يكاد يكون معدوم.. يهدد بالطرد ويسمع من يوصلني ولا يستطيع يواجهني

كنت في شركة كل موظفينها اجانب حتى مسؤولين التوظيف اجانب
السعوديين في مراتب متدنيه حتى لو كان دكتور
مديري كان اجنبي
اللي تعطيه وجه يتغاضى عن سيئاتها و اللي تكون اخلاق وجاده في العمل يكرفها كرف الويل مدير ظالممممم حسبي الله ونعم الوكيل
وكانت تضايقني ايضا قله الادب والمياعة من البنات
وغير اسفه على ترك هذي الوظيفه

الاجانب كلهم يجب طردهم من السعودية وخصوصا المصريين والسوريين

الامر الاخر ترى مو بس الموظف بشركة اجنبية ينظلم منهم
العميل ايضا لدى الشركة او المؤسسة
مثلا انا ساكن في شقق مفروشة تلقى المصري المدير حق الاستقبال كذاب ويضبط الشقق لجماعته ومات بالحسرة يوم بدت الجوازات تسفرهم عشان اقاماتهم منتهية
وفضيت الشقق وصار ما ياجر فيها احد ويضحك على الكفيل( صاحب الحلال ) يقول ما فيه زباين يجو وهو يصرف الزباين او يوريهم شقق مخيسة
والكلام ينطبق على السوداني حق الشقق السكنية اللي كنت فيها قبل مضبط الشقق الرخيصة اللي فيها انترنت لجماعته ومعطينا الشقق الغالية والمخيسة في نفس الوقت وبعدين رفعوا سعرها الشهر هذا وتركتهم والى يومك لها اسبوعين ما تاجرت
صاحب الحلال طماع واعدى اعداء الوطن هم هؤلاء الرأسماليين الجشعين ما يهمهم مصلحة الوطن
والاجنبي يلقا له من يسانده من هؤلاء الرأسماليين صايرن زي العصابات في البلد
واهم شي اهم شي اهم شي
ما اعمم بهالكلام
لان وحده من اقربائي عندها عمارات وماجرتها بسعر معقول وترفض تزيدها بل تبحث عن راحة المستاجرين الله يطول بعمرها وبعمر كل واحد مصلحته على وطنه اولا وابناء وطنه

شفت الموضوع توي ادري عنه لازم اقولكم قصتي بـ 2010

توظفت بشركه الحكير

بائع في سوق الرياض جالري وحطوني عند واحد مغربي الله لا يوريكم المذله حسبي الله عليه جنني هو مبزوط كبييير ولص كان يوكل لي اعمال مو لي مثل تنظيف المحل وتلميعه وكنسه المهم مضايقه في مضاايقه الله وكيلككم يوم درى عن راتبي بغى ينجلط 3000 الاف وهو 2350 هـع جنني ونقلت من عنده وطاح حظي التعيس مع مصري وكذلك الاخر استقعدلي وسوى مدير على راسي

غير ان الشركه الحكير كارفين السعوديين كرف مو صاحي يعني يجي مدير السوق يجمع السعوديين ويخلينا نشتغل في تفكيك الكراتين وتصفيفها وهذا مو من شغلنا وعقودنا مع ماركات يجي المغربي ينافخ يقول ارجع للماركه هههههههه ويجي المدير المصري معصب يقول ليه تروح

المهم وبعد كل ذلك الرواتب تتأخر وتنزل ناقصه أنهبلت اخر شيء وطلعت من هذي الشركه المعفنه وشكراً

مشكور والله يرحم والديك أخي الكريم على فكرتك الجملية والي فيها انسانية كبيرة الله يجزيك الخير عليها ان شا الله.

