15-09-2010, 01:33 AM
|
|
Guest
|
|
تاريخ التسجيل: Sep 2010
الدولة: تحت السماء ..وفوق الأرض ..!
المشاركات: 2,725
معدل تقييم المستوى: 0
|
|
لن يكتمل الموضوع إلا بقراءة هذا الفاصل،والبريك الإعلاني،
واللي هو عبارة عن ذكر بعض أخطاء حريمنا فالبيت ولكن بشكل جديد ومميز،،،،،،،،،،،
لن أقول أيها الحريم أنتم خلقتوا من ضلع أعوج،ولن أقول قال الله تعالى(إن كيدكن عظيم)،أو إنكم ناقصات عقل ودين،ومن هذا الكلام،لا لا .. لن أتناول الموضوع بهذا الشكل ،،أو من هذا الجانب ..............
ولكن سأتناوله بشكل تعليق على المشاهد التي ذكرت في الرد الأول،وسأحاول أن أضع مقارنة بسيطة جدا،وبشكل خاااص،بين مايحدث من رومانسية في المشاهد الأولى وبين مايحدث في بعض المنازل من مشاهد تخالفها تماما،وأتمنى أن يعجكم ياحلوووين:
واللي حرمته ماتطبق مشاهد الرد الأول،وكانت من أصحاب النوع اللي سأذكره في هذا الرد،فالحل هو(إخربها وتزوج عليها)هههههههههه
سموه فلم أو مسلسل أو مسرحيه،سموه بكيفكم،كذا الموضوع جاء معي وبهاالشكل .............
التعليق على المشهد الأول:
بالنسبه للزوجه،(زوجة أيه)،،،،،،، خلونا نتكلم بالعامية أحسن،الموضوع ما يباله إلا عاميه ..................
بالنسبه للحرمه اللي تصحي زوجها من النوم،وهي حاطه مويه بارده وعطر .. الـــــلـــــه يـــــــــــــــــــاســـــــــــــــــــــلالالال الامممم..
أكيد راح يصحى الرجال وهو مبسوط على الآخر،وهو مبتسم فوجه حرمته إبتسامه عريضه وجميلة،، >>تصلح في دعاية سقنل تو<<هههههههه
ويوم يصحى بهذه الطريقة الحلوة،ويلقى الفطور اللي يحبه قلبك قدامه، ويفطر ويتقهوا ويمشي العمل،يروح وهو في قمة نشاااطه،وبذي الطريقة تخلينا الحرمة نقوول،
>>الله فعلا الزواج راحة نفسية<<
على ذكر هذا الموقف،بناءا عليه راح يبدأ عندي المشهد الأول:وهل فعلا يحصل عندنا في بعض البيوت هالشيء،خلوونا نتابع ونشوف:
بداية المشهد الأول:
عندنا بعض الحريم الله يهديهم،ولا حظوا إني قولت البعض وماقولت كلهم،كيف تقوم رجالها من النوم،وهي حاطه عطر ههههه>> مستحيل<<،ومويه بارده وتصحيه بكل هدوء>>حاشا وكلا<<
تجيك تقوم الرجال وهي دوبها قايمه من النوم ويمكن ماغسلت وجهها كمان ههههه،ولا سوت الفطور ولا أي حاجه،وشوشتها منفوشه،(على بالها في مسابقة أسبوع الشجرة)ههههههههه
وتقوم الرجال والشوشه طايره فوق هاما السحب هههههه وعادي عندها،مع إن الرجال لو فتح عيونه، وشاف شوشتها إحتمال ينحاش من البيت من الفجعه،ويمكن يسمي ويقرأ المعوذات وآية الكرسي وأواخر سورة البقرة>>وطبعا على حسب حجم الشوشه لأنها تختلف من حرمه للثانيه<<هههههههه
وإحتمال لو نولع فشوشتها حريقه،يقعد الدفاع المدني أسبوع وهو يطفي فيها من كبرها هههههههه
المهم ولابسه قميص له ثلاث أيام أو أربعه أو أسبوع وهي ما غيرته ههههه، وإحتمال لو يشمه الرجال يفقد الذاكره ههههههه،>> قال عطر قال<<ههههه
وين الرومانسية،ووين الرقه،ووين الحنان،ووين الأنوثة،والله ماندري هههههه
وإذا جات تقومه، بتقومه بأسلوب راقي>>معليش<<إلا بالعكس تقومه بدون نفس،وهي مكشره عن أنيابها>>قلب نمر ماهي حرمة<<ههههه،
ثم ساعه فوق راسه قوووم ،، قووووووم ،،قوووووم،قوووم دوااام،دواااام دوااااااام، وراااااك دوااااام ورااك دوااام >>أقوى من المقطع اللي فالجوال عرفتووه<<هههههههه
إلين ترجه وترفع ضغطه،وبيقوم أكيد طفشان قافله معاه،وماوده يكلم أحد،حتى لو كان نايم وهو مبسوط .........
