بسم الله الرحمن الرحيم
السلام عليكم ورحمة الله وبركاتة ,,,
نشكر الإخوان القائمين على هذا المنتدى المتميز بكل أساليبه وذلك لمساعدة أخوانهم المتعطشين والمتلهفين للحصول على فرص وظيفيه تقيهم حر الصيف وبرد الشتاء.
بالنسبه لموضوعكم الجميل والذي يتكلم عن (كره الغير سعودي للمواطن السعودي) -آسف لهذا التعبير- والخوف الدائم لغير السعوديين من إرجاع الحلال لأصحابه فسأحكي لكم قصتي مع هذه المعاناه والتي بدأت منذ عام 1999 وما زالت مستمره..
القصه
تخرجت من الثانويه العامه عام 1999م وإلتحقت بجامعه الملك سعود بالرياض بكلية اللغات والترجمة وكنت مثابر بدراستي الجامعيه حتى إنتهى الترم الأول وحين ذهبت لأعرف النتيجه تفاجأت بحملي أول ماده وإستنكرت رسوبي وذهبت لدكتور الماده وسألته لماذا يادكتور رسبت فقال لي أنا لا أعرفك حتى تعدي عندي!!!!!!! ثم قال لي شد حيلك الترم القاي (طبعاً الدكتور مصري) المهم هذا الدكتور مشرف القسم الرياضي بالكليه, جلست معاه 4 أترام وأنا أشجع وأدابك في الملاعب ( سباحه - كرة قدم - سله - تنس طاوله - تنس أرضي ) كل أنواع النشاطات أركض وراها كله على شان يعرفني ولا يرسبني مره ثانيه ( طبعاً كنت مجتهد بدراستي ) طبعاً عرفني لأني كنت ظله الي يمشي معاه وأكيد بفضل من الله وبفضل جدي وإجتهادي نجحت في جميع المواد الي كان أدرسها عنده.
وبعد فتره إنتهى عقده مع الجامعه وجانا واحد ( يتمنى لو السعوديه تغرق في البحر) طبعاً الحمد لله الرياض ما فيها بحر هههههههههههههه, إستقعدلي إستقعاد لدرجة أنه يقول لي انه ما يتخيل الجامعه من غيري, المهم صابني إحباط وكرهت الجامعه وأنا في المستوى السادس(السنه الثالثه) تركت الجامعه (هبلبي).
الحين بديت أدور على عمل لأني إستحقرت نفسي صار عمري 23 سنه وأبوي الله يطول عمره يصرف علي قلت يا ولد عيب عليك أبوك يبي منك مو انت الي تبي منه والله وأفرفر على الشركات والمؤسسات في الرياض لكن من غير فايده كلهم يبون خبره لا تقل عن خمس سنوات, المهم قلت أروح لجده أم الرخاء والشده والله وأستأذن من الوالد وأروح لجده وأجلس أسبوعين ألقاء واحد من الجماعه عنده مؤسسة وقال لي ليش ماتشتغل معي قلت له وأنا طاير من الفرحه توكل على الله, والله أكرف معاه 6 شهور من غير راتب وفي يوم من الأيام قمت من النوم من كثر الألم اللي في بطني وأرح للمستشفى ويقولون عندك المراره ولا زم تشيبها ( طبعاً المستشفى حكومي ) والحمد لله أسوي العمليه وأرجع للعمل بعد إسبوعين رجعت وأنا مشتاق للعمل وكلي حيويه ونشاط وأدخل مكتبي وأصفف الأوراق وأنا جالس أفتح الكمبيوتر دخل على مصري يشتغل في المؤسسة وقال لي كيف الحال
قلت له بخير
قال لي ليش أبو فهد إستغني عنك!!!!
أنا الصراحه إنصدمت لكن تماسكت وقلت له إني لقيت وظيفه أحسن من هذي.
طبعاً المصري كان يكرهني لأني كنت ماسحه بأستيكه وشكله في فترة غيابي عباء راس المعزب علي..
المصيبه الكبيره إني ما أخذت راتب 6 شهور, وأنا طالع من المكتب لحقني المصري ومعه ظرف وقال لي هذا من أبو فهد!!! فتحت الظرف والقاء فيه 1000 ريال
دقيت على ابو فهد وقلت له وش السالفه وقال لي ان الوضع في المؤسسة مو زين وانهم يمرون بأزمه ماليه كبيره وإنه لازم يقلل عدد الموظفين ( طبعاً تصريفه) طبعاً شديت معاه بالكلام وقلت له أنا خدمتك 6 شهور وآخر شي تعطيني 1000 ريال قال لي مالك شي عندي (أخوكم عليمي
مايعرف شي إسمه عقد وتأمينات إجتماعيه) طلعت من عنده وأنا أتحسب عليه, جلست 4 شهور من غير عمل وبعدين إشتغلت في محل خضروات وفواكه وكنت أروح لمحلات العقار أسترزق الله من بيعه أو دلاله.