أول ما توظفت كان مديري لبناني الجنسية اسم عائلته نكد وهو اسم على مسمى، لما قابلني كان يسوق للوظيفة وارتحت له كثيراً، لكن ما عدى شهر إلا وهو يضايقني وطلب من مسؤول التوظيف يشوف لي وظيفة ثانية في قسم ثاني بحجة أني ما عندي خبرة وما أناسب للوظيفة وهو وعدني في المقابلة أنه راح يدربني تدريب مكثف وأنه واثق في وإني راح أبدع في الوظيفة وارفع راسه مثل ما يقول: بدي اياك اباضي وأنا واتق فيك. وأسلوبه كان جاف وعصبي أغلب الأوقات ويهزئني على أتفه الأسباب وبعد ما شاف نفسه فشل في إدراة القسم رمى الفشل علي بحجة عدم الخبرة وطلب موظف عنده خبرة، والموارد البشرية السخيفة طبقت كلامه بالحرف الواحد وتم نقلي لقسم ثاني مع أنه مسؤول التوظيف وعدني بالتحقيق لمعرفة الفشل من سببه لكن مجرد كلام فاضي؟!
ولما بدأت الشغل في القسم الثاني مديري باكستاني ومسؤولي المباشر باكستاني أخلاقهم نص ونص وما عندهم تقدير ودايما يبحثون عن المشاكل.
ومرة مدير العمليات البريطاني الجنسية الي هو مدير مديري المباشر رمى علي شغلة ما اعرفها نهائيا وهي حساسة وما عطاني مديري المباشر خبر ولا دربني عليها وبكل وقاحة يجي المدير البريطاني ويسألني عنها ليش ما سويتها فقلت له: بكل صراحة هذي الشغلة مو شغلتي فعصب بقوة وصارخ علي قال لي شغلتك واتفقنا مع مديرك وراح كالعادة يهزأ مديري المباشر الناعم ويجي بكل وقاحة واستحقار مديري المباشر الباكستاني ويقول لي هذي الشغلة شغلتك وراح تسويها وإذا ما راح تسويها روح دور لك على وظيفة ثانية أو اجلس في بيتكم والمسؤول المباشر الباكستاني الثاني مبستم ويراقب. وغير كذا أرامكوا عقدت دورة للجامعيين على حسابها وطبلت من مديري أن يرسل المعلومات في التاريخ المعين الي هي أخبرته به، لكنه الطيب أرسل أوراقنا متأخر وراحت علينا الدورة ولما أساله يرد بنفس وصخة فحسبي الله ونعم الوكيل الله ينتقم منهم

قصة جاري متزوج اشتغل في فندق ( استقبال ) ومنعوه من الجلوس على الكرسي نهائيا والدوام 9 ساعات.
وشالو الكرسي من عنده بعد السعوده اللي كان يجلس عليه موظف اجنبي من جنسيه عربيه ..
وقالوله لازم تكون واقف ممنوع الجلوس في الاستقبال ...


والرجال تعب ويحاول يجلس شوي واذا شاف المشرفين الاجانب قام وقف على رجوله ....

واذا شافه المشرف الاجنبي جالس راح اشتكاه للمدير الاجنبي الثاني ويهددونه دايم بالفصل كل شوي.


ويقولي المشكله الراتب ما يستاهل 3 الاف فقط ويوم واحد اجازة وصابر عليهم ...

ويقول انه محتاج الوظيفه وعليه ديون ومن وين ياكل عياله و زوجته ما معه الا ثانوية فقط ...
.

ويقولي ان مافي سعوديين الا الاستقبال والحراس على الابواب فقط .. والطاقم الداخلي الاداري وغيره كله اجانب..


يعني حاطين السعودييين في الواجهه عشان السعوده يعني شوفوا عندنا سعوديين .. والمصيبه الكبرى اللي يشتغلوا في مكتب العمل الخونه واهل الرشاوي ساكتين يجي من برا يشوف سعودي واحد قال خلاص في سعوديين ويرجع لمكتب العمل ويقولهم الفندق موظف سعوديين كثيير وهو كذاب قابض رشاوي دبل راتبه مليون مره

ام صديقتيي سعوديه اصل وفصل وعندهم معارف وواسطات وش كثرها
كانت تشتغل بحكومي بعدين استقلت بمكان عمل خاص فيها والله ان المشاكل الي تصير بين البنات السعوديات اكثر من المشاكل الي تصير بين الغير سعوديه وسعوديه كل سنه لازم تغير موظفه وعشان ما تظلم لا سعوديه ولا غيرسعوديه تسوي لهم امتحانات والي تجيب اعلى شي هي الي تقعد بالوظيفه من كثر ما تعبت من هالسوالف الي كلها عنصريه وهبال

ما احب اقول اجنبيه لان الاجنبي الغريب في اللغه والدين

اصلا الموظف مايطيح بمشكله الا لانه يجهل حقوقه سواء هالمشكله كانت من مواطن او مقيم مايصير ان الواحد اذا قرر يشتغل مايطلع ويقرا نظام العمل السعودي ويعرف وش الي له والي عليه عشان يرد عليهم ويوريهم شغلهم هذا الصح

هذا السبب الرئيسي في المشاكل كلها الجهل عند الموظف بس خلاص يبي يدخل يتوظف طيب وش الي لك وش الي عليك مافي

سبق انا صارت معي مشكله وحليتها بعد ما اطلعت على نظام العمل وخليتهم ينثبرون