المهم ماتصدق إن الرجاال يفتح عيونه،إلا وترجع تنخمد مره ثانية>>ولا فطور للرجال ولا شي،والله لايهينه يدور أقرب كافتيريا على يده اليمين ههههه
تخيلوا معي رجل متزوج يروح العمل بدون فطور>>مسكين<<،وطبعا وهو خارج يمر من جنبها وهو زعلان وهي فسابع نووومة،ويقوول فنفسه>>نومة أهل الكهف إنشاءالله<<ههههههه
المشهد الثاني:
بالنسبه للمشهد اللي بخصوص الحرمه اللي تقول لرجالها إذا خرجت مافي كهرباء، وإذا جيت ينور البيت >>قمة الأخلاق والرومانسيبة بصراحة<<
بداية المشهد الثاني:
مثلا يكون الرجال فهذا اليوم معزوم على العشاء،ويصلي العشاء فالمسجد،ويجي البيت عشان يلبس ويشخص ويروح العشاء،المهم لبس الرجال كل الملابس ويوم جاء دور الشماغ،وسأل الأخت>>طبعا وهي جالسه تتفرج على مسلسل فالتلفزيون<<
قال:حبيتي وين الشماغ،جاوبت وهي ماتطالع فيه أصلا،ولا تتنازل تطالع فيه،وعيونها فالتلفزيون وقالت بكل بروود وإستهتار:راحت الخدامه تكويه وتجي،يعني يتأخر الرجال على الريجيل وعلى الناس اللي عازمينه وهي ماخذه الموضوع ببرود ولا همها شي،والريجيل ما يحبون يروحون عزيمه على وقت العشاء عيب وعشان لا ينحرج وعشان لايقولون الناس جاي يدور الأكل بس .........
والمصيبه إن الرجال معطيها خبر إن عنده عشاء قبلها بيومين أو بيوم أو بأسبوع، ويجي والملابس غير جاهزة،(فعلا قمة الإهمال والإستهتار)ومافي ذرة إهتمام بالزوج....
المهم زعل الرجال من هالموقف مره،لكن كتمها فصدره وبلعها لأنه عاقل،وإنتظر برضاه ولا غصبا عنه الين جات الشغالة ولبس شماغه وتتعطر وتضبط .......
هنا وقفه:الخدامه تجيب للرجال الشماغ وباقي الملابس والأغراض،والزوجة جالسة وحاطة رجل على رجل>>والله فعلا مشكله<<
وبدل ماتقوم تهز طولها وتجيب ملابس رجالها والعطر بنفسها،>>طبعا سابع المستحيلات<<،إلا تقول:أنا بنفسي أقوم أجيب ملابسه وأقرب العطر، ليه؟هو ورع صغير،ولا يدينه مكسره،يقوم الله لايهينه يأخذ أغراضه بنفسه ويلبس ولا عساه مالبس،(أسلوب غريب)هههههههه
وياويله بعد هذا كله لو يفتح فمه بكلمه،ولو حاول يعاتبها على تصرفها بكلمة،تقول:أقوول لاتكثر كلام أنا ماني لعبه عندك وإلا خدامة لك،،،،،،،
والله الريجيل يدرون إنكم ما أنتم لعبه،لأنهم يوم إتزوجوكم،جابوكم من بيت أبوكم ولا جابوكم من محلات باربي للألعاب والعرايس هههه،>> خلاص إرتحتوو<<هههههه
وياويله وياحره>>(ياحره:كلمه بدوية بحته تعني الويل له)<<هههههههه
لو فكر مجرد تفكير إنه يهاوشها على تصرفها،ماراح تسكت له،وبترد الكلمه بعشرة،وتوريه نجوم الليل في عز الظهر،وتقول:لو قال أي شي ماراح أقعد له فالبيت لحظه وحدة>>الأخت متأثره بالمسلسلات شايفه مسلسل الظهر،وتعيش الدور فالليل<<هههههههه،وراح أفض بيت أهلي،>>عادي تفض حتى لو كان على سبب تافه<<لأن بعض حريم وبنات اليوم،أصلا شنطة ملابسها اللي جابتها أول ماتزوجت زي ماهي مقفله وجاهزه دايم لأنها إحتمال تفض على أي سبب حتى لو كان بسيط ومايسوى،
وترى بعض بنات اليوم ماخذين الشغله حلا،وإنها تفض من بيت رجالها لو لسبب حقير موضة،وبعض البنات دخلت موسوعة جينيس للأرقام القياسيه من كثر ما فضت ورجعت،حتى لو بدون سبب يستاهل،والمفروض يكرمونها ويعطونها جائزه على هذا الإنجاز الكبير ,,(الحــــمـــــدلله والــشــكــر)..
