السلام عليكم ورحمة الله وبركاته

الاعضاء الكرام الاعزاء

اخواني .... انا ابغى اوصلـ لكـم كلام مـن ذهب ولكم الفايـده انشـاء الله ولكـل غافـل من بنـات او شباب

الاستغفار والصـدقه والكلمـه الطيبه والصلاهـ وحب الخير للنـاس خيـر من الف واسطه وخير من الف وسيط لك نتـكلم بصراحــه ....

لانقول ان الكثير من اعضاء المنتدى يصلي او لا يصلي لأني لا اعلم الغيب ولا راح اقدر اتأكد او ابوح بشي مثل هذا الا اني اود ان اقول لكم الصلاه ثم الصلاه ثم الصلاه

انا كنت والعياذ بالله ما اصلي ولا استغفر ولا اتصدق ... وكنت ابحث عن الوظايف واقســم بالله العظيم ولا وظيفه تجيني والدليل كان واحد من اصحابي يصلي وانا ما اصلي انا عندي ثانوي وهو عنده متوسطه تخيلو من الي المفروض ينقبل اسرع وافضل انا هو كان ينقبل وانا لأ بأي شي نقدم فيه لين حسيت انهم يبون كفائه مو ثانوي ....

اول شي سويته بديت اتصدق لكل محتاج وهذا رغم اني غير موظف بس انت قادر تنام ببيت ومكيف وعندك اهلك غيرك مو لاقي نعمتك ويحسدك عليها اعطيه مابتخسر شي الخساره هي مو خساره الفلوس الخساره يوم تخسر ربك ورضاه عليك لان محد عايش الا بنعمته لاتقول الي يشحذ نصاب او يلعب عليك لاتقول شي غير انك تبي تتصدق لربك وبس هذا هو العقل والكلام الصح
وبديت استغفر كنت باليوم 100 مره صرت ازود مره 200 ومره 300 هذا كله لي ولربي لأني مخلوق بالدنيا عشان كذا وبديت اصلي والحمدلله واقسم بالله الي تغير انه صرت اقدم بشركه يتصلو عليه حتى لو مايبون ثانويه اهم شي انه ربي يوريك انه الي تسويه صح انا بقول لكم كم عضو وعضو كانو باقسام الفقر وهموم والمشاكل واللحين بقسم مبروك التعيين هادي قدره الله عليهم ونعمته انت ممكن تقول انا عاطل عن العمل لاكن منت عاطل انك تعبد ربك لأن الدنيا زائله والعيش الخالد عيش الجنه فأنصحكم نصيحه جربوها ولو انها لكم ولربكم الي منعم عليكم بصحته لاتهملو دينكم عشان وظيفه يمكن تموت وانت ماحصلت وظيفه بس تكون لك حسنات تدخل الجنه فيها وهادي اخرتنا .....

واخر الكلام اقول قصــه لأحد الزملاء راضي والديه بصراحه بشكل مو طبيعي .....

والله رزقه بوظيفه طيبه والحمدلله واشترى سياره واتزوج وراتب تمام وهو مثل اي واحد بالمنتدى كل شي يجيك من ربك الكريم وليس من وزير عمل ولا رئيس قسم توظيف ولا واسطه قويه
وصار يتصدق من راتبه وراتبه خلال سنه واحده فقط من عمله كان 3000 وصار 6000 قولو ماشاء الله والله يزيده وهاذي الزياده كما قال الرسول صلى الله عليه وسلم (مامن مال انفقت منه صدقه بل تزده بل تزده بل تزده ) اخواني واخواتي بالاسلام اعملو بهذا الكلام يجيكم اليوم الي ربي بيغير فيه الحال من سيئ الى الافضل كل شي بيد رب العالمين ... شكرا لكـم