مهي حالة ملينا عطاله لاوظايف مدنيه ولا عسكرية
وبعدين يالعسكرية وربي مقهور اتعب عشان نخش العسكرية بالاخير ((انتظار))
وربي مقهور غلطتي قدمت على مدينة التدريب القصيم
لاكن اني عرفت انهم يحبون المصلحه لديرتهم اما باقي المناطق بالواسطه يدخلونهم لاكن والله ظلم والحال مايسر لاعدو ولاصديق تمنيت اني خاش ادوره عشان اقدر اصرف على نفسي وعلى الوالده الله لايحرمني منها وأتزوج وافرح قلب الوالده بزواجي لاكن الشكوى لله..
((الله لايوفقهم))وربي مقهور منهم ياليتني مقدم على الرياض لاكن(لافات الفوت ماينفع الصوت)
ورب البيت كريم (اعتبرها غلطة عمر)
لاكن نصبر(والصبر مفتاح الفرج)

يارجآل وسع صدرك ولاتشيل بخآطرك

ترآ الدعوآ أرزآق واحمد ربك قآلوا انتظار ماقآلوا مانبيك أبد أبد

يعني على قولتك اصبر وخل أملك بالله كبييير

بتقعد تدعي وتتحسب وفي الأخير مايتغير أي شي وانا اخووك

وإن شاء الله تفرح الوالده وتفرحنا بزوآآجك ^^

الرضـا بالقدر واجب لأنه من تمام الرضا بربوبية الله فيجب على كل مؤمن أن يرضى بقضاء الله ،

يمكن خيره لك والصبر زين

دمك انتظار انشاء الله بدقون عليك

يارجال الله كريم وانا مثلك عاطل باطل لكن خلي الامل بالله كبير
والله ماخلق نفس وضيعها

اصبر

وفي ناس اردى منك حاله

..

فـ اذا انك تقصد التدريب العسكري المهني الي بالقصيم

انا دخلته والله ما وراهم الا الدجه

تضيع سنه من عمرك هباءً منثورا


لا حس ولاخبر

كرف عـ الفاضي

..


بالتوفيق

ونعم بالله...
صدقتو يااخوان نرضى بالقضاء والقدر
وجزاكم الله الف خير...؟
قال تعالى(يا ايها الذين امنوا استعينوا بالصبر والصلاه ان الله مع الصابرين)

الصبر مفتاح الفرج ..
وغيرك كثير / وآحمد ربك على كل شي ..
لازم من الإيمان بـ القضآء والقدر .. والمكتوب عسى يكون فيه خير لك ..
وربي يوفقك وتلااااقي وظيفة فيها أو أحسن منها..

انت من خريجي اي سنة ؟

لأن بيني وبينك اغلب اللي صادفتهم ناس من ( حديثي التخرج ) في بدايته يجلس يتغنى بالبطاله ويتشكى

وهذا مو من صالحه

اخوي حط براسك انك راح تاخذ نصيبك سواء كانت وظيفه او غيره

عاجلا ام أجلا يعني لا تضيق خلقك الدنيا ماتستاهل