ياهلا باخواني

اتمنى ان تكونوا بافضل صحه واتم حال

موضوعي هذا ابي منه مايلي

انا ناوي بكرا او بعده اسافر الى دولة الامارات الشقيقه ان شاء الله
وودي اجيب شي من هناك اتاجر فيه على خفيف واترزق منه
فودي منكم انكم تخبروني عن اماكن الاشياء المطلوبه عندنا
وعليها اقبال وبالمقابل اجدها رخيصه هناك بحيث اكون انا الكسبان
ابي نصائحكم وتوجيهاتكم
و اي شي يفيدني ياليت تكتبون عنه
علما ان المبلغ المخصص للمتاجره 3000 الى 4000 ريال
وايضا الي يبي اجيب له شي من هناك انا حاضر مالك الا تخبرني

الى اللقاء

هلا بك اخوي
بقول لك عن تجربة بسيطة لي بأول سفره للإمارات يمكن تستفيد منها
شريت من ورشة بالشارقة أسمها (ورشة الخوانيج لتصليح عادم وبراد السيارات)
ثلاثة هيدرزات
وهي قزوز بس كباار فيه لجيب الشروكي وفيه لجيب الربع
وبعتها بالرياض على يمني له محل قطع غيار سيارات
شريت الوحده بــ800 درهم ,,, وبعتها بـــ 1200 ريال
والجمارك لما شافهوا ماقالوا لي شي ولا جمركوها لأنها ثلاثة بس
لكن لازم تلقى الي يشريها منك لأني تلعوزت من اليمني يوم جبتها ما شراها على طول
لأن خويي الي دلني على هالقطعة قال لي صعب تصريفها , وصار كلامه بمحله
_-_-_-_-_-_-_-_-_

المشكلة دايم بالتصريف وإلا الرخص بالامارات موجود
_-_-_-_-_-_-_-_-_

أتمنى لك التوفيق

اشتر لك

تلفزيون HD وبعه بالسعودية

فيه مكسب

و التصريف سو لك موضوع بمنتديات البيع والشراء

مشكورين حبايب قلبي عالاراء الحلوه
وننتظر البقيه ..

وينكم يااصحاب الردود السديده

انتظركم بفارغ الصبر

شوف انا بنصحك نصيحه

أطمر وروح لجبل علي واشتري من هناك قلافزات لليدين البلاستيكيه والقطن حتلاقيها من 2 درهم وتحت يعني ب 4000 الاف تجيب 2000 والفين قطعه ب 4 ريال ب 8000
شغله بسيطه وعلى قد مبلغك

من تجيبها هنا روح لمحلات وسائل السلامه تبيع عليهم بالجمله بالضعف
لأنها هنا هم يبعون على المصانع بالجمله ب 7 ريال صناعه هندي وباكستاني

وتجيب كميه كبيره ماتجي ولا كرتونين يعني ماتكلفك شحن ممكن تشيلها معك بالطياره لأن مافيها وزن


دعواتك

موفق بإذن الله ... لك مني أجمل تحية .

يا أخي قبل تروح للإمارات تمشى بالسوق وشوف الاغراض

اللي لها طلب كثير و ادخل بالمحلات و اسمع الزبائن لما يقولوا فيه (كذا)
و يرد عليه البائع لا و تدخل محل ثاني و تسمع نفس الشئ
و اسال البائع ليش مافيه و راح يقول بعد شهر او ماصار يجي
و اساله كم سعره و راح يقول لك

فلما تروح للإمارات اشتر منها اللي مطلوب للناس وراح تلقاه رخيص
و مافيه جمارك بين دول الخليج
وبعدها راح تكسب فلوس كثيرة لما تبيع الشئ المفقود

وتحياتي لك

ابي حبر اصلي غير مغشوش اسود و ملون لانا دايم يكلفني وهل في الامارات ارخص..

خذ لك جولة مطولة في سوق نايف ( تراه فيه كل البضايع )

انا كنت اشتري منه اكسسوارات للجوال ( وسعرها قريب من اسعار الرياض ولكن تختلف اشكال البضائع وخصوصاً الاكسسورات )

انت حاول تزور جبل علي وسوق التنين ونايف

ويمكن تطلع الفكرة وانت في الاسواق ( على حسب البضاعة )