الله يرزقك من واسع فضله ويبارك لك في فلوسك ويجزى من دعمك كل خير والله انا ماني خبره في السوق بس احب انصحك انك لازم تفكر كثير وتفكر في الخساره قبل الربح وتشوف لك مشروع مربح ومو تقليدي ولازم ما تستثمر المبلغ كامل وتخلي شيئ رصيد لا سمح الله تخسر تقدر تعوض لو انا مكانكـ أفتح لي مطعم تركي أو مطبخ مندي الناس تموت في شيئ اسمه اكل بس لازم تختار لك طهاه ممتازين وتدور لهم بشمعه يازين الحضارم في المندي مو هنود ويازين الاتراك والبنانيه في المشاوي والمقبلات . أو اشتري فيها عماره 4شقق أيجار كل سنه 20 الف بالسنه 80 الف واحط راسي وانام وانا مستريح البال .بالتوفيق حيبي

لاهنت يالغالي وجمل الله حالك ماقصرت

بس موضوع العمارة الـ 4 شقق تكلف اكثر من راس المال اللي عندي

وانا في انتظار افكار ثانية والله يعطيكم العافية

راس مالك حلووو ماشاء الله

عندك الاستيراد من الصين مشرووع خيالي لو راس المال 100 الف في 3 طلبيات بشهر واحد
ترجع لك مليون و100 الف

بسم الله الرحمن الرحيم
والله في اكثر من فكره واحده منها انك تشتري لك قطعة ارض وتحولها الى استراحه وتحط فيها ملاعبين مزروعين وتأجرها وتقريبا كل ساعتين تأجر الملعب الواحد 500 ريال بس لازم يكون الموقع جيد..

في فكره ثانية بس ماني متأكد منها هي انك تشتري دبابات نارية من دبي تقريبا قيمتها 6000الى 8000 وتأجرها على مؤسسه وهي تعطيك المؤسسه شهريا تقريبا 2000 بس ماني متأكد منها زين لاني سمعتها من شخص موثوق بس مو متأكد زين

والله ويوفقك .....

الأخ الكريم / بيت الإدارة

الأفكار كثيره,,,,,

لكن تعتمد على وضعك,,, هل أنت فاضي 24 ساعه؟ ام موظف؟
موقعك : في أي مدينة او قرية؟
هل أنت مستعد للمجازفه وتحمل المشقة؟
هل عندك القدرة للسفر خارج اللمملكة؟

لأن كل فكره لها متطلباته,,,, قد تنطبق عليك او لا تنطبق,,, حسب وضعك...


تحياتي

بسم الله الرحمن الرحيم


انا بجيبها لك من الاخر وبعطيك مشروع مستحيل يخسر اقول مستحيل وانا كلي ثقه وراس المال اللي معك يكفي ويزود


الفكره هي الاستثمار بالعقار ... بتقول لي كيف .؟؟

اسمع القصه هذي وتمعن فيها وقلبها براسك مضبوط
جاني واحد من الاصدقاء بالمكتب يوم من الايام وجلسنا نسولف ونتناقش
قال لي انا عندي 150 الف وودي اشتري سيارة مع العلم ان الفلوس اللي معه سلفيه من احد البنوك
رديت عليه بكل ثقه انت ضايع وراح تضيع فلوسك بالسياره قال وش تشوف انت .؟
قلت له فيه ارض على شارع تجاري يجي فيها 6 دكاكين معروضه للايجار طويل الاجل بـ40 الف ريال
استأجرها وابنها 6 دكاكين فقط لاتبني الا 6 دكاكين الوقت الحالي وايجار الدكان 20 الف مضمونه
يعني 20 الف × 6 = 120 الف

التكلفه
1- 40 الف ريال ايجار اول سنه
2- 100 الف ريال تكفي للبنايه لان البنايه فقط محلات يعني قواعد واعمده وصبة الدور الاول
ولا تحتاج تشطيب ولاغيره لان المستأجر هو اللي بيصبغ محله وبيركب الديكور اللي يناسبه

يعني تكلف المشروع لاول سنه 140 الف والدخل المضمون باذن الله 120 الف يعني بيبقى على راس المال 20 الف

السنه الثانيه بيكون الدخل 120 الف اخصم منها الايجار 40 الف بيبقى 80 الف اخصم 20 الف باقي راس المال بيبقى 60 الف ريال يعني السنه الاولى ترجع راس المال والسنه الثانيه تخش بالارباح
السنه الثالثه بيكون ربحك الصافي 80 الف ريال الى نهاية العقد والعقد كل ماكان طويل طل ماكنت انت الكسبان

طلع من عندي بعد مافريت راسه ورجع بعد يومين قال توكل على الله انا موافق
راح واستأجر الارض وبناها باقل من 100 الف 6 دكاكين كل دكان مساحته 4 في 12
واجرها كامله بعقد واحد على شركة النخبه العالمية اللي تبيع معلبات ومثلجات من لحوم ودجاج وغيرها بـــ 140 الف وعقدة 10 سنوات معهم

والحين الرجال مايفكر الا بالاستثمار العقاري وناوي يبيني شقق فوق المحلات بعد مارجع له راس المال وسدد البنك وفك نفسه من الدين


تحياتي لك ويارب اكون وصلت لك فكره مناسبه لك

واذا احتجت اي خدمه انا حاضر

سبحانه
يرزق من يشاء بغير حساب
موفق بإذن الله ... لك مني أجمل تحية .

الله يوفقك ويرزقك
موفق بإذن الله ... لك مني أجمل تحية .

الله يوووووووووووووووووووووفقك يارب