وفي يوم من الأيام دق علي واحد من الشباب في الرياض وقال لي تبي تشتغل في شركة ويعطونك راتب 3000 ريال
قلت له على يدك وينها قال لي أرسل لي صور من شهاداتك طبعاً عندي 4 كورسات إنقلش غير الثانويه والله وأرسلها له , والحمد لله توظفت بمسمى خدمة عملاء طبعاً أخذت دورات في خدمة العملاء قبل الوظيفه.
المهم شديت حيلي مع العلم المشرفين عندنا أجانب قلت لازم أثبت نفسي ولله الحمد أثبت نفسي وخلال 4 شهور صرت مشرف وهذا اعطاني دفعه على شان أثابر في طلب الرزق, خلال هذا الوقت صرت أشوف الأجانب نظرتهم تزداد كره وعيونهم يتنطط منها الشرار, قلت ماعلي فيهم خاني في حالي وشغلي ( طلعاُ في محاولات كثيره منهم لإختلاق المشاكل) مرت أربع شهور ثانيه ولله الحمد تم ترشيحي لمنصب مدير فرع لكن في المنطقه الجنوبيه قلت ياولد روووووح أقهر عذالك.
رحت للمنطقه الجنوبيه ومن أول شهر حققت أعلى مبيعات في المملكه ( الصرحه كان ورانا مدير مبيعات التجزئه ممتاز مع انه كان شديد معانا لكنه يشجعنا دئماً ويحثنا على العمل والبحث عن الفرص التي ترفع من إنتجنا) بعد فتره طلبت نقل من الجنوب وخلال شهرين تم نقلي لمدينه تبعد عن جده 350 كيلو متر ولله الحمد خلال هذه الفتره تزوجت وإستقريت في هذه المدينه وجلست 3 سنوات.
في هذه الفتره تم بيع الشركة لسعودي ( متجنس) وهنا تبداء القصه:
لاحظت أنه منذ بيع الشركه لهذا المتجنس قام كثير من الزملاء في الرياض وفي جده بالإستقاله أو انه تم فصلهم لأسباب تافهه( من بينهم مديرنا الحبيب والغالي الذي قدم إستقالته وعند سؤاله عن سبب الإستقاله قال لي : مابقى إلا المتجنسين يستعبدونا), وأن الشركه صارت تعج بأبناء جلدته من غير السعوديين وكان مدير مبيعات التجزئه الجديد وهو أيضاً متجنس يقول لي ليش ما تفصل كم واحد من عندك وتدور عليهم أي مشكله أبي أجيب لك كم واحد (طبعاً من أبناء جلدته) بدالهم, أنا دائم الرفض لهذا المبدء ألا وهوا قطع الرزق..
بالتأكيد صار يكرهني ويدور علي الغلطه على شان يخصم علي , لكن أنا ما أعطيه فرصه ودائم الدوم أقوم بعملي بأفضل وجه..
مرت الأيام وفي يوم من الأيام قام باللإتصال بي وقال لي أنه يريد نقلي لمدينة جده وأنه بحاجه لي لإدارة أحد الفروع, وافقت على الفور بسبب وجود الكثير من الأقارب والأصدقاء الذين أستأمنهم على زوجتي وإبنتي وذلك خلال الذهاب للإجتماعات في الرياض أو الذهاب لأخذ دورات.
طبعاً الشركة صارت كبيرة بفضل من الله ثم بفضلي أنا والزملاء وتم تأسيس 7 شركات خارج السعوديه كل ذلك من تعبنا وكدحنا ( مع العلم الراتب الذي أتقاضاه لوقتنا هذا 4000 ريال فقط لا غير) المهم رحت لجده وجيت للفرع عند دخولي للفرع صادفت احد الزملاء وكان من أعز الأصدقاء على قلبي فقلت له ماذا تفعل!!! فقال لي انه مدير المنطقه !!! كيف صار مدير المنطقه مع العلم أنني كنت مدير فرع وهوا كان موظف خدمة عملاء؟؟؟ وكان من أكثر الشباب غياب عن العمل ؟؟؟؟ قلت في نفسي من حصل على شي يستاهله والله يوفقه.
