تسجيل الدخول
|
|||||||
تأسس الموقع عام
2006
Site was established in 2006
|
|||||||
| أضف رد |
|
|
LinkBack | أدوات الموضوع | انواع عرض الموضوع |
18-09-2010, 10:36 PM
|
||||
|
||||
<من اول بستخدم هالايقونه خخ..من العايدين ومن الفايزين ( حوش بكر عيدهم شهر )
تعلن الامارات العربيه وقطر وبحرين اخبار غيرمؤكده بكره تصومون وتكملون الثلاثون من شهر رمضان المبارك يوم الجمعه احتمال عيد الفطر مبارك  < اللي منزل هالاعلان اتوقع له يومين عيونه ماذاقت النوم وضربت اسلاك مخه خخخخخخخ< وثمن قلبت ع القناة الاولى وانا اقول يارب بكره مايكون عيد يارب يكملون الشهر باقي قراعيط ناقصه عندي وامي من وراي تستاهلين ارقدي ارقدي قولي اغراضي ناقصه خلي النوم ينفعك كم مرتن وانا اقرا براسك كملي اغراضك عاد انا عندي عاده بايخه مروحه مصدّيه وصخه كل شي من هالقبيل هالعاده تتصف بها  مدري ليش مااتحرك لين يقرب الوقت اقوم اتفقد اغراضي احب اضيق على روحي وانا وامي نتهاوش وشوي يوايق علينا سليمان العيسى من شفته وانا احط يدي على راسي  عارفه مايطلع الاوهو معه الفاجعه تكفىياابوشماغ من غير مرزام < مدري صح الكلمه ان غلط استروعلينا الستر من صفات المسلمين لاتقول بكره عيد لو ماصكتي وبلعتي لسانك بنخلي العيد بكره (ترون العيسى يتشلم )يوم قلي شذي وانا احط اصباعي بأذني ولساني بضروسي واحبالي الصوتيه ربطها برموشي اهم شي ماتخلون العيد بكره تكفون حتى لو شفتوا الهلال غضوابصركم اهم شي الخميس مايكون عيد يمين الله ناقصتني قراعيط مهمه لزوم منها واسمع اصوات لاتكفين الصحن لالا الفنجال لالالاغطاالقدر يدوخها ايه حطيه براسها ويوم لفيت بعرف وش عندهم فرقه عتاب (اخواتي ) تباشرني امي بغطا القدر هو يتربع بوسط راسي  وهددنا سليمان العيسى  ان ماتادبنا واستمرينا بها الجه والصجه بيقدم معروض للأمارة ولوزراة الداخليه يرحلونا من الديار السعوديه لبلاد ماوراء النهر عم الهدوء بيتنا وبدا سليمان العيسى يمغط بيان من الديوان الملكي وتقسيم هـ الماده رقم ... اجتماع عقد بعزالقايله بطائف وتحروا رؤية الهلال ( مابدقق بالبيان بس وراهم يحترون الهلال بظهر .)وهاتك ياتمغط الله يسامحك لعبت بأعصابنا ساعه كامله كان اختصرت يالعيسى وقلت انتشروا بالاسواق الليلة تسحروا وبكره صوموا وودوا وثيقه السوق تشتري قراعيطها ماهو عيد مايعرفون ان الوقت من ذهب عندنا عاد هنا اخواتي قاموا يتفقدون عيالهم الي تقولي فلان ناقصته جوارب والي تقول بنتي ناقصتها شنطه وصارت نفضه بيتنا وشوي اخواتي انتشروا بالاسواق وانا كنت نازله معاهم وامي تمسكني بملقط السمبوسة مع طرحتي وترجعني البيت قالت اهجدي بالبيت وامسكي البزراين طيب انا وش دخلني فيهم ليه امهاتهم مايقابلونهم ليه تحملين شر افعالهم الشنيعه دخلت وانا اجر خطاي وفرقة حسب الله منتشرين بصالات وبالممرات واحد لقيته متعلق بسلم الدرج انا بعرف وش اللي طلعه الجن باقي مصفده مانزلت ترون هالاحداث صارت يوم29 /9انااشك بنسل اخواني واخواتي ماعلينا من هذا كله عمتي عندها درزن فقيه نفسي يوم اتصل علىها ماتقول انا بكشك الولاده مالها خمس سنين متزوجه وعندها 8 لاتقولون كيف انا الى الان ماعرفت حل هالغز واشك بعمتي انها ناويه تستعمر الهند او الصين ومااستبعد انها ناويتن على الجزيرة العربيه ان كانت ناويه تحكم الجزيرة العربيه الحاير قدامها والسيف برقبتها سمعت صوت الجرس عرفت فرقة قلق الله وصلوا ورمت عمتي