السلام عليكم ورحمة الله وبركاته

كيفكم حبايب قلبي .. ان شاء الله بخير

ابي استفسر فقط

الحين اخوي السنه هذي اخر سنه بالثنويه

وبصرااااحه انا كان ودي اعلق نجمع وانا خريج جامعي بس ماجات معي وكل الي اعرفه عن الظباط كلية الملك فهد الامنيه وبس ...

واخوي وده يصير طياار <<< مسكين اخوي يحسب الدعوه سهله مادرى انه بيتكي عاطل لين يدوخ هههههههههههه

وش الكليات الي تقبل بعد الثنويه يدرسون مثلآ 4 سنين ويتخرج ملازم

زي كلية الملك فهد الامنية ما بها دراسه لازم جامعي
وكلية الملك فيصل وخالد

افيدوني تكفووووون خل يطلع واحد من العيله زكرت ويشيل النجمه ههههههههه

لانه زي ما انتو شايفين الحين الواحد يتخرج من الثنويه يدور وظيفه او جامعه والمحظوظ الي يحصل
وبعد ما يتخرج يقعد يدور وظيفه

فاحسن شي كلية عسكريه تخرجه برتبه ودامه دارس اربع سنين برى يدرسها عندهم

ياليت تفيدوني يا اخوان

موفق بإذن الله ... لك مني أجمل تحية .
بس اذا اخوك نسبته حلوه خله يقدم على كلية الملك خالد العسكريه هذي يقبلون بالثانويه<<<<مخطط يبيه يتوسطله ههههه
بس هذي الكليه بالذات قوة واسطات بس اذا له رزق بيدخل بدون واسطه
هذي تعينها في الحرس الوطني بس
يعني مو زي الكليات الثانيه يطشونك على حسب الاحتياج <<تعرف قطاعك من يوم ماتقدم

كلية الملك خالد للحرس الوطني

وكلية الدفاع والطيران للقوات المسلحة

عند كلية الملك فيصل الجويه بعد الثآنوي بسس خله يشد حيله

الله يوفقه واذا خلص دراسه
دخله معنا جندي في المباحث نذل خخخ

موفق بإذن الله ... لك مني أجمل تحية .

اومااااااا مباحث لا لا فكنا هههههههههههههه

الي تخرج طيارين وشهي يكون ظابط طيار

ومشكورين على تفاعلكم لبى روسكم نفر نفر و رفيق رفيق هههههه

مافيه غير كليتين عسكرية كلية الملك خالد العسكرية ووزارة الدفاع والطيران وكلها الدراسة فيها 3سنوات.

اقوووووووووووول اخووووووووووي مد رجيلك على قد الحافك
انصحك بالجندي وانا اخوووووك وانت حر مالك
تقبلوووووووووو مروري

اذا هو خريج هالسنه له أمل يصير ضابط اما اذا له فتره متخرج ما اتوقع ابد

جندي ويالله بعد

شـكرا لك وبارك الله فيك... لك مني أجمل تحية .

مساكـ الله بالخير أخوي

الكليات العسكريه التي تخرج ضباط هي كالآتي/

1-كلية الملك فهد الأمنية << للجامعيين فقط (وهي تبع قطاع الأمن العام)

2-كلية الملك خالد << لخريجي الثانوية وللجامعيين (وهي تبع قطاع الحرس الوطني)

3-كلية الملك فيصل الجويه << لخريجي الثانويه والجامعيين (وهي تبع قطاع وزارهـ الدفاع والطيران)

4- كلية الملك عبدالعزيز الحربية << لخريجي الثانويه وللجامعيين (وهي تبع قطاع وزارهـ الدفاع والطيران)

5-كلية الملك فهد البحرية << لخريجي الثانويه وللجامعيين (وهي تبع قطاع وزارهـ الدفاع والطيران)

6- كلية الملك عبدالله للدفاع الجوي << لخريجي الثانويه وللجامعيين (وهي تبع قطاع وزارهـ الدفاع والطيران)


أتمنى أني افدتك اخوي