السلام عليكم

ياشباب اخوكم محتاج دعمكم ونصحكم

حقيقة برأسي مشروع المعدات الثقيلة

ولكن لاني جديد بالشغله ولا عندي خبره

اتمنى تفيدوني

عن طريقة عمل القلاب و أيهم افضل القلاب العادي او قلاب تريله

وطريقة الشغل كيف ابحث عنها ؟ هل يكفي اني اوقف المعده بالموقف والي يبي الشغل يجي يطلبه ؟

ايضا القلاب لازم يكون معه شيول عشان يشتغل او مايأثر ؟؟

المعداات الثقيلة وما ادراك ما المعدات الثقيلة
اعرف واحد دخل بتريلة وخلال اربع سنوات طلع بتريلات ومستخلصات ب30 مليون ريال سعودي
الحين بتقرا كلامي وتحس في موية فراسك قاعدة تسيل ما تنلام

بالتوفيق بس حبيت احمسك

فيه عضو هنا مختص فيها بس ناسيه وله موضوع عنها

أنا أفكر في هذا المشروع من زمان لكن ماني عارف منين أبدأ

الله يوفق من يفيدنا

اخوي فيه موقع اكافي متخصص فالنقل الثقيل واسال هناك عن الي تبي
وفيه عضو اسمه "رفحاوووي" موجود فالمنتدى هنا وهناك باالاسم هذا

هلا أخوي أحمد
أنا مثلك المشروع هذا شاغلن بالي
لكن ماعندي خبرة فيه ,,, مجرد اهتمام بسس
حصلت موقع أسمه أكافي راح تلقى فيه الي تحتاجه عن المعدات الثقيلة
وخلال أطلاعي عليه حسيت أن الي ماراح تبلش بأجاره القلاب والبوكلين
بس البوكلين غااالي أما القلاب فبتحصل بــ 150 الف
لكن المشكلة الي شفتها هي الســــــــــواااااق أخاف يعدم علي السيارة
((فيه بوكلين قالب ومرمي له شهر حول بيتنا بسبة غشامة سواقه))
بس يبقى مشرووووع نااااجح ,,, بإذن الله بدخل فيه بعد ماخلص دراستي
بالتوفيق

تجارة المعدات الثقيله تجاره ناجحه بكل المقاييس
بس المشكله زي ماقالوا الأخوان وين تحصل سائق أمين
لانه هو الي بيكون شغال على المعدهـ
فممكن يهتم فيها وممكن يهملها
أنا أعرف واحد من الشباب شغال فيها
مو بس هنا لا بالأمارات والبحرين
وتدخل لها أرباح خياليه بالشهر
بس زي ماقلنا هي اسعارها غاليه
ووين السواق الي تضمنه
وبالتوفيق للأخوان

::
::
::