طبعاً أذكر واحد من الشباب كان مساعد مدير في الفرع جلست أدوره مالقيته سألت عنه قال لي الأخ مدير المنطقه أنه نقله لفرع ثاني قلت له أنا أبيه لأني أعرفه أعرف شغله زين قال لي أنه جاب لي مساعد أفضل منه قلت له من ؟؟؟ هل أعرفه ؟؟؟ قال لي لا هذا واحد راح يريحك !!! قلت له وينه !!!!!!! المفاجعه الكبرى !!!!!!!!! واحد من حملي الإقامه الي يقربون لصاحب العمل !!!! والمشكله أنه ماله أقل من سنه وفي سعوديين أحق منه بالترقيه, قلت في نفسي لاوالله هذا الي بقى..
الشكوا لله وش نسوي..
نرجع لسالفة خوينا مدير المنطقه وكيف صار مدير منطقه؟؟؟؟
السالفه كالتالي :
الولد ترقى لمدير فرع وخلال فترت إدارته لفرعه جابو له واحد من الإقامات الي عندهم طبعاً الأجانب يفرشون لك الأرض ورد من البكش اللي عندهم, خوينا مسكين إستأمن أبو إقامه وسلمه مفاتيح الخزنه ومرت 7 شهور زي العسل لخوينا وبعد 7 شهور صارت الطامه إنسرق من الخزنه مبلغ 60000 ألف ريال طبعا خوينا ماسلم الأجنبي المفاتيح بورق رسمي مسلمه المفاتح حبي, الحين جابوه قالوله إما تسدد المبلغ أو تمشي على الي نبي طبعاً الولد سلم حياته لهم وصار والكرامه لكم( كلب لهم) والي يبونه يسويه لدرجه أني أنا وهو أنا الي صداقتنا يضرب فيها المثل وكنت أعتبره مثل أخوي صار يدور علي الأخطاء لدرجه أمه في مره من المرات صابني إلتهاب في اللوز وإرتفاع في درجه الحراره وكلمته وعلمته بمرضي وأن الطبيب أعطاني إجازه طبيه و أكتشف عند رجوعي للعمل بإنزال مرتبتي من مدير فرع لمشرف وإنزال الراتب أيضاً ( طبعاً يحسبونها فوضى يسوون الي يبونه) المهم رجعت لعملي وكأن شي لم يحدث وبعدها بفتره دخلت المستشفى لإستإصال اللوز طبعاً المساعد الأجنبي يحل محلي في غيابي, وعند رجوعي للعمل وجدت العمل متلخبط والموظفين يتذمرون وأن سعادة النائب لا يحظر للعمل غير ساعتين في اليوم!!!!!!
وعند سؤالي للمؤقر مدير المنطقه قال لي أنا ما أتدخل في أي شي يمكن هم متفقين على كذا؟؟
مع العلم بأن مدير المنطقه المؤقر كان يتدخل في كل صغيره وكبيره في الفرع مما يؤدي في أكثر الأوقات لمشاده كلاميه بيني وبين من كنت أحسبه أخي التي لم تنجبه أمي, وكل هذا من وراء هؤلاء المتجنسين الذين لا يريدون لمن هوا سعودي بالأصل الإستمرار معهم.
والله ثم والله إني صابر على المر والذل على شان زوجتي وبنتي وعلى شان أصرف عليهم ولا أحتاج لأحد..
لاحول ولاقوه إلابالله
ملاحظه هاااااااامه:
1- في أحد الإجتماعات قال صاحب الشركه من ينتمي لبلده التي ينتمي لها سواء متجنس أو يحمل إقامه سوف لن يرى يوم أسود في حياته؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟
2-لم أحصل على زياده في الراتب غير مره واحده قبل 3 سنوات مبلغ 200 ريال.
3-يخصم من راتبي مبلغ 1500 ريال وذلك قصد قرض الزواج..
4- الباقي من الراتب 2500 ريال منها 2000 ريال إجار شقه (زي ماتعرفون الإجار غالي في جده) ويبقى 500 ريال والحمد لله على كل شي..
أخيراً هذه القصه قصتي وهي حقيقه مره وليست من نسج الخيال, ومن يرا أنني لى حق فل ينصفني ومن يرا أنني على خظاء فليوجهني للطريق الصحيح..
والله الهادي
18-11-2009, 06:53 PM
العرض العادي
