صباح/مساء الخيرعليكم ياشباب
أنا في حيرة من أمري وطفشت حتى من نفسي مالكم بالطويلة ....
أنا متخرج من الكلية التقنية قبل مايقارب سنة ونصف وعندي شهادة الرخصة الدولية وقدمت على ديوان الخدمة المدنية وإلى حد الآن مافيه أي خبر وأنا الحمد لله تعالى موظف الآن على شركة براتب معقول حق تمشية حال لشخص واحد فقط بس مهما كان الأمان الوظيفي مافيه. أي رايكم ياشباب تكفووون أستمر في الشركة هذه وأنتظر الديوان صاحب الوعود الكذابة والوسايط الالكترونية وإلا أشوف لي صرفة وادخل العسكرية وأتوكل على الله تعالى أبي نصيحتكم ياشباب تكفووون المدنية وإلا العسكرية بالنسبة لوضعي ومشكورين مقدما .....

اخوي اذا انت عاشق على قولتك هذا شي ثاني

اذا لك سنه ونص متوظف اذا راتبك 6 الاف خلك في وظيفتك

فيه قطاعات عسكرية توظف خريج الثانوية برتبة وكيل رقيب

وعلى حسب التخصص اذا خصلت وكيل رح وغيره لاتخش

والله يوفقك للي فيه خير لك

السلام عليكم ورحمة الله وبركاته


المكان الي تشوف أنه أضمن لك ويأمن مستقبلك رح له .


ولاتنسى أنك اليوم لوحد وبكرة الأيام بتكون أسرة ففكر بعقلانية .


بس إذا تبغى نصيحتي ( إذا أنت شخص صبور وتتحمل الكد ) دورلك وظيفة عسكرية .




بس لاتنسى تستخير مادامك محتار .





موفق بإذن الله ... لك مني أجمل تحية .

اخي الغالي

لا تستخيرنا في البدايه
اذهب و صليلك ركعتين [ استخاره ]
والله سوف تجد الحل المناسب باذن الله

قل لا اله الا الله

بالمختصر المفيد < ان شاء الله يكون مفيد

في شركات قويه قويه . واتمنى انها من نصيبك اللي تعمل فيها الحين
1 - الشركات اذا اعُجبت فيك وشافت طاقتك الانتاجيه من صالحها مستحيل تفرط فيك .
2- زي رقم واحد اذا اعجبت فيك بيكون فيه تطوير لك من ناحية بعثات ودورات .


**********
العسكريه
1 - الدخول اجراء معاملتك باي دائرة حكومية . لانك بتجيهم لابس عسكري ويبسطونها لك
2- بن امه يفصلك من غير سبب او حتى لو كان مستقصدك . مافي امل فيه شئ اسمه تحقيق وووو الخ

هذي نقطتين هنا وهنا من الاشياء الحلوة
فيه اشياء كثيره عندي بس مابي احيرك اكثر مانت محتار
ومن اسمك بين عليك انك هاوي شئ
وانا انصحك تصير عسكري

يكفي انها عز ومفخره ومرجله

انت اولا واخيراً استخير ربك وشوف اللي يناسب لك ..
بس من وجهة نضري العسكرية افصل

سلام

السلام عليكم ورحمة الله وبركاته
ياخوي تبي الراحه انت والفله انتضر المدنيه ولا كمل دراستك لبببببببببببببى المدنيه سفريات وراحه
ورزقك على الله

والله انا اسمممع اكثرررر المتخرجييين من التقنيييه قاعدييين في البيووت

وحتى الجامعه تتخرج وتقعد سنييين وماتدري متى تتوظف فما بالك بتقنيييه

انا اعرف واحد متخرج من الجامعه قسم خدمه اجتماعيه وله ثلاث سنوات عاطل وساكن في حارتنا
شوووف انا انصحك بثلاث قطاعات الي هم الجوازات والدفاع المدني .. > او المباحث < لاكن صعبه الا اذا عندك واسطه كلها رراحه ومافييها كرف جامد


والله يوفقك

بيض الله تعالى وجهيكم يالغالين وفعلا خدمتوني وماقصرتوا ونسأل الله تعالى أن يكتب لنا ولكم كل خير
دمتم جميعا بود واحترام.

شوف وانا اخوك العسكريه على حسب القطاع الي انت فيه ..صدقني فيه قطاعات في العسكريه دوامهم احسن من اريح مدني ماعندهم دوام وفيه ناس مكروفين ..على العموم اذا تبي عسكريه وتبي الراحه روح للحرس الوطني او الامن لكن ماهو كل القطاعات عندك المباحث والجوازات والكلية الامنيه مريحة ودوامهم فله تبي القراده والكرف روح الجيش وقطاعات وزارة الدفاع

ألف شكر يالغالي ونسأل الله تعالى أن يوفقنا وإياكم لما فيه الخير.