انا قدمت على وظيفه وقبلوني على اساس اكون موظفه استقبال دوام 8 ساعات
بس عشاني انا ادرس طلبتها فتره مسائيه من 3 لين 9 يبقى عندي ساعتين اعوضها بيوم دوامن كامل
لسه ماعرف كم بيعطوني راتب
كلموني وقالولي انو نحدد معاك موعد بكرا ولا بعد تجين نكتب العقد ؟! انا مافهمت يعني وش ممكن يتضمن العقد
ونحدد الراتب وسالوني اخر راتب اخذتيه كم قلت 1500 قالو نعطيك زيه وزياده حبتين
ادري كثرت عليكم بس تحملوني
هل اذا فكرو يعطوني 1700 او 2000 تستاهل ولالا
وهل افضل اقدم على وظيفه بعياده ولا مستشفى خاص كبير فيدوني الله يعافيكم

موظف الاستقبال ما يتعدى الراتب الفين والله اعلم هذا الي اعرفه
الفرق بين العيادة والمستوصف الخاص الكبير والله ما ادري
بس اكيد المستوصف العمل بيكون اكثر بحكم وجود اكثر من عيادة فيه وعادة بيكون فيه اكثر من موظفة وحده بالاستقبال واعتقد يطلبون شهادة الثانوية وحاسب صح
عموما بالتوفيق

اول شي مبروك وموفقه ان شاء الله

العقد يتضمن بكل المجالات حقوقهم وحقوقك انتي كموظفه من ناحية اجازاتك كم مسموح لك بالسنه

وراتبك كم وعقدك محدد فيه مدة عمل من الفتره .. الى ..

وفيه مهامك الوظيفيه اللي يبونها منك مثل استقبال الزوار والرد على المكالمات

نصيحتي تقرين العقد كويس قبل توقعيه

وشي حلو الكفاح تدرسي وموظفه تعتمدي على نفسك

واكيد المستشفى الكبير او العياده افضل

بس امسكي الوظيفه لو مستوصف صغير او عيادة اسنان حسب معرفتي عياده افضل

واتوقع الراتب من 1800 الى 2500 راح يكون

والاهم من ذالك تاخذي الخبره تنفعك
والراتب يفيدك في نفس الوقت
والله يوفقك ومبروك تتهني فيها يارب

اي خدمه حاظرين

يعطيكم العافيه اللى ردو
بس معليه اذا ثقلتها عليكم بس ابي اعرف
هل عمل (موظفه استقبال) افضل من(خدمه عملاء) اسمها اوبريتد او ابريتر شي زي كذا يعني كول سنتر ولا مافيه فرق بينهم يعني ايش افضل لي انصحوني وهل اذا ضروري بالعقد تحدد مده معينه طيب واذا مارتحت بالشغل او تركتها لاي ظرف كان وش يترتب علي