السلام عليكم ورحمة الله وبركاته

كل عام وانتم بالف خير

انا عندي مشكلة تضايقني كثير بس اتناساها عشان مااضيق صدري

كل الناس عندهم هوايات الا انا اللي يعرف يرسم واللي يحب يقرا واللي واللي.......

الا انا ماعرف شي ولا عندي موهبة لشي حتى طبخ ماحبه مع اني بنوته

جربت ارسم طفشت وجربت اقرا بعد طفشت يعني مالقيت متعة في ولا شي

الله يوفقه ويسعده ويحقق له اللي يبي اللي يلقا لي حل

تقبلوا تحياتي

لا والله ماخذيته بجديه بالعكس كنت ابي ارسم يمكن تصير عندي موهبة لكن للاسف

حتى تصفح الانترنت اطفش منها

الحين فيه اشياء اقدر اتعلمها من النت مثلا اللغة الانجللش انا احبها وودي اتعلمها بس طفشت يوم جربت

اتعلمها من النت وحتى من كتب طفشت

يااااااااااربي الله يعيني ويكتشف السر الدفين هذا اذا فيه سر

عزيزتي .. أنتي كم عمرك , وبأي مستوى دراسي ؟!
هل مره أحسستي بميول تجاه أي شيء في حياتك ؟ مثلاً .. تعرفين تعبرين وتتكلمين افضل من أسنانك ( اللي بعمرك أو حولك ) أو أحسستي بأنك تحبين تنسيق الزهور أو حتى تصفيف الشعر وعمل المكياج أو أي شيء مهما كان هذا الشيء بسيط لكن حسيت بميول تجاهه . قد تكون لديك موهبة في شيء مختلف و بسيط بس يحتاج أنك تركزين على نفسك اكثر عشان تعرفينه .
والملل لا يعني أنك غير موهوبة في الشيء اللي تسوينه الملل هو مجرد حالة نفسية مؤقته و لها أسباب لكن الموهبة قدرة لديك يمكن أن تنميها وتستخدمينها وتبدعين فيها .
مثلاً .. أنا وبصراحه من يوم أني صغيرة وأنا أحب الكمبيوتر وما غير أطقطق في أزرار التلفون على أساس اتخيل انه كمبيوتر وبموت ادخل تخصص حاسب لكن يوم صار عندي كمبيوتر رغم أني أحبه إلا أني أمل منه لكني أجيد أستخدامه وأستخدام كثير من البرامج فيه .

يعطيك العآفيه ..موفق خير بإذن الله ..@
بس حآول ترى أغلب الناس كذا تمل من سواء القراءه او الرسم او أو أو الخ ..بس انت حاول ..كما قال أحد العلماء تكون كُلفه ثم تكون أُلفه ..يعني اول شي تعب ثم تكون مفيده ..

انا عمري 23 بكالريوس محاسبة طبعا بنوته مو ولد خيتو دموح وردة ماعندي ولا شي من اللي قلتي

صح احب الورد مكياج وشعر لا ماحب يعني كل شي امل منه يعني مدري وش الحل

احب الانجلش بس هذي مو هواية يعني ابي شي اذا طفشت استمتع فيه مالقيت

ادري طفشتكم معاي بس مشكووووووووورين ع مروركم

والله يا اختي انا زيك بالضبط .. انا اتقن الرسم والخط العربي بمهاره بس اول ما امسك الفرشه امل واطفش ولاعاد اقرب صوبها ,, اشياء كثير اتقن اسويها بس الملل عائق
وهذا نفس اللي لاحظته من حالتك يمكن انك تتقني اشياء كثيرة بس الملل والطفش هو اللي مسبب العقدة في المنشار ..
وهذا يا اختي استعيني بهزيمته بأدعيه مثل (اللهم اني اعوذ بك من الهم والغم , والحزن والعجز والكسل..)
(اللهم الهمني رشدي, وقني شر نفسي )..
واسأل الله ان يخلصنا من هذا الملل والكسل ويبدله نشاطاً وسروراً وطاقة ..

نبع النقاء انتي ع الاقل تتقنين شي ويمكن فترة وبترجعين تستمتعين فيها بس انا ولا شي

يعني لارسم ولا قراءة ولا اي شي

طيب ابي احد يقولي وش المواهب اللي ممكن يمتلكها الانسان وتعتبر موهبة

يمكن تصير عندي وانا اعتبرها شي عاتي؟؟

: )


أحسبكِ ولد ترى.


طيب...إنتِ حاولي تلاقي الشيء الي أول ماتمسكيه تحسي نفسك تبدعي فيه..لأن الي تبدعي فيه تلاقي هو الي يشغلكِ لو مليتي..

+

جربتي تستمتعي ببرامج التصميم؟

اول شي رحتو تحولون تسعدونها وبعدين رحتو تحققون معها عمرك وشسمك ههههه

اقول يالغاليه وش هوايته بسسس استريحي من جد يعني عندك هوايه تبين تبدعين فيها بهالعمر الي بعمرك هواياتهم يربون عيالهم ونتي للحين تدورين مواهبك هههههههههه

الله يشفي الجميع