فرقتها وراحت تزبرق خشتها طيب انا مالي رب هنا دخلت الوساويس لقلبي هل انا بنتهم ام انهم مستقدميني من احدى الدول الاسيويه الافريقيه الاوربيه الشغالات خلوهم عندي وراحوا المطبخ وهاتك ياسوالف ورطن واشك انهم يتكلمون عني وشوي يتصل ابومفتاح وثيقه انقلعي غرفتي افتحي الدولاب شوفي فيه عقال طيب ياتنك قول اذلفي اخف شوي اما انقلعي صعبه وانا اعبر عن اشمئزازي من هالكلمه البشعه اسمع طوطوط قفل الخط بوجهي شلاب ماهم ضاربين ليّ حساب وبعد نص ساعه يرن التلفون واجري على السماعة (انقرضوا اللي يتسابقون على التلفيون خخخ ) رفعت هو نفسه الشلب ابومفتاح قال ها فيه عقال قلت عساه بظهرك وانا وش عرفني بغراضك واغراض الصندقه النمرود ترون اخواني صح انا مزوجين نصهم بس باقي عدد لايستاهن به متسدحين بالبيت ودايم اقترح على امي تقدمهم فدا للحكومه يستفدون بهم اوقات الازمات مثل ماصار بالحد الجنوبي تحججت امي انها فلذات كبدها وانهم هم الثابتين وانا المتحركه حسيت اني من المغضوب عليهم واني عبوس قمطريرا واني وحده غير مرغوب بها.. بها البيت المكتظ بسكان قلت احتسب الاجر ويالله تهديهم وعساهم يبتلون بمحبي  ورجعوا من السوق واللي رجعت من الصالون وانا قاعده بخلا قيني وكل ثانيه اعد الجيش اللي عندي واتفقدعددهم حملوني مسئولية وارهقوا عاتقي يوم وصلوا اهاليهم وانا اسلم لهم الامانة وقبل ياذن الفجر اسمع امي تنادي على اخواتي يافلانه اشربي مويه مابقي غير ثواني ع الفجر فلانه علمي ام فلان وانا انتظر اسمي تقول وثيقه اشربي مويه ولا نادتني ليه شذي امي يعني بس انتم تصومون وانا مااصوم وانتم تعطشون وانا مااعطش وانتم مسلمين وانا فرعون قلت بكره اخريوم بصيام ما يصير اسوي انتفاضة وقفلت على قلبي وصيته لعد يفتح الجراح دايم أمي اذا شافت اخواتي واخواني تسحب عليه وتعاملني بكل جفا وقساوه وانا اذكرها واقول تراهم مابينفعونك مابقي لهم غير اسبوع وكل وحده تسحب شنطتها وتروح بيتها وتقابلين وجهي السموح  تنويه قبل ماابدأ بموضوعي ترون باقي مابديت الصبر طيب الصبر مفتاح الشر معلاق الخير < عفواً عن هالخط االاذع قصدي مفتاح الخيروالفرج ومن صفات المسلمين تحليهم بصبر وعدم التسرع على اخوانهم واخواتهم الملسمات ترون جايتني شفاحة اكتب موضوع وطاقه براسي انزل موضوع الرجاء المشغول يأجل شغله ويقابل موضوعي لن به خير وفيّر وجبر الخواطر من صفات المسلمين اللي ماعنده اجازه يقدم على اجازه وقرض القرض يعيدني يتبع الصبر طيب 7
7 
|
|
18-09-2010, 10:37 PM
|
|||
|
|||
|
الحمدلله على السلامه ياوثيقه
|
|
18-09-2010, 10:49 PM
|
||||
|
||||
|
بعد التنويه
|
|
18-09-2010, 11:03 PM
|
||||
|
||||
|
ياهلا ابو عنقليزي حياك الله وكل عام وانت بخير
|
|
18-09-2010, 11:09 PM
|
||||
|
||||
|
ههه ايش الى وداكم شارع منصور (( عفوا اقصد نيجيريا .......
|
|
18-09-2010, 11:20 PM
|
||||
|
||||
|
|
|
18-09-2010, 11:25 PM
|
||||
|
||||
وش ذا المطآمر ياساتر خخخخخ
التعديل الأخير تم بواسطة منّو ; 18-09-2010 الساعة 11:37 PM سبب آخر: نبي نحجز متسآن =/
|
|
18-09-2010, 11:28 PM
|
||||
|
||||
|
ليا رجعه امخمخ فيها ع المكتوب
|
|
18-09-2010, 11:40 PM
|
||||
|
||||
|
الحمدلله على السلامه تو مانور المنتدى وانا اقول وش فيني من فتحت __________________
|
| أضف رد |
|
(( لا تنسى ذكر الله )) |
|
|
|
|
,, 
ومن قريت جلامك استانست وانسجمت مع
العرض العادي
