السلام عليكم ورحمة الله وبركاته

هذي اول مشاركة لي والله ماكتبت هنا ياخواني الا من الهم لاكن الله سبحانه بيفرجها لي

الموضوع ياشباب اني ماسك محل واحد من اصحابي بالحسابات والتنسيق مع المندوبين شايل عنه حمل كثير مرة وانا عاطل باطل وتعرفون ابي الشغل تخيلو لدرجة ان العامل يستلم راتب مجرد فقط انه يبيع وانا مثل منتم عارفين قايم عن المحل بحاجات كثيرة الزبدة ان المحل خمات يصفي وخمات مايصفي شي وان صفا شي اخذت مبلغ طفسة هذا اخر مرة عطاني صاحب المحل قبل كم شهر وكم شهر ماشفت ولاريال ولافلس اتعب على الفاضي وطبعا الرجال بخير ماقام عطاني كم شهر ولاريال وكان بينا اتفاقية ان نزلت له الحكومة فلوس ان كل شهر يعطيني فلوس وكل يوم اقوله تراني محتاج ياولد يقولي الحكومة مابعد نزلت شي ونزلت في رمضان مبلغ ضخم لشهور اللي راحت اقسم بالله ماشفت شي شين وقوي عين الرجال هذا ياخي ولاعطاني ريال واحد والمشكلة يعرف البير وغطاه الرسول صلى الله عليه وسلم يقول اعطوا الاجير اجره ياخي ليش ورمضان والعيد ماشفت شي والله ماشفت شي ولاريال انا محتاج انا اشتغل عنده يعوظني من عنده على الاقل سحب مبلغ الحكومة حول 17 الف ولاقال سم ياخوي ليش والا يومكم هذا ماسك المحل بعد ولاريال راح يصفي اقسم بجلالة الله اني امين وقايم بالامانة لاعندي لعب ولاهم يحزنون حتى الاهل اقولهم محتاج فلوس يقولون انت تشتغل عند الرجال معقولة مايعطيك انا اسكت شهادتي جامعية وعاطل وتعرفون العطالة اشتغلت عند الرجال قلت احسن من الفضاوة يدلكم اني ادور الشغل لاكن حسبي الله وانا والله حبيت اخذ رايكم منها افضفض لاكن اقسم باالله ماقلت هالكلام ضعفة نفس ولاشي لاكن الشكوى لله احيانا السيارة تقعد يومين بدون بنزين واسف على الاطالة

يااارب يرزقنا وأيااااكم من أوسع أبوابه ..

ما أقدر أفيدك بشي ولكن أنشاءالله يشوف موضوعك أحد من أصحاب العمل ويطلبك عنده .. وأنت أخوي لاتقصر أرسل سيرتك الذاتيه لأي جهة عمل حتى لو كان مافيه إعلان توظيف

وربي بيسهلك امرك انشالله بس أخي لاتنسى العمل بالأسباب .. الله يوفقك يارب

انت شكلك تستحي

اجل تشوف حقك يروح قدام عينك وما تطلبه ؟؟

و صاحب ما يقدرك و يكرفك هالكرف هذا كله عشان طفسه ع قولتك

الله الغني عنـه يا سيدي ,,

شوف لك شغلانه غيرهـآ واتركه ربي بيعوضك خير ان شاء الله

انت ما اشتغلت الا عشان تحصل فايده من هالتعب

و اذا يعني صاحبي اصير له عبد

اسمح لي ع الحده في الرد بس وجه ما يستحي منك لا تستحي منه

وبعدين هو اللي في حاجتك مو انت ممشي له شغله تمام

,,

و بعدين انتو يالشباب بشكل عام مو بس انت

عندكم مصدر يدخل عليكم رزق بس انتو مو منتبهين له

اللي معه سياره يقدر يخليها اجره او ينقل فيها

ما تبغى مشاوير في نفس المدينه تقدر توصل من مدينه للثانيه

وربي تكفيك عن طلب فلان و علان

كثيييييييير شباب يشتغلون هالشغله و ربي يطلع لهم من وراها خير