اللحين ليه تقفلون قسم المداقشات العسكريه حسبي الله عليكم

السلام عليكم ورحمه الله وبركاته
يا شباب انا عندي استفسار من ناحية تجديد العقد محدد المدة،
انا موظف في شركة وباشرت عملي من تاريخ 2016/11/29
طبعاً باشرت عملي و اول شهر ويجيني مسير الراتب على الإيميل واتفاجى؟؟
انه مخصوم علي دبل للتأمينات الإجتماعية وادخل على موقع التأمينات أون لاين اتفاجى انه
مسجل في التأمينات من تاريخ 2016/11/01 يعني اني مباشر قبل 28 يوم في الشركة؟
هل هذي تنفعي في تجديد العقد الآن يبغون ينهي العقد بأي طريقة؟
وهل أقدر اشتكي عليهم بمدة غير نظامية وإلا فات الأوان؟! ..
عقدي على وشك انه ينتهي في هذا الشهر 29/11/2017 ودخلت موقع التأمينات اتفاجى ان مدد الاشتراك مع الشركة 13 شهر لانهم دخلوني قبل 28 يوم .
الاسبوع الماضي استلمت إشعار بعدم التجديد وقريت الإشعار كان بالانجليزي مكتوب ومن ضمن اللي قريته انهم ماراح يجددون لي العقد بسبب عصيان الأوامر وأنا والله العظيم ما عصيت امر الا ان مديري اجنبي ومايبغى سعوديين..
والمدير كان يحاول أني اوقع؟
إللي اعرفه انه الإشعار ورقة رسميه وتكون واضحة وبالعربي؟؟

رفضت ما اوقع عليها بحجة انهم ما اعطوني الإشعار قبل ما ينتهي العقد ب60 يوم كمآ ورد في العقد والآن باقي 25 يوم وينتهي عقدي مع الشركة..؟

هل يقدر ينهي العقد وانا ماوقعت على الإشعار؟

اشتكيت في مكتب العمل وخايف انهم ينهون العقد وظروفي صعبه يا اخوان هل لي حقوق معاهم حتى الإجازة السنوية ما أخذتها؟
يقولون انه يعوضك براتبين حق شهر الإنذار وتستلم مستحقاتك !!
اذا إنهاء الطرف الأول العقد مثلا هل يحق اقدم على برنامج ساند!
اتمنى انه احد يفيدني بشيء تكفون ساعدوني والله النوم ماعاد اعرفه من كثر التفكير..
وآسف جدا على الاطاله
ودمتم بود

سلام عليكم من ناحيه توقيعك من قبل الشركه على مصروفات معينه بورقه وتوقيعك عند خانه المستلم وتوريطك هل النضام لايحمي المغفلين ام ماذا الله يحزاكم الف خير

السلام عليكم مثل ما انتم شا يفين في العنوان

بعد 15 سنه خدمه وملف خدمه خالي من اي شائبه وبعد ما بديت من الصفر معهم الى ان وصلت لمنصب مدير منطقه مع الاسف مديري بدأ يطفشني بشكل احترافي جدا ، انا شغال في المبيعات وجانا مدير جديد باكستاني واللي جابه مدير القسم اللي هو باكستاني مع العلم انهم كانو اصدقاء قبل ما يجو الاثنين في باكستان وكانو يعملو في نفس الشركه اللي حصل معاي كالتالي

1 - سحب اهم عملائي من فرعي اللي انا جبتهم وفتحت حاساباتهم الين ما اصبحو يشتروا مني بالملايين بحجه اعاده الهيكله واعطا شغلي كله لواحد هندي ماله علاقه بالمبيعات

2- سحب فريق عملي مشرف المبيعات اللي يعمل في فرعي وتحت ادارتي

3 - سحب مندوبين المبيعات من عندي

4 - صاروا يروحوا لعملائي مع العلم انهم ما ارسلوا خطاب او وضحوا موقفي لدرجه ان العملاء يتصلون علي ويسألون عني واعطوا انطباع انه تم سحب العمل مني لعدم كفائتي يعني مو بس يبغوني اطلع من الشركه يبوا يخربوا بيتي لان حتى الشركات المنافسه جاهم خبر عني بما اني قديم في السوق


5- تم تهميشي تماما من اجل التمهيد لفصلي

6 اشتكيت للموارد البشريه من اكثر من شهر بخطاب رسمي وما احد رد علي

7- بدوا يمنعوني رسميا من زياره بعض عملائي

8- تصدقوا من يوم ما سلموا الشغل للهنود والباكستانيين رفعوا حافز المبيعات الدبل ؟!

9- كل العروض اللي كنت اطلبها من لعملائي ترفض وكل المشاكل كانوا يتساهلوا في حلها ولكن لما اخذوا شغلي تم حل وتلبيه طلبات كل العملاء وزياده في شهر واحد !

10- الاداره الباكستانيه تحاول تضربني بالاداره العليا وتبغاني اروح اشتكي لانهم عارفين اني بمجرد ما اشتكي في وزاره العمل علاقتي بتنتهي مع الشركه


والله يا جماعه في قلبي غصه بعد ما كنت في المقدمه الحين ما ادري وين موقعي وصاحب الشركه شايف وساكت شغل 15 سنه اشوفه ينهار قدامي وياخذوا مني اجانب على البارد المستريح ،، والباكستانين تخلصوا من اغلب موظفين القسم ومركزين علي وبصراحه ما ادري لمتى اكتم غيضي وانا اشوف احلامي يقضي عليها واحد اجنبي ما جاه الشركه الا من اربع سنوات وجالس يضغطوني وهو وزميله

النصيحه يا جماعه الخير انا اشتغلت معهم وانا عمري 24 والحين قربت الاربعين واحتياحات السن هذا تختلف عن سن الشباب

حسبي الله ونعم الوكيل .. اللحين سوي لك متجر الكتروني ورجع عملائك واشتغل براسك ولحالك





https://www.btalah.com

يفضل يكون لكل مشكلة موضوع مستقل حتى يكون العرض واضح والردود خاصة

انا بنت سعوديه مديري اردني انا ادوام صباح وذا يوم افه يجي يهزأني يقول ماحبتي مبيعات ونتي تلعبين وماتشوفين الزباين ومن ذا الكلام اليوم جا وماكان فيه زباين جا وهزأني قال خلاص بشيلك من الصباحي لانك تلعبين ونا والله تشهد علي الكميرات اني ماالعب ولا شي اشوف كل زبون تكفون دلوني لاني تعبت منه