يابوي ليه تبكي كل ماشفتك وعينك ليّ
تخاف أموت يابوي وقبل الموت تبكيني

كفا يابوي لاتبكي وانا موجود معاك و حيّ
أجل بعد الرحيل وشلون في قبري توطيني

يابوي لو تموت الناس ماتسوى دموعك ذيّ
وأنا يابوي ميت قبل أموت وأنت محيــيني

قسم بالله يابــوي لأجل عينك شربت الغيّ
جرعت الهم والحرمان وبحر الويل يسقيني

تحملت السنين اللي طوتني في عذابي طيّ
وصار الجمر بكفوفي وتحت أقدام رجليني

يابوي ماعلى عمري حسافه ولا بقابي شيّ
ولكن بطلـبـك يابوي تكفى لا تخليـني

يابوي ماأبي غيرك يغسل جثـتـي بالميّ
وتكفى قبل لاأتكفّن يابوي فك لي عيني

بأمر الله يمكن ألمحك وأرحل بعيني ضيّ
وأودع وجهك الطاهر مع دنياي وسنيني

خل الناس تحملني وترفع راسي ورجليّ
وتاخذني على قبري وتكسب أجرها فيني

واذا جيت القبر يابوي نزلني شويّ شويّ
ووجهنـي لبيـت الله وقبلة المصليــني

وأذا تقدر أبي صورتك أمانه حطها بأيديّّ
ياعل الله يشفع لي اذا صورتك بايديني

وحط الطين وأدفني وعزّ اللي يعزي فيّ
ثلاث أيام يابـوي يجـونك المعـزيني

ورابع يوم يابوي تذكر ضحكتي وعنيّ
تذكر ويش كنت أقول يوم أنك تناديني

تذكر يوم كنت أنام في ظل النخل والفيّ
تجي يمي تصب الماء على وجهي تصحيني

تذكر جرة الموال وصوت في حباله تيّ
تذكر يوم أغني لك قصيدي وأنت توحيني


تذكر كل شي كان وأذكر يوم .... حـيّ
ولكن أسألك بالله يابـــوي لاتبكــيني

أبيات جميلة جداً وراقت لي كثيراً

اسأل الله أن يقبرني بيدية ويتقبل العزاء بي اللهم آمين

كل الشكر لك ..

[align=center]
وش تحس به يالعود الاصفر ابكيتنـــي
صح لسااااااااان شاااعرهااا وتسلم اناملك ع الطررح الرائع
كانت هنااااااااااا
شماليه شرقاويه
[/align]

روعه ..
لاخلا ولا عدم منك ..
لكـ ودي ..

الله يخليلكم للوالديكم والله يرحم ابوي ودي انه عايش الى هالحين الله يرحمك يا ابوووووووووي

كفا يابوي لاتبكي وانا موجود معاك و حيّ
أجل بعد الرحيل وشلون في قبري توطيني

تسلم تسلم قليله فيك

ويعطيك الف عافيه يااارب

أبيات جميله
لك
أعـــذب التحــايا