وفوق ذا كله تقول ليه أقعد عنده,أروح بيت أبوي معززه مكرمه،ولا يجي يهاوشني أو يفتح فمه عليه بحرف، يعني(شين وقوي عين)،غلطانه وعينها قويه،(وين العقل،وين الحكمه،وين الصبر)>>معدووومه مافي كلام<<,,,,,,,
وأظن بعض بنات هاليومين مطبقين نظرية مدربين كرة القدم،لأن النادي إذا تعاقد مع مدرب،يكون المدرب مجهز حقائبه للسفر من أول يوم، لأن النادي إحتمال يلغي عقده في أي لحظه،>>فا بعض البنات مجهزين شنطهم على طول،،،،،،،،،،،،،
وأنا طبعا ما أبغى أتعمق في موضوع البنات اللي يفضون عشان أسباب تافهه،لأنه موضوع لحاله يباله كلام لوحده..................
طبعا الرجال المغلوب على أمره لبس وخلص وهو زعلان بس ماهو مبين الزعل،ويوم وصل عند الباب إتذكرت أختنا فالله إنها بتروح السوق،وتقوم بسرعه ماشيه 160،أمن الطرق ما يلحقها هههه،عشان تلحقه وتطلب فلوس قبل مايروح،ونادت عليه ووقف الرجال قال يمكن بتقولي كلمه حلوه قبل ما أمشي
>>كلمه حلوه مالت عليك<<ههههه
وقف قالها:هلا،جاوبت على طول وبدون مقدمات أعطينا فلوس عشان،وقبل ماتكمل قلها الرجال(ولاتنسون إنه زعلان من قصة الشماغ وواصله معاه)ماعندي فلوس الحين أو إذا جيت أعطيك أو بعدين،وشي طبيعي حتى لو كان من أول بيعطيها لازم يغير رأيه ويبطل لأنها قافله معاه منها من قبل،
وبدل لا تسكت الغبية هههههه>>معليش<< وتمتص غضب الرجال،إلا بالعكس تزيد الطين بله،وتسمعه كلام يرفع الضغط ويجيب السكر،
مثلا:ياخي أنا عمري ما طلبتك وأعطيتني>>وهي ماراح الراتب كله أو ثلاث أرباعه إلا بسبب طلباتها اللي ما تخلص<<
وما جابله الفقر إلا هي،ونسيت هذا كله وجحدت الرجال في ثواني>>حسبي الله عيهم<<ههههه،وكلمه منها وكلمه منه إلين تقوم الهوشه،،،،،
طيب بعد اللي صار راح تقوله الأخت:إذا جيت ينور البيت هههههه>> هيهات<<لأن كرامتها ما تسمحلها هههههه،راح تقوله:وأول كلمه تجي على لسانها(إنقلع يالبخيل)،وإذا كان دمها خفيف راح تقول:
>>روح إن شاءالله تصدم في أقرب عامود نور ونزورك فالمستشفى<<هههههههه،ونزل الرجال مع الدرج طفشان زهقان واصل حده،وهو يدربي فراسه ههههه،لكن أمانة وش شعوره،هل خرج من البيت وهو يتمنى يجي بسرعه ههههههههه،إلا نزل وهو يقول فنفسه
>>الله يأخذك عشان أرتاح منك للأبد وأنفك منك ومن طلباتك...........
