[align=center]الله يعينك ياخوي ويرزقك بالوظيفه اللي احسن منها[/align]

وينكم يا شباب الرياض

أقول خلي عنكم بس والله ما عندكم سالفة وإللي عند جدتي أحسن ما عندكم ، وخلو الهرج والمرج اللي إنتم فيه ، هذا اللي خلى الأجانب يتفوقوا علينا إنا إحنا راعيين سواف بس ، وبس نبغى سالفة نسولفها وحنا نلعب بالوت في الشيشة ولا بنية فاضية ما عندها سالفه غير القيل والقال ، أنا مدير موارد بشرية من 20 سنة إشتغلت في 7 شركات وشفت بعيني ما حدا قلي التسيب اللي إحنا فيه لا مبالاة بالدوام وغياب 24 ساعة وأعذار سخيفة بس بدنا نقرأ جريدة وناكل تميس ونمسك ورقة وإنظل إنوقع عليها طول اليوم ونعمل حالنا مدراء من القهوجي إلى المدير العام وشايفين حالنا و 90% منا بدون شهادات في القطاع الخاص وياليت وقفت السالفة على كذا بعد ما نبي نتعلم ولا نبي نفهم بس نبي يجينا الراتب آخر الشهر ونزعل إذا فيه خصومات مع أنه طول الشهر مقضيينها سلف منا ومناك ، والله كلمة حق أقولها مثل ما في أجانب سيئيين في أجانب عندهم أخلاق ويبونا نتعلم بس العيب فينا حنا ، بعدين "كما تكونوا يولى عليكم" ليش ما تشوفون إخوانا في دول الخليج الثانية ليش ما يشكون من الأجانب بالعكس يحترموهم ويقدروهم آخر تقدير ، وبعدين الأخت إللي تقول عندها أجنبية بس وظيفتها إنها "تغنج" أقول ترى العيب مو فيها العيب فينا لأنه صاحب المؤسسة ولد الديرة هو اللي يبيها تغنج يعني العيب فينا يا ولاد الديرة ما هو بهذه الأجنبية ، أنا أقول أنه الأجانب ما هم أحسن منا في الشهادات بس أقول إنهم يحترمون الشغله اللي يشتغلوها ويحترمون النظام وهذا اللي ينقصنا وهذا لا يعني إنه ما في ظلم عند بعض الأشخاص بس يا جماعة أصحاب الشركات والمؤسسات كلهم سعوديين ليه ما يبون يوظفون ولد الديرة لأنهم عارفين ويش علتنا ، خلينا نحترم العمل والنظام ونلتزم وبعدين خلينا نطالب بكل شي ونطالب بالسعودة 100% في كل قطاعات البلد.
والسلام ،،،

^
^
^
بدنا ؟! واضح أن العرق مأثر فيك ... ماعلينا !!
الكل عارف أن الاجانب " يغارون" و الود ودهم أن السعودين يصيرون طول عمرهم " عجازين ولايشتغلون" حتى مانضايقهم ولا ننافسهم !!
اشتغلت في مركز عناية بالشعر و البشره صاحبة المركز لبنانيه وزوجها سعودي ، موظفه لك اجنبيات " لبنانيات/ اردنيات / سوريات /يمنيات / وفلبينيات " و السعوديات ما يثبتون ابد عندها ليش ؟ لان تعطيهم راتب قليل و في تقسيم العمولة يعطون الاجانب اكثر من عمولة السعودية ؟ و السبب انتم ماتشتغلون مع ان السعودية تكرف وتشتغل اكثر من شغله لكن الاجنبيه تلعب بيدينها ورجولها ولا جاء وقت جيت المديرة صلحت نفسها انها تشتغل وهي من جنبها ؟؟
يوم توزيع العمولة كلهم اخذوا الف الا انا ؟ سالت البنات هل انا اشتغل قالوا اي و الله انتِ شغيله و الكل معترف ومقر بشغلك ! طيب دامني مشتغله ليش ما عطوني على الاقل مثل ماعطوكم ؟!

يالله طلعت من عندهم وارتحت لا دوام سنع ولا تعامل كويس ولا شيء ، إن شاء الله ربي يعوضني بافضل منهم

العضوة إبتسمي دوما ،، ما شاء الله وتطنزين بعد ،، الله يالدنيا

^
^

حمدان
ومسوي اني انا من عيال الديره واضحه من لهجتك انك من بلاد الشام يعني بالعربي انت اجنبي ونظرتك
لنا مثل نظرة غيرك من الاجانب اللي ماكلين خيرات هالبلد

وكلامك كله مردود عليك فيه شباب عنده طموح ويبي فرصه علشان يثبت وجوده
ويطردك انت وغيرك من هالمناصب اللي ما سكينها

لاحول ولاقوة الا بالله ..

العضو : الملحووس
والعضو : جادة جدا
شاكر لكم التعليقات الطيبة وللمعلومية أنا سعودي مثلي مثلكم ومن قبيلة السرحان الجوف وهذا للإيضاح ، بس إللي محسفني إنه ماهمكم المضمون همكم الهرج والمرج
وشكراً على التعليق.