اخواني توني اتصلت وتاكدت قالوا لي توقع العقد مع شركة الحلول

وتاخذ الكورس حقك واذا كنت شاد حيلك ودرجاتك كويسة

راح تاخذك الام تي سي

يعني الحين نوقع مع شركة الحلول

وبعد التدريب تاخذك ام تي سي

وش رايكم يالربع في شركةالحلول

يعني نتوكل على الله ونوقع مع الحلول

المشكلة تقولون ماهي بكويسة لكن الواحد يتحمل

وراخ اهل يصرف عليهم ورانا ديون فوق 100 الف ريال

بنتوكل على الله والله يكتب اللي فيه الخير

بالنسبه لي وقعت العقد موعشان الحلول لكن عشان اطمح في الترسيم لدى زين

طبعاً انت ماراح تشتغل في MTC أو "زين" وهذا اسمها الجديد
انت راح تشتغل مع شركة الحلول الممتازة (للنصب) وعقدك راح يكون معاهم ورواتبك من عندهم وهم ياخذون نسبة من شركة MTC على كل راس
بعدين بيسوون شرط جزائي ياتشتغل معهم سنه أو تدفع الشرط الجزائي
بعدين لاحد يضحك عليك ويقول لك انك بتقدر تترقى في الوظيفة لأنك تبع الحلول الممتازة
بعدين ابحث في google عن "الحلول الممتازة" وشوووووف الفضايح والنصب

أنا أمس كانت مقابلتي معهم وحسيت انهم يضحكون علينا
أنا بكالوريوس حاسب آلي وخويي بكالوريوس هندسة حاسب
ويبغون يحطونا كول سينتر .. قمّة المهزلة

والله يا اخوان شي يحير بصراحه ويخلي الواحد يوسوس ..!!!!
في البدايه نقدم على ( زين ) او اسمها القديم mtc ..
بعدين الاخوان يقولون العقود مع شركة الحلول ..!!!!
شدعوه وين حنا فيه ,.,
شركة جديده تتعاقد على طول مع شركة ثانيه للمقاوله ,.,
لو كانت للتدريب بس كان قلنا مافيه مشكله اي شركة بالعالم ..
تتعاقد مع شركات و معاهد للتدريب موظفينها ,.,
بس ما سمعنا انهم يسوون زحمه و مقابلات و عقدك ..
في شركة ثانيه ومن بدايتها نصب ..!!
اثبت جدارتك ونوديك mtc ..!!
طيب لو ما اثبت جدارته ومشى اموره وقت التدريب وخلص التدريب ..
بعدها و ين يروح يكنس بالشوارع ولا تضبطونه بعقد ثاني ,.,
مع شركة تبيع لبن وتدربونه من جديد
والله الكلام احس فيه لفه ..

خاصه ان شركة الحلول الممتازه يشتكون منها كثير ..
بالذات موظفين البنوك اللي بدات فيهم هالشركة ..
وعود ثم وعود ثم وعود ..
بعدها اغلب موظفين البنوك يوم فقدوا الامل طلعوا ..!!!
الواحد يكرف و يتدرب على امل في وظيفه تفتح النفس ,.,
بس مع الحلول تسرق نص راتبك وتقول انت جاي عن طريقنا ..!!!
نهب عيني عينك من اللي متعاقدين معه ومن الشركة ومن الحلول ..
حسبي الله و نعم الوكيل ,.,

الله يوفق الجميع ان شاء الله ..