مشروعين مربحين وبمبلغ بسيط

حلاتي ندرة وجودي · #1 (**permalink**) 16-09-2010, 04:27 AM

.,,(* أعضاء منتدى البطالة *)):,,.

السلام عليكم ورحمة الله وبركاته وبعد:

إحنا الآن في نهاية الاجازة الصيفية والمدارس على الابواب .

عندي لكم مشروعين مربحين وممتازين وبتكلفته بسيطة واتمنى انكم تستفيدون جميعاً .

المشروع الاول :

(( المقاصف المدرسية ))

ترا أنا اشتغلت فيه واستأجرت مقصف مدرسة ابتدائية بمبلغ ( 1500 ) ريال شهري .
ولله الحمد اطلع شهري فائدة لي صافية من غير الايجار ومن غير رأس المال ، أطلع من ( 1500 ) إلى ( 2000 ) ريال شهري .
وأحياناً توصل إلى ( 3000 ) ريال في بعض الاشهر .

ما هي ميزة البيع في المقاصف ؟

1- وقت الشغل فيها بسيط لا يتجاوز نصف ساعة .
2- البسكويت اللي اشتريه من المحلات بنص ريال ابيعه بالمقصف بريال .
3- مشروع حلو وسهل وبمبلغ رمزي .

المشروع الثاني :

(( النقل المدرسي ))

اللي عنده سيارة عائلية يسوي اعلان بأوراق صغيرة انه ينقل طلاب بسعر رمزي بالشهر .
وهذي أنا شغال فيها واشتريت جمس موديل ( 84 ) بمبلغ ( 5000 ) ريال . وحطيت اعلان بالمدرسة اللي قريبة حولنـا نقل طلاب خاص و صارو معاي تقريب ( 35 ) طالب من المرحلة الابتدائية فقط وبسعر رمزي وهو ( 100 ) ريال لكل طالب . ومجموعهم ( 3500 ) ريال شهري .

إلى من يقرأ موضوعي :

بحكي لكم قصي مع البطالة :

تخرجت من الثانوية العامة وقدمت على عدة وظائف قطاعات عسكرية ومدنية وقطاع خاص وما لقيت أي شي . اقسم لكم بالله جلست بعد ان تخرجت من الثانوية سبع سنوات وانا عاطل . أسم لكم بالله مرت علي أوقات ما املك ريال واحد . ورب البيت يمر شهر وشهرين وثلاثة اشهر ما املك ريال وحالتنا مرررررره زفت تحت الحديدة وانا اكبر اخواني .
بعد عنا سبع سنوات الله رزقني بوظيفة كاتب بمدرسة ابتدائية براتب ( 1500 ) ريال شهري واشتريت سيارة وصرت انقل طلاب ومسكت مقصف المدرسة اللي انا متوظف فيها .
انا الحين يجيني دخل شهري 1500 + 2000 + 3500 = 7000 ريال شهري تقريباً .

ولله الحمد والشكر ولله الحمد والشكر ولله الحمد والشكر

صار لي متوظف تقريب سنتين وخلال هالستنين اشريت ثلاث سيارات بعد ما كنت تحت الحديدة وشغال بالمواشي ( الخرفان ) واشتري وابيع فيها وصرت اصرف على اخواني واخواتي .

وانشاء الله خلال خمس سنوات سوف افتح شكرة ممتازة ومربحة واكون تاجر بإذن الله تعالى ومشيئته .

إلى من يقرأ موضوعي :

أخذو العبرة مني بعد سبع سنوات عطالة الحين دخل شهري ( 7000 ) ريال . لا احد ييأس من الحياة . لا أحد منكم ييأس من الدنيا فهناك من أوجد الدنيا ومن فيها فهو :
الله الله الله
أطلبو الله في كل صلاة وخاصة في لحظة سجودك اكثرو من الدعاء .

الكثير منكم جلس سنوات كثيرة عطالة وطفش من كل شي ولم تقبله أي وظيفة .

لماذا ؟؟؟

لأن الله سبحانه وتعالى هو اللي يعلم اكين رزقك وباي مكان .
ربما ليس بوظيفة ربما يكون بتجارة وربما بمحل تجاري وربما بنفس بلدتك اللي انت فيها وربما ببلدة اخرى تبعد 1000/كم عن اهلك .

هذا مما صار معاي وحبيت ان انقله لكم لتعم الفائدة .

أخوكم : حلاتي ندرة وجودي