طيب حريمنا الزينات وين الكلام الحلو،للرجال وهو خارج من البيت،مافي كلمتين بس لو على الطاير ههههه،وإلا أحلى بوووسه على كفك وتنفخيها عليه،
ياحريمنا اللي ماتعرف تقول شي،ومرة خبله ههههه أقل حاجه تقول: للرجال وهوخارج>>تروح وتجي بالسلامه ياقلبي وماراح أنام الين تجي<<
(حتى لو بالكذب،وحتى لو إنها بتنخمد أول ما يجيها النوم ولا راح تنتظر دقيقه)وإحنا عارفين ذا الشيء أصلا ههههه،لكن مجرد كلمتين حلوه،ولو من باب المجامله،تراها تأثر على الرجال وتخليه فعلا يتمنى يرجع البيت فسرع وقت،فخليكم ذكيات شوي إلين متى وأنتم أغبياء ههههههه،آسف هههههه،بس أنتم إضطريتووني إني أهزئكم وعاد أنتم تحملوني شوي هههههه،
يعني صعبه الكلمتين اللي قولتها؟أكيد لا،قولوها وماراح تخسرون حاجه,وراح تكسبون الكثير،وراح تتعودون على الأسلوب والكلام الحلو مع الأيام إذا حاولتوا.....
بعدين ياحريمنا الحب في(التعامل).. مــوووو،والله أنا أحبه والله أنا أموت عليه،والتعامل زي الزفت، لاغلط وأكبر غلط .....يعني خليه يحس من خلال تعاملك معاه إنك تحبينه فعلا،
فمعامله بحب وكلام حلو،كذا إكتملت المعادله لتملكين قلب الرجل،بأسهل الطرق،وبإختصار تحبينه(عامليه بحب فقط)..........
المشهد الثالث:
بالنسبه للحرمه اللي كل ماراح رجالها مع أصحابه،تحط فأغراضه رسالة حب وغرام،،،،،،
أما من ناحيتي أنا،إن قعدت كل ما أروح وأجي مع الريجيل وهي حاطه رساله،>>جيت ودبجتها<<أوريها حب وما حب،ههههههههه
حب إذا جيت قدام وجهها،أما تفضحني مع الريجيل لا،( أنـــا ولــدك يــابـــابــا )ههههههه،وأصلا الحركات هاذي ماتنفع في مجتمعاتنا،وممكن يكون التعويض عن هذا الشي برسالة جوال حلوه وغزليه،ولا رسالة وسائط فيها صوةرومانسية،لأنا تطورنا شوي،،،،،،،،،،،،،،
نصيحة على تهــديـــد هههههههه:
فأنا أنصح كل حرمه،تتمسك برجالها وتعامله زين،مادام إن الموضوع فيدها للحين،وقبل ما تندم،وقبل ما يلومها أحد ويقولها:الرجال كان بين يدينك وأنتي اللي فرطتي فيه،،،،
فا شغلوا عقولكم، و الله الله بالتعامل والكلام الزين،وعشان الرجال لاتروح عينه كذه ولا كذه،واللي حرمته ماتطبق الكلام اللي ذكرناه ماعليه فيها:
ويخربهاويتزوج، عليها الثانية بأي شكل ولووون هههههههه .........................
أخيرا أذكر حريمنا وبناتنا بحديث سيد الخلق الرسول صلى الله عليه وسلم((لو كنت آمرا أحد أن يسجد لأحد,لأمرت الزوجه أن تسجد لزوجها))....
وسامحوني،،ياحريمنا،،ويا بناتنا،،وياأخواتنا،،
ملاحظة:بالنسبه لكلامي لاينطبق على الجميع،لكن على البعض،لأن هناك حريم وبنات زي ما يقولون(تحطهم على الجرح يبرأ)للأمانة
|
يازوجاتنا خليكم سنعات .. وإلا الزوجه الثانيه موجوده(تهديد)هههه
العرض العادي
