عسكر الدفاع المدني العموم يخش قبل 16/10

ولد مناحي · #1 (**permalink**) 15-09-2010, 03:47 AM

السلام عليكم ورحمة الله وبركاته

كل عــــــاآآآم وانتم بخير وصحه وسلامه وان شاء الله ماشوف احد السنه الجايه بالمنتدى الا وهو متوظف ويرزز يدور العرس قوووول امين

اولاً .... انا ياشباب التدريب بالدمام ومادري وين مركز التدريب الي بالدمام عشان احضر به دلوني به ياخوان الله يوفقكم ..ويسهل اموركم ..

ثانياً ... ياشباب بخصوص لما نحضر يوم 16/10 السبت اول يوم الساعه 6 صباحا

--انا قالي واحد من اخوياي انوه تروح بس ياخذون طولك وزنك - ثم مقابله شخصيه مع الضباط ؟

وبعد المقابله يحدد لك موعد لتدريب سوا كنت غواص او سائق وتدرب ..
هو صاز الولد او محطها علي افيدوني وكذلك ليستفيد العموم ..

المهم بالفقره رقم واحد // اذا صاز الولد وش المقابله الي راح تصير بيني وبين الضباط الاسئله وشي وهكذاا الي عنده خلفيه يزودناا ...

ثالثا ,,,,

ياشباب بخصوص اللبس نروح مرسمين ( شماغ وعقال ) او بدله رياضيه ...

رابعاًً ....

ياشباب بخصوص الغواصين افيدونااا وش الاسئله الي نسئل بها اثناء بدا التدريب يعني هل يقول اللبس حقت الغوص الاكسجين او كيف الطريقه مفهمونااا ..

والشي الاخير ....

الله يوفقكم ويوفقنا ويرزق كل شاب عاطل الوظيفه .....

زهراني مغزولن · #2 (**permalink**) 15-09-2010, 04:12 AM

يــــــآآآب يووفقكم جميعاً ..

يجي من يفيدك ..

الشماال · #3 (**permalink**) 15-09-2010, 04:31 AM

عليكم السلام ورحمة الله وبركاته

كلام خويك في متمه ياطويل العمر والي قال لك نفس الي حصل معي بمركز تديب حائل وأنا ولله الحمدل بالدورهـ الحين ....

طبعا تجي بدله رياضيه كامله يعني حتى الكندره تلبس اذا جيت لهم يقيسون الوزن والطول وتطلع للضباط وكل واحد ونصيبه من الاسئله انا اعطيك الاسئله الي جتن وعسى الله يسهل عليك والمسلمين

طبعا انا غواص

السؤال الاول قالي وش مخاطر الغوص عاد انا قمت اجاوب من راسي والسوال الثاني كم رقم الدفاع المدني
والسؤال الثالث وش هي عملت الاردن <<< سؤال شااطف ههههههههههههههههه

وعسى الله يوفقك ويسهل عليكم وادعولي بالتعيين الزين والتسهيل بالدورهـ

C.N.E · #4 (**permalink**) 15-09-2010, 04:32 AM

انا نفس تخصصك لكن مقدم على الرياض

يا ليت واحد يجي يفيدنا !.

لأسلمي · #5 (**permalink**) 15-09-2010, 07:12 AM

انا اداري مقدم على الرياض ياليت تفيدوني ...

الشماال · #6 (**permalink**) 15-09-2010, 07:44 AM

صباح الخير للجميع

يالأسلمي موعدكم إن شاء الله عندنا بمعهد الدفاع المدني الله يوفقك وعقبال ماتدخل الدورهـ

عاطل من فترة · #7 (**permalink**) 15-09-2010, 08:15 AM

موقعهم قريب من اسكان الدمام على طريق الدمام الخبر السريع

قائد اللواء · #8 (**permalink**) 15-09-2010, 09:59 AM

موفق بإذن الله ... لك مني أجمل تحية .

عبادي الروقي · #9 (**permalink**) 15-09-2010, 05:21 PM

[align=center]
السلام عليكم
ياجماعة الخير ، مقابلتي في الرياض يوم السبت 16 / 10
بس ماعرف وين المركز اللي اروح له.؟
اتمنى واحد يدلني عليه وين يقع بالظبط يحبذ يرسم لي كروكي هع
ثاني شىء/ وش يسألوني عنه بالمقابله غير الوزن والطول.؟
يختبروني قدامهم ع الغوص والاكسجين.؟
وقبل كل شىء وش اجيب معي غير الكشف الطبي؟

ساعدوني الله يجزاكم خيييييير
[/align]